بتزوروا اخوالكم و لا اعمامكم او قرايبكم عموما ؟

**Lion_Heart** · 22-09-2010 02:41 AM

للاسف انا زعلان من الموضوع ده لو فى زيارات بتبقى فى المناسبات و الاعياد بس و نادرا لما الواحد بيطمن بالتليفون و لا حاجة
مش عارف دى زحمة الحياة و لا المشاغل و لا يمكن عشان فى المدينة وكل واحد فى وادى
بيتهيألى اهل الريف اللى فى القرية الواحدة او اللى اصولهم ريفية احسن مننا فى الموضوع ده
فهل ياترى بتحنوا انكم تكونوا عيلة مترابطة و لا كل واحد هوه كمان فى وادى ؟

**kamalsalem** · 22-09-2010 03:02 AM

للأسف انا عندي مشكلة

انا اتربيت برة مصر... ومعرفش قرايبي.. ولما رجعت مصر اتعرفت عليهم وحكمت عليهم كأشخاص من غير اي سابق معرفة.. فالنتيجة اني اتشديت لناس وناس لأ

والرجل تدب مترح ما تحب

**lordfear** · 22-09-2010 03:03 AM

ولا بقت فارقة يا باشا ريف مش ريف

هية الاكثرية بتبقى معتمدة على شكل العلاقات و الناس

يعنى انا مثلا بحس ان المعاملة اختلفت مثلا يمكن عشان فرق السن بس مش انا لوحدى المعاملة اختلفت عن زمان فى العموم يعنى طريقة الترحيب و الحفاوة فى المقابلة كل ده رااااح لدرجة ان الواحد يبقى جى من القاهرة ولا يطلعو يسلمو =)

**eslam_wega** · 22-09-2010 03:13 AM

ممكن افضل اكتر من سنة او اتنين وساعات تلاتة ولا اشوف حد منهم
ولا انا بسائل ولا هما بيسائلوا بس زمان كنت بروحلهم ديما وكانوا بيفرحوا بيا جدا لما ازورهم بس برضوا مكنوش يزورنا غير قليل ولما كبرت طبعا الشغل خدنى ومفيش وقت اروح زى الاول وطبعا هما حتى فى الاعياد مفيش كل سنة وانتم طيبين رغم اننا بنحب بعض الى حد ما

**Mostafa.Mahran** · 22-09-2010 03:15 AM

الحمد لله العلاقة كويسة مع كله

**omaroof** · 22-09-2010 03:47 AM

احنا بنستنى الناس تسأل علينا ليه احنا موش بنسأل على الاهل والاقارب كصله رحم
ولو اتصلنا مره واتنين وماحدش رد الاتصال او الزياره بنكبر دماغنا عنهم
المفروض على الاقل نتصل بالتليفون ونسأل على الاهل والاقارب
اما الاخ كمال ماتحكمش على حد من زيارات لان اللى جاى من السفر الدنيا بتبقى وردى وفيه ناس كتير بتعمل طيبين وهى عكس الحقيقه

**a77med** · 22-09-2010 06:34 AM

للاسف معظم الاهل والاقارب تفيكرهم اختلف بمعنى ان لو الواحد تعمد السؤال والاطمئنان عليهم كل فتره تفكيرهم بيعطيهم ان سبب السؤال والاطمئنان اننا طالبين مساعده وليس لغرض صله الرحم وعموما الزمن اتغير جدا عن زمان لان الناس القديمه عمرها ماهتتعوض

**Lion_Heart** · 22-09-2010 11:49 AM

شكلنا كده معظمنا بيحس بنفس الموضوع,
الواحد بيزعل اوى لما يعرف ان حد توفى و يتفاجأ ان بقاله مده بيتعالج و مريض و هوه مش عارف و يادوبك يحضر الجنازة و خلاص ..... ده لو قدر او عرف فى الوقت المناسب.

**ahmed4000** · 22-09-2010 12:04 PM

الدنيا بقت صعبة
دانا مش عارف ازور ابويا باستمرار
اخواتى ينزلوا من السفر اقابهم 3 او اربع مرات

الناس وهى صغيرة بيبقوا مرتبطين باولاد خيلانهم وولاد اعمامهم...الخ
لكن ده دلوقتى حتى عندنا بقى صعب لاننا مبنشوفهمش الا كل فين وفين

حياة بقت غريبة

**maka** · 22-09-2010 12:35 PM

الدنيا بقت سريعة و المشاغل كتيير

ده الواحد ساعات مبيشوفش اخواته اللى معه فى نفس الشقة يوميا

الموضوع: بتزوروا اخوالكم و لا اعمامكم او قرايبكم عموما ؟

LinkBack

أدوات الموضوع

عرض

بتزوروا اخوالكم و لا اعمامكم او قرايبكم عموما ؟ - انشر الموضوع فى :

-

-

-

-

-

-

-

المواضيع المتشابهه

مشاكل الدايو عموما

هل دى اشاعه عن الاوتوماتيك عموما ؟؟؟؟؟

صور شيري عموما

الفرق بين السيارات عموما

الفيات عموما و 128 خصوصا

الكلمات الدلالية لهذا الموضوع

المفضلات

المفضلات

ضوابط المشاركة