الموضوع: عندي امتحان سواقه برجاء المساعده

انا مش ها اقول لحضرتك غير انو اكيد النص نقل اللي هيا الدبابة اللي موجودة في مرور النزهة وفي كذا مرور وان شاء الله موفق ولكن اهم حاجة متسيبش رهبة الإمتحان دي تخوفك ولكن خلي في دماغك حاجة واحدة بس الا وهي انو الإمتحان ده تحصيل حاصل وانك بتعرف تسوق وانه مسألة روتين مش اكتر وانك متمكن ومتقلق من قصة تغيير العربية وانا واثق انها مش ها تأثر عليك قوي وموفق ان شاء الله يا اخي ..

السلام عليكم
أنا زميل ليك وإمتحنت في عين الصيرة وعن طريق مدرسة المرور إللي سيادتك ذكرتها بس من 5 سنين ( في الواقع كنت بسوق بس كنت عايز أحصل على الرخصة فنسيت ( أو تناسيت ) كل إللي عارفه وركزت مع المدرب الله يبارك له ( كان إسمه حسام حسن ) . وفعلاً إستفدت منه كتير
بص يا باشا :-
الدورة بتتقسم نصفين وكل قسم بيمتحن في يوم ( النظري في يوم وهو عبارة عن إمتحان إشارات - والعملي في اليوم التالي )
وفي كل أمتحان سواء العملي أو النظري بينادوا على إسمك
في العملي بقى الآمتحان بيكون بعد الساعة 3 لأن فترة الصباحية للمتقدمين للإمتحان من نفسهم وأنا كان لي الشرف ورحت أتفرج عليهم بصراحة كانو بيتعصروا
أما إحنا فكنا دفعتين زي ما قلت كل دفعة كانت 150 ولا واحد رسب اللهم إلا بعض من السيدات ودول كن بيتعاد لهم الإنتحان في آخر اليوم
يعني من الآخر لا تقلق لأن بيكون معاكم 2 مدربين بيوجهوا كل واحد داخل ( لو لاحظوا إنه مهزوز )
وبعدين يا سيدي الكترة بتولد الشجاعة
نصايحي لك :-
.... خليك باصص على كل واحد وهو بيمتحن أكيد هتتعلم من أخطاء المخطئين إن وجدوا ( أنا شخصيا عملت كدة )
.... لو أنت متمكن لا تستمع لنصائح المدرب وأنت داخل تمتحن خليك واثق في نفسك وركز في إللي إتعلمته من مدربك ( أنا عملت كدة )
.... الحمد لله مدير وحدة عين الصيرة أعتقد إنه محترم جداً وبيخاف ربنا وخليها على الله وبالتوفيق إن شاء الله وإبقى طمنا .. ماتنساش

الموضوع بسيط ان شاء الله لكن نصيحة متخليش الناس اللى واقفة تخليك تفقد تركيزك لانهم بيبقو متتطوعين ال يعنى بيوجهوك وده بصراحة بيخلى الواحد يغلط وبالتوفيق ان شاء الله