الموضوع: هل تحذير الاخرين من الرادار حرام ؟؟

المشاركة الأصلية كتبت بواسطة se_coralsea

ا
المهم بعد كده جه في بالي سؤال ...

- هو كده صح و لا غلط ؟؟ و هل حرام أني احذر العربيات التانية من وجود الرادار و أفوت علي المرور الفرصة لجني كل هذا المال ؟؟
- و لا كده حلال في المرور ؟؟

مع خالص تحياتي
م/ سمير الشهاوي

عن أبي عبد الله النعـمان بن بشير رضي الله عـنهما قـال: سمعـت رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)صدق رسول الله صلى الله عليه وسلم
بصراحة ليه احنا بنبص على موضوع الرادار على انه فلوس بتتلم وخلاص ظلم على الرغم انها مدفوعه من شخص مخالف للسرعة المحدده .... ممكن الميكروباص اللى انت حذرته من الرادار السواق بتاعه من هواة الجري بسرعة وبنشوف للأسف دماء كثيرة على الاسفلت ممكن لما السواق ده لما يتعور كذا مرة من الرادار يلم نفسة شوية ويبطل جري وتهور عشان تعويرة الفلوس بتوجع اوي اكتر من تعويرة الجسم نفس الشئ لبعض سائقي الملاكي والنقل ..... للأسف الحكومة السبب ان الناس تتشفى فيها حتى في الخطاء انا مرة شفت واد بلطجي وصايع ماسك امين شرطة عدمه العافيه من الضرب الناس كانت مبسوطة وفرحانه وشمتانه في امين الشرطة على الرغم ان البلطجي ده انيل واضل من امين الشرطة ..... وفي النهاية استفتي قلبك والله اعلى واعلم .... وأسف للإطالة

بالعكس ده واجب علينا ..

1- نمنع النصب العلني
2- بنخلي الناس تهدي السرعة وده في حد ذاتة حاجة كويسة ..

انا لما القى قدامي لجنه او رادار بدي النور للعربيات اللى جايه قدامى عشان تعرف انه في لجنه او رادر فهوا طبعا بيخفف السرعه

بص بعيداً عن الموضوع ده صح أو غلط

أنا أعمل أي حاجة .. ولا إني أدخل جنيه واحد في جيب الداخلية

لأنه بيرجع في الآخر في صورة أسلحة وأدوات مكافحة الشغب الي بيحموا بيها الحكومة ويضربونا بيها على دماغنا

انا اتصورت رادار وكنت 93 كيلو ودفعت 150 زي الشاطر بس مكنتش اعرف ان في رادار بيصور ساعتها ....
واحضرتك لو شايف ان الفلوس اللي بيخدوها دي بيطورا بيها حاجه في البلد متحزرش اي حد
انما طول ماهي كوسه كده يبقي لازم تحزر
لو وصلت الواحد يعمل يافطه مكتوب عليه رادااار ويطلعها من شباك العربيه

هو مش الهدف من الرادار ان الناس تمشى براحة
وانت لما نبهتهم ان فى رادار مشو براحة

خلاص يبقى انت حققت الهدف

لأ طبعا مش حرام


الحرام انهم بياخدوا فلوس عمال علي بطال