تمااام ياباشا كلام سليم:satelite:
عرض للطباعة
طيب قبل مانقول حلال و لا حرام أو صح ولا غلط اننا نحذر الناس من وجود رادار ....
ممكن نفهم هو الرادار فكرة عمله ايه أساسا ؟؟؟
هل هو أداة للعقاب أم للردع
ايه هو الفرق بين الاتنين
الردع هو الوصول للغاية بدون الاستخدام الفعلي للقوة
يعني لو حطيت رادار على الطريق وكتبت يافطة (رادار على الطريق) ....زي ما الدنيا بتعمل في حتت كثيرة ومنها على المحور
ممكن الرادار ما يلقطش ولا مخالفة
وده ناس بتعتبره فشل مع انه قمة النجاح بس من غير عقوبة
طيب لما أنا أحذر منه ......مش هايتحقق الغرض
ولا هي غرامة و السلام
طب الردع بالعقوبة ...هي ان لما واحد يتعاقب مرة تبقى مش زي التانية ولا التالتة يعني العقوبة رادعة لتراكمها يبقى اللي مايجيش بالذوق .......ييجي بالعافية
انما حضرتك الرادار في مصر لا يهدف لأي مما ذكرت اللهم الا جمع المخالفات و دمتم
زي رادار الزراعي الشهير بقلما ...بعد الرادار (اتفضل ياباشا) دوس براحتك يبقى فين حكمة الرادار ؟
انا الحقيقة ساعات كده باحكم ضميري السطحي ......ما ينفعش الاقي "فخ" الهدف منه التقليب و ما احذرش منه
ده غير بقى ان الرادار اللي يعدي الباشا و يوقف سواق النقل ده حلال فيه أي حاجة
لا مش حرام التحذير عشان اصلا السواقه بسرعه عاليه مش حرام .... فهمتني ؟
اسمحلي يا باشا اختلف معاك في النقطة دي
ربنا سبحانه و تعالى قال ولا تلقوا بايديكم الى التهلكة و السرعة العالية اللي تخليني مقدرش اسيطر على العربية لو حصل اي حاجة او لو حاجة مفاجئة حصلتلي في العربية ده معناه اني اهملت و القيت بنفسي في التهلكة
و مش بس كدة ده انا لو خبط حد او عربية حد او حتى كسرت عمود ساعتها هتبقى حرام عليا لأني مش بس بوظت حاجتي لأ ده انا اذيت الناس كمان
انا مش بقول كدة يبقى انا موافق على اننا نمشي 60 في الاوتوستراد ولا في وسط البلد لكن بردو بقول مانجريش بهدف الجري
انا واحد صحبي العداد لو اققل من 160 يبقى مشي براااااحة
فى البلد دى وحكومة الجباية دى الحرام ان متحذرش الناس ان فيه نصاب مستنيهم وكل همه الفلوس بغض النظر عن تأمينك.. ياكش تولع انت والعربية بس ادفع
سبحان الله نفس السؤال دار بذهني النهاردة لانى وانا جاي على الصحراوي الغربي لقيت كمين الناحية التانية في الاتجاه من اكتوبر للصعيد عند نقطة الجيش بتاعة دهشور ففضلت انبه العربيات في الاتجاه المعاكس وبعد فترة فكرت هل السلوك ده حلال ولا حرام
صحيح طول عمرنا بنشوف كماين الشرطة النهاردة الكمين ده كان غريب اوي عند منقطفة دهشور اللى على الصحراوي وهناك فيه خط سكة حديد التاس اللى بتمشي هناك عارفاه فوجئت بكمين للجيش وفيه عربية مدرعة واقف والكمين مزدوج يعني كمين الاول وبعده بامتار كمين تاني
انا بقالي سنين باخد الطريق ده دي اول مرة اشوف كمين للجيش
المفروض ان الهدف الأساسى من الردار هو حمايه الناس من مخاطر السرعه الزائده, يبقى خلاص لما العربيات تهدى يبقى الردار عمل الوظيفه بتاعته خلاص
و المفروض ان الردار واضح علشان الناس تهدى مش مختفى علشان الناس تدفع فلوس بس
ههههههه
تصدق يا شيكو انا من كام سنة وانا باخد الطريق ده وممكن اسبوعيا لكن اول مرة اشوف الكمين ده
واكيد طبعا هما ناس محترمين انا قلت غالبا بيوقفوا المييكروباسات يشوفوا الهربانين من التجنيد انت عارف ان المنطقة دي قبلها اكتوبر اللى هي عنصر جذب للعمالة اليدوية خاصة في مجال المعمار وكتير منهم بيبقوا هربانين من الجيش
الحرام أنك تسيب الناس يقعوا فى شر زى دة..أنا بعتبر أن دة شر فى الطريق لابد الواحد يحمى الناس منه..اللى بيعملوه فى الناس دة حرام...القانون بيتطبق على الغلابه و الضعفاء فقط و أى صاحب سلطه ولو أمين شرطة بيعدى مهما عمل...يبقى فين الحرام هنا أنك تحمى غيرك من الجبايه دى ....بدل ما بيتشطروا على شنطة ألأسعاف و سرعة 90 ولا 93 يطلعوا دوريات على الطرق السريعة و يشوفوا البلاوى و الكوارث اللى بتحصل فيها...يشوفوا النقل اللى بيحدف دبش و زلط على العربيات, يشوفواالنقل اللى بيسابق بعضة على الطريق و بيمشى على الشمال بسرعات جنونية, يشوفوا الناس اللى ماتعرفش يعنى أيه تخطى سليم و حارة مرورية, يشوفوا حالة الطرق و العيوب اللى بتسبب حوادث...أنا عمرى ما شوفت فى مصر دوريات مرور متحركة على الطرق السريعة .