الموضوع: الفرح الاسلامي

الفرح لا يتعمل زى ما بيتعمل و خلاص
لا ميتعملش
بس فرح اسلامى و مش فرح اسلامى انا شايف انه لف و دوران لا طائل منه

خد مراتك وروحوا انبسطوا مع بعض و سافروا - الناس مش هتعملك حاجه

المشاركة الأصلية كتبت بواسطة human12

خد مراتك وروحوا انبسطوا مع بعض و سافروا - الناس مش هتعملك حاجه

+1

و كده كده اهلكم هيفرحوا بيكم تلقائى اول ما ربنا يتمم لكم بخير

و بالتوفيق يا ميكى

المشاركة الأصلية كتبت بواسطة funnymickey

ياشباب الاهل عامل مهم جدا انتو غافلين عنه
يعني ازاي امها حتقبل ان بنتها تخش سكيتي
دي ابسط حاجه حتتقال
اذا كان عليها هيا هيا مش عاوزه غير حاجه واحده
فستان ابيض وعربيه متزوقه ولولولولولولولولولولولولو لولولوي وخلاص علي كده
ونطلع عمره في شهر العسل
دي اقصي طموحاتنا
انا كاتب كتااااااااابي ولازم الاقي طريقه اعمل بيها اشهار والوليمه سنه يعني لازم اولم والرسول صلي الله عليه وسلم قال اولم ولو بشاه
ان الموضوع ممكن يكون بسيط
انا بفكر معاكو من دلوقتي عشان اوصل لحل
ياجماعه دول رافضين ان الفستان يتأجر
اقول ايه تاني

ايه يا صبحى, انت صدعتنا بجد
بص يا ريس مفيش حاجه اسمها سكيتى لا الأعضاء المحترمين جدا هنا قالوا بعد تناول وجبه العشاء فالمكان الفخم تعمل زفه بالعربيات, و تدخل الشارع و البيت بالأزعاج المعروف علشان الناس تعرف (الأشهار) و خلاص على كده
كون العروسه مش عايزه غير فستان ابيض و عربيه متزوقه يبقى خلاص اشتريلها فستان (مش تأجر) انا ان شاء الله هجيبلك عنوان محل بيبيع فساتين كويسه جدا و اسعاره ممتازه و تزويق العربيه مش مشكله طبعا
عمره فشهر العسل ماشى

<>ممكن تريح نفسك و تعمل وليمه فالجامع اللى جنب البيت اللى هتسكن فيه (و تجيب حد يقول اناشيد و كمان شيخ الجامع يقول خطبه صغيره و يدعى لك) و بعدها زفه صغيره جدا و خلاص
يبقى عملت فرح اسلامى,اشهار, وليمه, زفه الـــ ولولولولولولولولولولولولو لولولوي و الفستان و الأهل كلهم موجودين, اظن كده مش ناقص حاجه

يا جماعه حكاية مافيش فرح فكره مش عملية لأن 90% من العائلات سواء العريس أو العروسه هتطلب الفرح و مش هتتنازل عنه أبدااا

المشاركة الأصلية كتبت بواسطة funnymickey

كل اللي انتا بتقوله ده اتعمل في فرح اختي
والناس روحت متضايقه بردو

الفكره في مظاهر الفرح نفسها مش موجوده
العروسين منفصلين

العروسه بعد ما خلصت الزفه دخلت مع صحابها

انا اقعد اعمل ايه بقي

لأ انت كده بتهزر يا صبحى, انت عايز نفس مظاهر الفرح العادى بس بطابع اسلامى طيب ازاى ؟؟
يا فرح عادى يا فرح اسلامى محترم

مفيش مخرج من الحكاية دي إلا بطريقتين وبس :
فرح على الضيق تتقابل فيه العائلتان فقط يعني انت واسرتك واخواتك وأسرة خالك وخالتك واسرة عمك وعمتك فقط .. مش أسر أولادهم كمان لو كبار

ونفس المسألة الناحية التانية فقط ..

الميزة في هذا الفرح هو تعارف العائلتين على بعض .. وحدود الاختلاط هاتبقى في إطار محترم جداً ..

الحل الأمثل لهذا الشكل هو باخرة نيلية وعشاء فاخر .


الحل الثاني هو فرح على الواسع يعني قرايبك وصحابك ، وقرايبها وصحابها .. الخ
ودي ملهاش حل غير الفرح الإسلامي التقليدي وبس ..
ويمكن القفز على هذه المسألة بأن تفصل بين الرجال والنساء ببرافان كبير فقط ، أو تقعد الرجالة على اليمين والستات على الشمال ودمتم ، وكل الناس تكون عارفة إن ممكن حد من الرجالة يدخل لمراته أو اخته ، والعكس .. يعني فيه اختلاط لكن في حدود ضيقة ، وعدم الفصل التام يخلي كل واحد يبقى عارف حدوده كويس ، وتعمل بوفيه محترم ، وتمنع الرقص والكلام الفاضي ده ، وتقعد جنب مراتك في كوشة برضة في النص وخلاص ..

وغير كدة يبقى أي حاجة تانية متنفعش وفق الكلام والمعايير التي وضعتها ..

وتقبلوا جميعاً خالص مودتي