المشاركة الأصلية كتبت بواسطة toot70
بص يا معالي الباشا
انا كنت محتار زي حضرتك بس هقولك عملت ايه:
انا اشتريت ال 307 خليجي مانيوال
اولا لاني بكره الاتوماتيك وثانيا ودا اللي يهمكا ان تغيير الزيت المطلوب للاتوماتيك كل 60000 وهيكلفك غالي اللتر ب 300 جنيه لانه لازم الفرنساوي
رابعا: مفهوم قطع الغيار الرخيصة والغالية ده مرتبط بقيمة العربية اصلا فمثلا اللي تمنها 100000 جديدة غير اللي تمنها 150000 اكيد تمن قطع الغيار بيختلف
يعني اكيد الفيكترا مثلا لما نزلت سنة 2003 كان تمن قطع غيارها نار تعالي شوف تمنها دلوقتي مقارنة بالفيكترا السي
احنا ناس في البلد دي عاوزين كل حاجة علي بعض
امان وثبات وموتور قوي وكل حاجة في العربية ويا سرك لو تمشي بسولار ويكون تمنها ميزيدش عن 50000 وقطع غيارها رخيصة
العربية انا جبتها 2006 وكانت عاملة 60000 كيلو وراشة جنبين نضافة من بلدنا الجميله
بس ممكن اقولك علي بعض الحاجات
الفانوس الخلفي ب 600 جنيه بس الكوري بتاعة ب 225 وخد عندك من ده حاجات كتير
سير الكاتينة الاصلي ب 300 وفيه منه ب 120 جنيه
بليه الشداد اللي فوق واللي تحت الاتنين ب 500 جنيه وممكن يتغيروا مع سير الكاتينة وممكن ميتغيروش
البوجيهات ب 120 جنيه
الزيت شيل او توتال والسعر بتاع ال10000 كيلو مفيش خلاف عليه
زيت البور ب 190 جنيه وده عمرك ما هتغيره اللا في الشديد الاوي
اللي غالي بالهبل فيها انك متعملش حادثة بوشك (بوز العربية ) لان كل حاجة فيه غالية ابتداء من الاكصدام للايرباج للي انتي عارفه بقي علي رأي تهامي .....هههههههه
لكن طبعا المرايه ب 700 جنيه اللي هي مش ضم كهربا بس هي كهربا معرفش الكوري بتاعها بكام
حابب اعمل دراسة مقارنة بين اسعار قطع الغيار بين العربيات بس مش كل الناس بتساعد في ده
لكن في اخر احب ااقول لحضرتك انك هتستمتع جدا بالعربية
هتديك اخبار علي الشاشة عن كل حاجة
درجة الحرارة
الباب اللي مفتوح حتي وان ماشي تديك انزار ان فيه بابا مفتوح وهو اي واحد بالظبط
تديك اوك ان الزيت كويس
تقرير رحلات
متوسط استهلاك
العربية بتنزل بسي دي اوديو بس لسة منزلتش ام بي ثري
التحكم في الكاسيت من دراع مستقل
تسارع رهيب وعمرها ما تخزلك في الطلعة او القرص
تعديل الكراسي عالي وواطي
شنطة تحفة بجد وكافية جدا لاسرة
اضاءة قوية علي الطريق
بس المشكلة انك مش هتشوف بوز العربية ابدا لا ضهرها
هههههههههههه
مش عارف ااقولك ايه تاني
بس لو حابب ممكن حضرتك تسال
تحياتي
المفضلات