الموضوع: ليه الشيش اتلغت من اسكندرية ؟؟؟؟!!!! منك لله يا عادل

المشاركة الأصلية كتبت بواسطة ghazy12

الله ينور عليك... و الادعى ان المستشفى كان فيها قسم مجاني للغلابه, و كانت قريبه و ليها مواصلات

طبعا ديه عالبحر و فمكان يعتبر فنص اسكندرية

و المواطن الفقير يقدر يروحها بالمواصلات



و اللي اعرفه انها ماكانتش هتهدها (بنت حلال قوي)... دي كانت هتنقلها لمكان بعيد عن العمار
و المواصلات بس, و الناس الغلابه دي ولا ليهم اي اعتبار..!!! و هو فعلا رفض...

لا يا باشا هيا كانت هتقيم عالارض فندق

و بعد كده تنقل المستشفى مش فاكر لمنطقة ايه بالظبط

العجمى تقريبا

و هو فيه كده

يعنى الناس اللى رايحة مستشفى مجانى

دول عندهم عربيات يروحو بيها او يقدرو ياخدو تاكس ب 100 او 150 جنيه

ده اسمه افترا عالناس

اهو ده قرار محترم و انساني و مؤثر, و علشان القرار محترم و مؤثر, تم عزله عن منصبه...!!

طبعا ازاى

اتجرأ انه يعترض على قرار للهانم مرات صاحب العزبة



تعرف يا بشمهندس احنا فى البلد ديه ملنا ش غير ربنا


ماهو يايهديه يياخده

ادعى انت بس

المشاركة الأصلية كتبت بواسطة solyelissa

في رائي قرار غريب ويوصف بالعشوائي او بهدف تلميع اعلامي واكتساب مزيد من سخط اهالي الاسكندريه على المحافظ عادل لبيب .فبعد ان فرغ من استعداء المسنين من الرجال والنساء والمرضي وهم يحاولون الصعود على الارصفه وكم سمعت سيدات مسنه بتدعي عليه وهم يحاولون الصعود علي الرصيف اما ممسكين بعامود نور او مستندين علي سياره متوقفه . ويتسائل هؤلاء الناس ومعهم اهل الاسكندريه جميعا من حكمه هدم ارصفه جيده وبناء اخرى اكثر ارتفاع فلا يجدوا اجابه .
وتوجه المحافظ بعد ذلك الي اصحاب السيارات ليصنع لهم جبايه تفرد بها مما عرفه اهل الاسكندريه بالحضانه ويجب عليك لاخراج سيارتك منها ان تدفع تبرع للمحافظه ممكن الف الفين تلاته حسب السياره اتحجزت كام يوم .مما زاد اهل الاسكندريه سخطا على سخط .
ولم يشاء المحافظ ان يترك الشباب في همومه او من اعتاد الجلوس على القهوه علشان يشرب حجرين علشيشه فستصدر قرار بمنع الشيشه ليزداد الساخطين عليه ليتفرد بملكه( ازاي يكره الناس فيه )

طيب النهارده انا عاديت علي قهوه بقعد عليها علي البحر تقريبا ربع العدد الي كان موجود عليها
في 2 شباب الي ماسكين الشيشه عطوهم اجازه اجباريه يومين لغايه لما يشوفوا القرار ده حيستمر ولا ايه ؟ ولو استمر حيمشوهم خالص وللاسف الشباب ده خرجين جامعه وعلشان هما مش قرايب ناس مهمين فلم يجدوا وظائف تحقق لهم دخل معقول فشتغلوا في قهوه في الشيشه وحتي دي حيطردوا منها .
من حوالي 6 شهور المحافظ الزم اصحاب القهاوي انهم يركبوا ستاير هواء علشان بيقى في جزء للشيشه وجزء من غير . في قهاوي ركبت 5 و 6 اجهزه ستاير هواء بتكلفه 10 و 12 الف جنيه
النهارده بيمنع الشيشه خالص طيب كان ايه لازمه انك تدفع اصحاب القهاوي المبلغ ده ؟؟؟؟

الناس الي شايفه المحافظ عادل لبيب جميل ومفيش منه 2 فاكيد مش عايشين في اسكندريه ومش عارفين شعور اهل اسكندريه تجاه ايه ويكفي ان من كام سنه في حركه المجافظين طلعت اشاعه ان ساب اسكندريه تهللت وهللت جماهير الاسكندريه جميعا وكانت السيارات بتزمر بيب بيب ملاكى وتاكسي وميكروباص فرحا بالخبر الذي لم يلبث ان اتضح انه اشاعه واكتشفوا بقاء عادل لبيب في منصبه .
في النهايه لو حنتكلم علي الراجل الي بجد الي عمل بجد وغير وجه الاسكندريه ليزداد جمالا وتكتسي عروس البحر الابيض وتتزين فيجب ان نتكلم ونتوجه با لشكر الي السيد اللواء عبد السلام محجوب
حبيب الاسكندرنيه الي كان فاتح باب مكتبه للناس الي عايز يقابله يتفضل الرجل الذي لن تنساه الاسكندريه ولا الاسكندرانيه

ربنا يباركلك قلت كل الى انا عايزو يالظبط
اصلى متنرفز اوى من الى فرحانين بية
والله يا ناس حياتى وقفت بسبب واحد من قراراتة

المشاركة الأصلية كتبت بواسطة moody1

الله ينور عليك ياباش

هو ده الكلام اللى كنت عايز اقوله ان مش بس الشيشة كل قرار بيطلعه بيبقى ليه متضررين كتير

و انا بقرا كلام حضرتك عرفت انك بلدياتى

يعنى من عزبة عادل او الاسكندرية سابقا

هههههههه

تحياتى لحضرتك





انا سمعت ان كمان غرامة التدخين فمكان عام مقصود بيها السجاير

غرامة 100 جنيه

طب لو واحد معهوش فلوس و جايب سجايره فرط هيعملو ايه معاه

هيسحبو منه البنطلون

هههههههههه




علشان هو ا محافظ فنان فكيفية خراب بيوت الناس و العكننة عالشعب

100 جنية فورى للمدخن وعشرين الف لصاحب المكان
يعنى على القهاوى كمان تقولك متشربش سجارة عندى
قرار عجيب
بس هى سبوبة زى الحضانة دلوقتى مش هقول غير كل يوم تقريبا امناء شرطة بيضربوا او بيضربو سواق
وبقا السواق عندو استعداد يدوس مواطن بس ميتمسكش حضانة على المعاملة الزبالة وحجز يوم و3 الالف او 4 كل دة بطيخى

المشاركة الأصلية كتبت بواسطة ghazy12

انا بس عندي سؤال صغير لكل الناس (و خصوصاً الاسكندرانيه)
اللي بتشييد بالسيد المحافظ عادل لبيب و قرارته.....!!

بعيداً عن قرار الشيشه ده, و انه صح ولا غلط, لانه مش قرار مؤثر,
لان اللي عايز يشيش هيشيش بردو, و مش ده اللي هيمنعه...

الراجل ده عمل ايه يذكر في اسكندريه, و ايه هي انجازاته..؟؟؟؟؟؟؟؟

اللي اعرفه ان كل الاسكندرانيه بيكرهوا عادل لبيب جدااااااااااااا
و بيحلفوا بالمحجوب, و ايامه, و بيتمنوا انه يرجع تاني..!!

لكن يرجع فيييييين..؟؟!!!! دي (السيده الاولى) هي السبب الرئيسي
في عزل المحجوب عن منصبه كمحافظ, و تعيين عادل لبيب مكانه,
و اعتقد ان الكل عارف كده كويس قوي....

الناس كلها عارفة انهم كانوا عاوزين يهدوا مستشفى الشاطبى علشان يبنوا مكانها فندق للضيوف علشان المكتبة
راح المحجوب مبلغ الورثة على الى بيحصل فا معرفوش يعملوا حاجة

المشاركة الأصلية كتبت بواسطة moody1

الله ينور عليك يا باشا



بامارة المستشفى اللى رفض الراجل الشريف اللى اسمه المحجوب انه يهدها و يعمل مكانها فندق

عشان الهانم هى و ضيوفها ينزلو فيه و تكون هى و صحباتها قريبيبن من قاعة المؤتمرات فى مكتبة اسكندرية

تمام تمام

المشاركة الأصلية كتبت بواسطة ghamrawy

طيب ما هو ماسك محافظ بقاله سنتين تقريبا
ليه مهدش المستشفى لغاية دلوقتى

خلاص ما الورثة عرفوا وبقا عنيهم عليها

المشاركة الأصلية كتبت بواسطة solyelissa

علشان الارض الي عليها المستشفي مش ملك للمحافظه دي ملكيه خاصه لاصحاب ايطاليين اهداء منهم للاسكندريه لبناء المستشفى ولما مشوا الراجل المحترم الي قال لا وجه المحافظ عادال لبيب وكان عايز ينفذ الامر اصحاب الارض عرفوا وبعتوا للمحافظ لو المستشفى اتهد تسلمنا الارض فورااااا احنا سيبين الارض هديه لمشروع خيري لو حتقلبوها مشروع استثماري فندقي يبقي ارضنا ترجعلنا
وكلامك يا سياده المحافظ بعد كده مش معنا مع الفنصليه الايطاليه في الاسكندريه.
راح المحافظ لم نفسه واعتذربالدموع للسيده الاولي ولو ينسى وهو يعتذر ان يقدم لها فروض الطاعه والولاء .
وفقد رجل المخابرات السابق والمحافظ المحبوب عبد السلام محجوب منصبه بسبب هذه الواقعه ولكنه
ابداا لم يفقد مكانه في قلوب الاسكندرانيه وظل الاسكندرانيه كلما ذكروه ذكروه بالخير وتذكروا معه ايام الزمن الاسكندراني الجميل

تمام يا ريس

المشاركة الأصلية كتبت بواسطة ghazy12

انا فعلا سعيد جداا ان الناس فاهمه و لسه فاكره الراجل المحترم ده و اللي حصل فيه...

مع اني مش اسكندراني, لكن انا من عشاق اسكندريه, و المحجوب فعلا كان انسان محترم
و عمل كتيييير لمحافظة الاسكندريه, و الاسكندرانيه كلهم كانوا بيشيدوا بيه و بقراراته...

مش قرار منع الشيشه (السطحي), و الغير مفهوم او مبرر...!!!!!!

طيب لما هو مش بيهمه حد (على غرار انه دفع ابن المسؤل ضعف الغرامه "ده لو حصل فعلاً")

ما يطلع قرار بغلق كل منافذ بيع الخمور في اسكندريه (البزارات)..؟؟؟؟

ولا دي عييييب..؟؟؟؟؟ ولا قرار منع الشيشه شرعي, و قرار منع الخمور غير شرعي؟؟؟؟؟

ميقدرش طبعا الحاجة دى ممكن يتبهدل فيا
كفاية دعا الناس علية وهفضل ادعى لحد لما يخلص زمنة

وعلى فكرة المحجوب لو فضل قاعد فى الاسكندرية كان ممكن يهدد ناس ياما اوى بسبب التفاف الناس حوالية وحبهم لية
فا انتنقل وزارة ملهاش قيمة علشان يكون بعيد