سؤال عن الكاسيت سيتي سوند

**ArafatEHegazy** · 22-09-2010 07:43 PM

أنا نزلت من يومين شارع الازهر علشان اتفرج على الكاسيتات ... لاقيت كميه موديلات من الماركة سيتي سوند كتيره جده .... أشكال واللوان ... الاسعار من 250 الى 450 .... كلها فيها usb و sd .... ودا اللي كنت بدور عليه ...
بس عندي استفسار بخصوص طريقة تشغل ملفات ال mp3 .... هل لما أقفل الكاسيت أو أبطل العربيه ... وأشغل تاني بعد كده ... بيكمل من مكان ما وقف (نص الملف مثلا) ولا بيبتدي من الأول .... وهل فيها تقديم أو تأخير في نفس الملف؟
الموضوع ده مهم بالنسبه ليا ... لأن معظم اللي بسمعة هو قرآن أو دروس وخطب وكلها ملفات طويلة وهتبقي متعبه جدا الواحد يبتدي من أول كل مره ...

**peposupervisor** · 22-09-2010 10:46 PM

انت عايز واحد مجرب الكاسيت كويس عشان يفيدك بيتهيئلي اكتر واحد ممكن يفيدك البياع

**ArafatEHegazy** · 22-09-2010 11:00 PM

المشاركة الأصلية كتبت بواسطة peposupervisor

انت عايز واحد مجرب الكاسيت كويس عشان يفيدك بيتهيئلي اكتر واحد ممكن يفيدك البياع

والله الواحد خايف ان البياعيين يقولو أي كلام علشان يبيعوا وبعدها الواحد يلبس ... والحاجات دي ملهاش ضمان

**ahmad--ezzat** · 23-09-2010 12:18 AM

ريح نفسك وابعد عن الكلام دة....كلهم زباله فى زباله....هاتلك ال جى او سونى....فى حجات ب 450 ممتازه

**zaza2002** · 23-09-2010 10:26 AM

والله انا بفكر فى نفس الكاسيت او الLGفرق السعر بنهم قليل بس مش عارف اجيب مين فيهم

**ahmad--ezzat** · 23-09-2010 01:54 PM

انا شفت كاسيت lg فى المركز اليابانى اللى فى الحجاز...تحفه فعلا وشيك اوى بس امكاناته عاليه وتقريبا ب 1000

فى حجات اقلل بكتير وحلوه....شوف الموضوع المتثبت فى قسم الصوتيات من الاول كده...هتلاقى حجات كويسه واسعار حلوه

**kamalsalem** · 23-09-2010 02:00 PM

مترميش فلوسك في الصيني لو سمحت عشان الواحد بصراحة كده مش لاقي القرش اللي بيدفعوا

خليك في سوني او ال جي او كينود حتى لو متجمع في الصين

**ArafatEHegazy** · 23-09-2010 02:24 PM

المشاركة الأصلية كتبت بواسطة kamalsalem

مترميش فلوسك في الصيني لو سمحت عشان الواحد بصراحة كده مش لاقي القرش اللي بيدفعوا

خليك في سوني او ال جي او كينود حتى لو متجمع في الصين

والله عندك حق ... بس الواحد بيبص لفرق السعر.
طب هو ايه أرخص كاست من الماركات دي يكون فيه سي دي و بيشغل mp3 وموش مهم فلاشة أو كارت. أهم حاجه انه يكمل من مطرح ما وقف في الملف وأقدر أأقدم وأأخر في نفس الملف.