هل تحذير الاخرين من الرادار حرام ؟؟
الاخوة الكرام ..
أسعد الله يومكم بكل الخير ...
النهاردة و انا راجع من بورسعيد كنت عارف ان الرادار موجود قبل البوابة عند الكاب لأني و أنا رايح الصبح كنت شايف المرور و هما بيستعدوا لنصب الكمين و طبعا أنا يادوب قعدت ساعة في بورسعيد و رجعت علي طول
المهم ...
طبعا كنت مهدي سرعتي و كل ماعربية تيجي تعدي مني اشغل الانتظار مرة أو مرتين و أقفله تاني فيفهم أن فيه رادار و يمشي ورايا لحد مابقينا بالصلاة علي النبي حوالي 9 عربيات مابين ملاكي و ميكروباص و ربع نقل
و فعلا دخلنا علي اللجنة كلنا من غير ماعربية واحدة تقف :36_6_3[1]:
الاكثر من كده ... الاتجاه الاخر اللي رايح بورسعيد كان عليه رادار و كل العربيات شافته فبدأنا نحذر الاتجاه التاني من الرادار :ma:
المهم بعد كده جه في بالي سؤال ...
- هو كده صح و لا غلط ؟؟ و هل حرام أني احذر العربيات التانية من وجود الرادار و أفوت علي المرور الفرصة لجني كل هذا المال ؟؟
- و لا كده حلال في المرور ؟؟
مع خالص تحياتي
م/ سمير الشهاوي