Punto ولا Verna

**tarek_attia** · 20-09-2010 11:05 AM

السلام عليكم ،

أنا محتار انى اشتر بونتو او فيرنا 2010 ممكن اى حد يفيدنى لانى عاوز اخلص من الموضوع ده الاسبوع اللى احنا فيه إن شاء الله :)

شكرا مقدما :)

نقل بواسطتى
مشرف القسم
١١ب

**M_wahba** · 20-09-2010 11:31 AM

انا كنت محتار نفس الحيرة بتاعتكمن شهر
بس بص انا فى الأخر اشتريت بونتو
بصراحة عربية جميلة
وكبيرة من جوز و ثابتة على الأرض
شنطتها جميلة بالنسبة لأن هى عربية هاتش باك
نظام الفرامل بتاعها جمييل جدا
و كمان العفشة رياضية بصراحة عربية خدمة شاقة
بالنسبة للفيرنا هى عربية طبعا 1600 بس المشكلة ان الموتور قوى على بودى العربية فبالتالى هى طبعا سحبها اعلى من البونتو بس لو جريت بيها لو شاطر لمها ( الفرامل ضعيفة بالنسبة للسرعات العالية)
فنصيحى ليك بالبونتو . و ربنا يهديك لإختيار السليم

**tarek_attia** · 20-09-2010 11:51 AM

بس ال horse power بتاع البونتو قليل ده مش مسببلك مشاكل مثلا وانت مشغل التكييف ؟؟ وسؤال تانى وانت مثلا مركب حد معاك مثلا اربع او ثلاث افراد سحب العربية بيبقى عامل ازاى ؟؟

جزاك الله خيرا

**M_wahba** · 20-09-2010 12:04 PM

بص هو بالنسبة لل power horse مع التكييف مش بيأثر بشكل ملحوظ خصوصا كمان لو انت على طريق مفتوح

اما بالنسبة لو محمل العربية انا جربتها مرتين و ركبت 6 افراد فيها ما زعلتنيش خالص
و بصراحة انا مشيت يالعربية دى لحد 150 الإستابيلتى بتاعتها تحفة بجد بجد
ما حستش انها بتعوم او حدفت منى
و بجد كمان عندك الباور بتاع الدريكسيون بتاعها وهمى
مش حتشوفة فى عربية تانية

**sarawe511** · 20-09-2010 12:09 PM

مبروك مقدما ....الخامات و الشياكة و العمر الافتراضي و الثبات ف صالح البونتو لكن اسعار قطع الغيار و التكيف ف صالح الفيرنا وصلي استخارة و شوف اراء باقي الاعضاء و ربنا يوفقك ف الشراء

**mohamedmmm2** · 20-09-2010 12:25 PM

البونتو عربيه ممتازة وكفايه انها 100% ايطالى يعنى بتطلع من ايطاليا.. هى اكيد نسبيا اغلى من الفرنا عشان الفرنا 1600 واكبر فى الحجم.. بس البونتو اشيك واقيم وعربيه تعيش معاك العمر ماتقولش لا ومعمرة جدا والفيرنا بصراحه يعنى بيئه اوى ومش شيك خالص..
والخامات اللى فى البونتو انضف كتير من الفيرنا يعنى بص على البلاستيك اللى فى التابلوة
والفيرنا فراملها فعلا زباله ومش بتسعف نهائى لو على سرعه بس سحبها مبالغ فيه والتحكم فيها زى الزفت على السرعات.. وقوة من غير تحكم ولا ليها اى لازمه..
البونتو سحبها اقل كتير واصغر فى الحجم وقطع غيارها اكيد اغلى بس انضف كتير واشيك واهم من دة كله مريحه نفسيا جدا ووانت قاعد فيها لذيذة وهاتحبها بجد وترتبط بيها عاطفيا وان شاء الله ربنا يوفقك فى الاختيار السليم اللى يناسبك

**tarek_attia** · 20-09-2010 12:35 PM

أنا بس عاوز ااكد على نقطة انى بتكلم على Classic Punto 1300 CC الصراحة دلوقتى بس اللى قلقنى هو التكييف هل فى درجة الحرارة العالية التكيف هيكون كويس وعلى الاقل سحب العربية كويس يعنى اعرف اتحرك كويس ؟؟

بجد ربنا يكرمكم والله على المساعدة ديه :)

**mohamedmmm2** · 20-09-2010 12:54 PM

سحبها معقول جدا لو مش بتجرى اوى.. من ال 0 لل 100 هاتلاقيها ممتازة بس فوق كدة السحب هايبقى صعب شويه.. والتكييف بتاعها معقول بس بياخد 10 دقايق كدة ويظبط الدنيا لو فى الحر..
بس تكييف الفيرنا مع واحد صاحبى على طول بايظ وكل شويه يصلحه

**amrseba** · 20-09-2010 01:29 PM

بص هقولك حاجه
البونتو ياعنى شياكه شكل جميل و اوبشن و هاتش باك وتقفيل ايطالى و خامات افضل و قطع غيار متوفره خارج التوكيل لذيذه اوى و فراملها كويسه جدا و ثبات عالى
الفيرنا شكل قديم و انتشار رهيب و مبالغ فيه اى حد معاه قرشين يروح يشترى فيرنا و تقفيل مصرى و خامات سيئه و ثبات سئ و شكل تابلوه قديم و نور العدادات حاجه من العصر الحجرى كده و فرامل مش هتسعفك لا فى السرعات العاليه ولا المنخفضه انا عن نفسى كنت عايز البتاع القطره الى ورا الحديد ديه عشان العربيات الهيونداى و على فكره البونتو كلاسيك جرايه جدا و سحبها مش وحش و الباور بتاعها كويس ده غير خاصيت السيتى

شوف انه الاحسن و قرر

**placebo_sh82** · 20-09-2010 01:50 PM

كلامكو د على البونتو 2002 -2003 بردو

الموضوع: Punto ولا Verna

LinkBack

أدوات الموضوع

عرض

-

-

المواضيع المتشابهه

FRV vs Verna

byd & Fsv & Verna

Frv & Fsv & Verna

My Verna

Punto GT vs Grande Punto

الكلمات الدلالية لهذا الموضوع

المفضلات

المفضلات

ضوابط المشاركة