الموضوع: حد يعرف نظام التقسيط الأسلامي مع شركة كونتكت

والله أنا سألت دكتور على السالوس عن التقسيط الإسلامى فى مصر ايه العقد الصحيح فيهم
كزنتكت كار ولا فيصل الاسلامى ولا البنك الوطنى للتنميه مصرف أبوظبي
قال لى فيصل الإسلامى هو الوحيد اللى عقده صحيح والباقى فيه مخالفات شرعيه
والله أعلم

فيصل نظامه ربوي لأنه ذي باقي البنوك بيخليك تشتري العربية و ترخصه بأسمك ألأول و بعدين المعرض بيبعت مندوب من عند يستلم الفلوس من البنك, يعني ربا صريح
بالنسبة لكونتكت أنا سألت و احد متعمل معها في شراء سيارة , الشبه الي كانت عندي في الخطوات الي قالي عليها هي حظر البيع و انك بتستلم من معرض تاني غير كونتكت لأنها ملهاش معرض, و سألت في الموضوع ده رجال دين (أمام مسجد و خريج أزهر) ثقة قال اذا كان المعرض شريك مع كونتكت فلا بأس و ده الي عملاه رينو و كيا مع كونتكت.
بس انا عاوز اعرف التفاصيل يمكن تكون في نقطة مش و ضحة تخلي في حاجة حرام في النظام

انا مقسط مع كونتاكت النظام الاسلامى
الشركه فى العقد بتبيعلك العربيه ازيد من سعرها الحقيقى يعنى لو هى متلا ب70 كاتبين فى العقد 90 و على عدد السنين اللى تحدده اقصاه 5 عليها حظر بيع و لو حبيت تكيش و تخفض المبلغ مينفعش و مفيش تامين لو عايز تامن مع نفسك امن هما مبيشترطوش
لو عايز تستفسر فى حاجه معينه انا تحت امرك

كنت عاوز اعرف ايه لزوم التوكيل الي بيتعمل لصالح الشركة و ايه هي الخطوات و الأوراق المطلوبة و عربية رينو بتستلمها من المعرض و لا التوكيل

اولا حظر البيع ده هو التوكيل على ما فهمت بحيث انه يقدر ياخد العربيه فى اى وقت لو مدفعتش الاقساط
و بيعمللك الاقساط على شيكات كل ست اشهر بشيك و بيفتحولك حساب فى بنك تبعهم بتدفع كل شهر القسط و فى اخر كل 6 اشهر تروح الشركه تاخد الشيك لحد اما يخلصوا
كل الاوراق المطلوبه اسبات دخل و اثبات اقامه وصل نور مثلا او غاز باسمك او باسم الوالد و الدخل بيباه كشف حساب لاخر6 شهور بيبين مرتبك لو بيتحول من البنك او من شركتك يعملوا مفردات مرتب فى جواب موجه لشركه كونتاكت و الاستلام من التوكيل او اى موزع متفق معاهم على حسب العربيه متوفره فين
هما بعد اما يعملوا عنك تحريات ان بياناتك صح بيتصلوا يقولولك انت اتقبلت ولا لا و بياخدوا 100 جنيه تحريات
و بعد اما بتتقبل بيتصلوا وقت مالعربيه بتتوفر عند حد تبعهم و بتروح تستلم علطول انا استلمت من التوكيل اللى فى المهندسين

سؤال كمان, هو ايه مصريف استخراج دفتر الشيكات و فتح الحساب

دلوقتى المصرية العالمية للسيارات وكونتكت عملين شركة مع بعض وبيبيعوا سيارات رينو بالتقسيط وانا اشتريت عربيتى بالطريقة دى
لانه تقريباً افضل نظامى اسلامى موجود باقل محظورات
وده لانهم
1- لا يلزموك بالتامين
2- لا يوجد غرامة على تأخير القسط
3- العقد يكون بينك و بين كونتكت المصرية العالمية السيارات اى بدون طرف ثالث.
4- الثمن فى العقد يكون ثمن محدد بدون ذكر سعر فائدة فى العقد( اى يتم الاتفاق على ثمن محدد اثناء اتمام عملية البيع)
5- اذا اردت ان تقوم بالسداد المبكر لا يتم تخفيض اى شىء من المبلغ
6- يقوموا بعمل الترخيص محظور البيع لصالح الشركة(مختلف فيه بين العلماء)
7- تفوم بعمل توكيل لصالح الشركة وذلك لحفظ حقهم فى السياره
وانا سألت احد المشايخ الثقات وافتانى بجوازعقد كونتكت النظام الاسلامى