ياباشا ربنا يخليك واهلا بيك معانا فى قسم هوندا
دلوقتى بالنسبة للموديلين اللى حضرتك كاتبهم دول مختلفين يعنى الجيل الخامس يبدأ من 1992 - 1995 والجيل السادس يبدأ من 1996-2000 وطبعا كل واحد بسعر واوبشن
بالنسبة للسعر بتاع الجيل الخامس يتراوح من 35 الف الى 55 الف وبعض الفئات بتوصل الى 60 الف لو SiR اوريجينال بس دية نادرة جدا
بالنسبة لسعر الجيل السادس يبدأ من 48 الف الى 67 الف
المواصفات الفنية هتلاقيها فى الموضوع دة كل حاجة عن العربية وفية مشاركة موجودة فيها فئة ال EX اللى هية سعرها يتراوح مابين 38 الف الى 40 الف لانها بتبقى كاربراتير
اعادة البيع ممتازة يعنى العربية سعرها زى ماهو من 6 سنين مانزلش جنية
قطع الغيار متوافرة وبشدة بس طبعا عن بتوع اليابانى فقط او بمعنى اصح المتخصصين فى الهوندا زى الحرفيين , الدقى , فيصل , وفية فى امبابة والتجمع الخامس , ومصر الجديدة
اقرى الموضوع دة
http://www.nilemotors.net/Nile/214978-a.html
شوف العربية دية ليها عيوب زى اى عربية فى الدنيا
1- قطع غيارها الاصلية غالية بس معمرة جدااااااااااااااااااااا
2- لازم تجيب عربية نظيفة عشان تريحك لانك لو جيبت عربية حالتها وحشة هتكرهك فى الهوندا بعكس لو اشتريتها نظيفة هتخليك ماتركبش غيرها وعن ثقة اى حد معاة هوندا مابيعرفش هيركب اية بعديها
3- لازم فنى متخصص يشتغل فى العربية دية لان اى حد تانى هيشتغل فيها يبقى قول عليها يارحمن يارحيم
4- على الاقل يتم تركيب قطع الغيار اليابانية فى بعض الحاجات ولتكن العفشة مثلا لكن تايوانى وصينى اخر المشوار بتاعك هتعطل بيك
5- فية ناس كتير بيشتكوا من ضعف فى التكييف ولكن التكييف دة لية ظبطة وطريقة صيانة بتخلية ثلاجة
كدة انا قولتلك على كل عيوب السيارة