ممكن سؤال عن الfsv 1500gls

**shiko_sla** · 22-09-2010 11:17 AM

السادة اعضاء المنتدى الكرام
انا استلمت البريلينس fsv 1500 gls من شهر و هى عربية جميلة فعلا بس انا اكتشفت ان انا ممكن اقفل الزجاج بالريموت كنترول يعنى فيها وحدة رفع الكلام دة صح و لا اية انا جربتها بس مش عارف بس البرشوة بتاعها بيقول كدة الكلام دة صح و لا ممكن تكون اللى موجودة برة و اللى فى مصر مافيهاش فى اى حد من المالكيها جرب الموضوع دة

و اسف على التطويل و شكرا

**goingonlovingu** · 22-09-2010 11:30 AM

لا فيها كده فعلا حضرتك بتفضل دايس على زرار الاغلاق فى الريموت 3 ثواني كده متصله هتلاقي وحدة الرفع اشتغلت
مبروك يا باشا
وياريت توافينا بالاخبار لان انا نفسي اجيب العربيه ديه ومستني اراء ملاكها عنها

**beko2010** · 22-09-2010 02:18 PM

الف مبروك وربنا يعطيك خيرها ويكفيك شرها ..........ياريت تقول لنا على رأيك فيها وهل هى اتوماتيك ولا مانيوال 00 الرجاء توضيح كافه الامور ونصيحتك ....وربنا يبارك لك..

**madamada2070** · 23-09-2010 12:41 PM

يا ريت توافينا بالاخبار عشان اللي عايز يشتري يشتري و هوا مرتاح

انا خلاص حستلم كمان اسبوع

**goingonlovingu** · 23-09-2010 01:05 PM

انا حاسس يا استاذ مادا انك بترمي كلام
هههههههههه

**akramesg** · 23-09-2010 01:49 PM

دوس لمدة ثانية وبعد 30 ثانية هتقفل

**shiko_sla** · 23-09-2010 02:03 PM

يا شباب متشكر اوى على الردود و انا جربتها و فعلا شغال و كلة تمام ربنا يكرمكوا

اما بالنسبة للعربية فانا شايف انها عربية ظريفة فعلا و انا الحمد لله مرتاح معاها اوى ربنا يكرمنى فيها و الحمد لله بشهادة اصحابى فكلة مجمع على انها ظريفة و الاوبشن بتاعها جميل جدا جدا انا عامل لغاية دلوقتى مش كتير يعنى عامل 1200 كم بس انا بسمع ان عيوب الصناعة بتظهر عند 1000 كم مش عارف دة صح و لا اية اصلى لسة جديد دى اول عربية اركبها و على فكرة انا كنت قاسى عليها اوى اوى علشان انا اتعلمت عليها و انتوا عرفين يعنى اية اتعلم عليها ياما كركرت منى و بطلت منى و يامـــــــــــــــــــا وقفت الشارع ورايا ههههه
بس الحمد لله لغاية دلوقتى اصيلة و على فكرة انا سافرت بيها العين السخنة انا ال4 كمان (طبعا مكنتش سايق) و كنا كلنا مرتاحين فى القاعدة مع العلم ان في بينا 3 تخان هههههه
و ربنا يبارك فى اللى معاه و اللى عايز يجبها يصلى استخارة بس هى فعلا عربية ظريفة
و اسف على الاطالة

**goingonlovingu** · 23-09-2010 02:14 PM

يا باشا الف مبروك عليك العربيه وربنا يباركلك فيها ويديك خيرها ويكفيك شرها
المهم برده احنا لسه مستنيين التقارير الجامده بتاعتك

**khaledazizeg** · 24-09-2010 11:45 AM

اولا الف مبروك وربنا يعطيك خيرها ويكفيك شرها
وبلاش حضرتك تسمع الناس الى بتقلك عيوب تقفيل بتظهر بعد الالف كيلو
حب العربية هتحبك وشيل من دماغك المشاكل ديه وانتا هتلاقيها زى الفل معاك