العربية بتعذبني الصبح ولما بتكون باردة علشان تدور....أرجوكم الحل لأن البطارية هتدمر

**kantoosh** · 24-09-2010 04:41 AM

فيه حاجه تانيه كده بص عليها وهو السلك بتاع البنزين اللى هو الواير اللى متوصل بالدواسه والكاربراتير ده ممكن يكون بيعلق او فيه مشكله فيخلى العربيه شرقانه على طول فتطلع عينك فى الدوارة وانت تكارك فتشرقها اكتر وده ممكن تحسه انه وانت ماشى شيل رجليك من على الدواسه وشوف العربيه هتقف خالص وانت مديها غيار ولا هتفضل ماشيه وكانك دايس على الدواسه او مور العربيه وشوف صوت الموتور بيوطى ولا كانه على سرعه واهى كلها محاولات وشكرا ليك

**الصيداح** · 24-09-2010 02:50 PM

المشاركة الأصلية كتبت بواسطة adham

ممكن السبب يكون تبخر البنزين من الكاربراتير اثناء توقف السيارة ومبيتها بسبب تهريب بنزين من الجوان

او ان العيب من الراجع بتاع البنزين لو فية بلف راجع تالف بيخللي البنزين يفضى من دايرة الوقود و يرجع عالتنك

و ممكن تخللي الميكانيكي يصلح الشفاط (التشوك) و دة زرار عبارة عن ذراع في التابلوة بتشدة قبل الدوارة و يقوم بخنق الكاربراتير و تسخين السيارة لدقائق ثم تعيدة و تغلقة قبل السير بها

تمام تمام
جزاك الله كل خير أخي الغالي
مشكور جدا لمتابعتك

**الصيداح** · 24-09-2010 02:53 PM

المشاركة الأصلية كتبت بواسطة kantoosh

فيه حاجه تانيه كده بص عليها وهو السلك بتاع البنزين اللى هو الواير اللى متوصل بالدواسه والكاربراتير ده ممكن يكون بيعلق او فيه مشكله فيخلى العربيه شرقانه على طول فتطلع عينك فى الدوارة وانت تكارك فتشرقها اكتر وده ممكن تحسه انه وانت ماشى شيل رجليك من على الدواسه وشوف العربيه هتقف خالص وانت مديها غيار ولا هتفضل ماشيه وكانك دايس على الدواسه او مور العربيه وشوف صوت الموتور بيوطى ولا كانه على سرعه واهى كلها محاولات وشكرا ليك

أنا النهاردة الصبح قلت أجرب طريقتك
كاركت 3 مرات بس قبل ما أدور وبعدين دورت كانت هتقوم علطول بس وقفت جربت تاني من غير ما أكارك دارت ولله الحمد مطولتش
الظاهر أنها كانت بتشرق معايا من كثر المكاركة
جزاك الله كل خير على النصائح المفيدة وألف شكر يا غالي
وعلى فكرة سلك البنزين عندي تعبان وعايز يتغير ممكن يكون هو ده سبب المشكلة((نسيت أكتب الملحوظة دي في الأول))
وبإذن الله هشوف حكاية المارش دي
مشكوووووور جدا ربنا يبارك لك

**hemalotfy** · 24-09-2010 08:01 PM

عن تجربة منى ونفس مشكلة طلع العيب من الكاربرتير
نظفه عند حد كويس وجرب

**kantoosh** · 25-09-2010 02:12 AM

سلك البنزين لو تعبان يبقى ممكن يعلق فيخلى العربيه تشرق وتاكل بنزين كتير والدواسة تكون تقيلة شويه غيره وهتحس بفارق كتير
ولا شكر على واجب يا باشا كلنا كنا فى الاول كده وشوية شويه هتتعامل وتبقى احسن الناس وربنا يكرمك ويباركلك فيها ويكفيك شرها