الموضوع: ليه الشيش اتلغت من اسكندرية ؟؟؟؟!!!! منك لله يا عادل

المشاركة الأصلية كتبت بواسطة maserati

السلام عليكم و رحمة الله و بركاته

أنا متفق مع أغلب الناس أن التدخين عموما ضار بالصحة رغم أنى بدخن خوخ , بس و لأننا فى منتدى نايل موتورز والدى يكفل حرية الرأى للجميع و أن اختلاف الآراء لا يفسد للود قضية و ده اللى أحنا اتعلمناه من مبادئ و سياسات الحزب الوطنى :ta_clap[1]:, فاسمحلى أنى أختلف مع حضرتك فى الحكاية دة .

بالعكس , أنا شايف أن تدخين البنات للشيشة بنكهات الفواكهة المختلفة , very attractive و ده على فكرة رأيى الشخصى و كل واحد حر جدا فى رأية و أى حد يختلف معايا فى هدا الرأى له كامل الاحترام و التوقير .

ممكن, واحد من الأخوة الأفاضل هنا فى المنتدى , يقوللى ( يعنى ترضى أن أختك أو زوجتك تدخن شيشة؟؟؟ ) هقوله , لأ طبعااااااااااااا , لأنى ببساطة مارضاش أنهم يكونوا very attractive !!!!!!!!!!!!!!!

مازيراتى كواتروبورتيه

بصراحة انا بقرف جدا من البنات الي بيشيشوا ,, بيبقي منظرهم مسترجل وغبي , اصل البنت الي بتشيش دي بنسبة 90% مش محترمة

و بقولهم كدا فوشهم علي فكرة

لسه قايم من على القهوة انا وشنورى وخالد ابو رقية واثنان من الأصدقاء وضاربين 51 (واحد وخمسون ) حجر معسل :)
ميامى الشيش اشتغلت فيها تانى ماعدا كافتريا السلطان هما اللى منفذين القرار فقط

المشاركة الأصلية كتبت بواسطة m.almaghraby

سماع الاغاني كمان تعدي علي حرية الاخرين !!

جديدة دي


خلاص انا من انهارده مش حمشي بالعربية فأي شارع عشان متعداش علي حرية الاخرين في انهم يمشوا براحتهم بقا

المشاركة الأصلية كتبت بواسطة ashouhdy

جديدة حكاية سماع الاغانى تعدى ع حرية الأخرين ؟؟؟؟ هو اية اللى بيحصل فى المنتدى !

انا آسف انى نسيت اكتب (فى الاماكن العامة) يعنى فى المترو والباصات والشارع...ولو حتى فى عربيتك مش من حقك تعلى الصوت لدرجة تسمع اللى برة
يعنى لو انا ماشى فى الشارع من حقى امشى من غير ماحد يسمعنى اغانى او يفرض عليا ذوقه
واللى عايز يسمع اغانى يأما يخلى الصوت على قده او يحط هاند فرى ويسمع براحته
وده يعتبر احترام لشعور الآخرين

انا نفسى اعرف حاجة عملها المحافظ ده من ساعة ما جه غير العجمى هو اه قفله سنة بس بقى مية مية بالنسبة للاول بس المرور هناك زفت
ده هنا مسمينه محافظ الرصفان تلاقى الاسكندرانية عارفين كسر رصفان اسكندرية كلها بلا استثناء وسابها انا الشارع عندى بدأ فى شهر 6 لغاية دلوقتى مخلصهوش 4 شهور وايه الشارع بتاعى اصلا 50 متر او اقل كسر الرصيف كله وسابه ضيق الشارع بسبب الرديم والناس طبعا بقت تمشى ف وسط كانت لسه حاصلة حادثة ف الشارع الرئيسى بتاعى مات فيها 2 او3 وايه الرصيف كان زى الفل والشارع اصلا مش متسفلت يعنى ده لو واحد بيفهم الاولى انوه يعمل الرصيف ولا يسفلت الشارع الاول سبحان الله
وحسبى الله ونعم الوكيل ده غير وقف البنا اللى وقف بيه حال ناس كتير وغلى الشقق والحضانات فين ايامك يا عم محجوب
ساب كل ده وجى ع الشيش طب امنع السجاير اللى عمالة تغلى ومش لاقينها اصلا العلبة الميرت كانت ب7 ونص وبعدين 8 ونص وبعدين 9 ونص ومش موجودة اصلا بتلاقيها سرقة ب12 و13 جنيه

المشاركة الأصلية كتبت بواسطة med

العلبة الميرت كانت ب7 ونص وبعدين 8 ونص وبعدين 9 ونص ومش موجودة اصلا بتلاقيها سرقة ب12 و13 جنيه

باكتة البانجو بقت بعشرين جنيه ويادوب بتعمل سيجارتين وسمسووون
هههههههه انا آسف انى باهزر بس كلام حضرتك فكرنى بالفيلم ده(عبود على الحدود) وكأنك بتتكلم عن ازمة رغيف العيش
انا مش مدخن وعشان كدة معرفش السيجارة بتمثل ايه بالنسبة لمدخنيها بس مهما كانت المفروض حضرتك ماتزعلش عليها وان شاء الله تقلع عنها فى القريب العاجل باذن الله
تقبل مرورى من غير زعل..انا باهزر