جابر عبد الشهيد يقولي 2011 فيها اسبويلر ومعرض موثوق منه بيقولي ده مش سعودي

**yasso0101** · 22-09-2010 08:08 PM

الساده اعضاء قسم كيا المبجلين ........
تحيه طيبه .................اما بعد

جابر عبد الشهيد قالي ان السيراتو الهاي لاين 2011 فيها اسبويلر .

لكن فوجئت ان معرض تاني موثوق منه ( اللي انشاء الله العروسه هتيجي منه ) قالي ان ده مش سعودي

وقالي شايف السيراتوا الواقفه ده سعودي و 2011 ومفهاش سبويلر

انا روحت الف حولين العربيه فعلا مفيهاش اسبويلر

لدرجت ان شكيت في المعرض وصورة رقم VIN وروحت البيت فوجئت انها سعودي موديل 2011

فانتوا اخواتي ولازم كل صغيره و كبيره اعضاء المنتدى يكون عنده فكره بيه

افيدونا افادكم الله

**Arch.Naguib** · 22-09-2010 08:16 PM

مش شرط يا باشا حتي ال 2010 كان اللي فيها سبويلر و اللي لأ و الاتنين هاي لاين و الكلام ده لعب اوبشنز مش اكتر

**raedegypt** · 22-09-2010 08:55 PM

ياعمو دة اوبشن ممكن فيها وممكن مافيها والاتنين ممكن يكونوا سعودى . بس الاخ ال بيقولك ال عليها اسبولير مش سعودى دة بيلعب واشتغالات سوق وكيف حكم عليها مش سعودى؟؟ . عندك ورق السيارة تعرف جايه منين احنا شعب متعلم ازعل قوى لما مثل هذة الاشتغالات تمشى مع الناس

**Arch.Naguib** · 22-09-2010 09:10 PM

المشاركة الأصلية كتبت بواسطة raedegypt

ياعمو دة اوبشن ممكن فيها وممكن مافيها والاتنين ممكن يكونوا سعودى . بس الاخ ال بيقولك ال عليها اسبولير مش سعودى دة بيلعب واشتغالات سوق وكيف حكم عليها مش سعودى؟؟ . عندك ورق السيارة تعرف جايه منين احنا شعب متعلم ازعل قوى لما مثل هذة الاشتغالات تمشى مع الناس

صح قوي يا بوب

**Hosam_Optrawy** · 22-09-2010 09:19 PM

جابر عنده سعودى 2011 هاى لاين وفيها سبويلر

وفى نفس الوقت ممكن تلاقى سعودى 2011 مفيهاش برضه

دا أوبشن بيكون فى أعلى فقط وممكن متلاقيهوش فى الفئات التانيه

**mohamedaghali** · 22-09-2010 10:03 PM

بس يا باشا انا مش هازود حاجه عن الى الشباب قالوه غير ان جابر عبد الشهيد فعلا ناس محترمه يكفى انك بتجيب العربيه من المستورد مباشره بدون اى وسطاء للعلم انا جبت عريتى من عند معرض ابن عمى ولقيته جايبهلى من عند جابر وحسب كلامه ان ده اضمن مكان تجيب من عنده خليجى وجايب معايا اتنين اصحابى من جابر و بصراحه العربيات سعودى وزى الفل واحد من اصحابى عمل 20000 فى 4 شهور و ماشاء الله العربيات تمام هما عيبهم انهم تنكين شويه بس مش مهم الفكره انك بتاخد بضاعه مضمونه ربنا يوفقك ان شا الله

**abdallahyassin** · 23-09-2010 08:49 AM

ايوا ال 2011 فيها سبويلر عند جابر وانا لسه جبت منه كممان 2010 ب سبويلر وسعودى يا باشا
متقلقش ده كله كلام سوق حتى لو مين حيعمل عليك شغل
وفى فئات كتيره فمش شرط ان كل 2011 يبقى فيه سبويلر

توكل على الله وهاتها عربيه جميله بسم الله ماشاءالله انا لسه مستلم والحمدلله حاسس ان ربنا وفقنى الحمدلله اووى

**yasso0101** · 23-09-2010 10:50 AM

شكرا لكل الرجاله اللي ردت وبشكركم مره تانيه على مرورك الكريم للموضوع

انا اللي استغربته ان كل واحد بيقول ان اللي عنده هيا الهاي لاين الفل اوبشن السعودي 2011 والاتنين نفس السعر 125000 واحد من غير اسبويلر و واحد بسبويلر

**Mocs** · 24-09-2010 02:38 PM

المشاركة الأصلية كتبت بواسطة yasso0101

شكرا لكل الرجاله اللي ردت وبشكركم مره تانيه على مرورك الكريم للموضوع

انا اللي استغربته ان كل واحد بيقول ان اللي عنده هيا الهاي لاين الفل اوبشن السعودي 2011 والاتنين نفس السعر 125000 واحد من غير اسبويلر و واحد بسبويلر

على فكره الاسبويلر ده ب 220 جنيه و كورى عندى فى السويس و بنفس لون العربيه و موضوع سعودى اللى عايز سعودى و مش لاقيه يجى السويس , كل العربيات اللى فى السويس سعودى و بتبقى لسه نازله من المراكب قدام عينك و بعدين موضوع انها سعودى او لا ؟؟ ده بسيطه جدا افتح باب السائق و على الفريم بتاع الباب ( جنب مقاس الكاوتش ) هتلاقى مكتوب مطابقة للمواصفات ايه!!! و صدقونى عشان انا فى الميناء و الجمرك عندى كل معارفى و قرايبى و صحابى بيقولولى ان استحاله البادج ده يضرب . الفريم بتاع باب السائق مكتوب عليه سعودى , كويتى , اردنى , مصرى , كورى .