الموضوع: السلام عليكم ... مطلوب مساعده

المشاركة الأصلية كتبت بواسطة م/محمد صلاح

ياسلام والله كتر خيرك انت بجد كده جبت المفيـــــــــــــــــد
انا من صباحية ربنا بقول عايز سماعات قويه 300 او 400 وات مقاس 16 وماحدش فاهمنى
طيب دول سعرهم كام؟ واسمهم ايه ؟
وياترى اجيبلهم جى ام كينوود 600 مع بازوكا 1000 جى بى ال ؟
ولا صب مع الجى ام الكينوود 600 وخلاص؟
ولو صب اجيب انهى نوع وكام وات ولا مقاس كام؟

هاستنى ردك يا باشا وشكرا مقدما

ولله يا حبى انت منورنا و استفساراتك تهمنى برضو بص بقا يا هندسه بالنسبه لموضوع الاسعار هما فى رينج 300 ولله مش فاكر بالظبط و هما موجودين عند الراجل ده فى التوفيقيه و هو موزع سونى المعتمد و ممكن تلاقيهم عند السجان بس هيبقو غاليين غالبا انت شوف شكلهم فى اللينك و روح قولو انا عايز سماعات سونى مدوره 300 وات و اتاكد منهم كويس قوى و ده شكل العلبه



و اتاكد من الكوود ده XSGTX1640 اللى موجود على العلبه عشان تتاكد انها اصلية فعلا

و بالمسبه لموضوع الجى ام انا عن نفسى مش هرشح السيمفونى عشان مبحبوش و مش مقتنع بيه على الرغم من ان فى ناس كتير بتشكر فيه بس لو انت مرتاحله هاته بس انا معنديش اى معلومات عن rms بتاع اى موديل سيمفونى

فالبنسبه للجى ام سونى او kenwood او pioneer انا شايف ان احسن 2 ال سونى و ال kenwood

بص بقى السمعات المدوره دى لو هتركب 2 او 4 منهم بس يبقى هاتلك جى ام سونى 350 حلو و كفائه و مجربه على 4 بايونير بيضاوى 400watt انما لو هتجيب بازوكا او صب و انا شايف البازوكا ال جى بى ال 1000 هتبقى احسن من الصب عشان تريح دماغك من حوارات الصندوق و وجع الدماغ دى عشان انا شوفت الويل على ما عرفت اعمل الصندوق اللى فى مزاجى فى عرابيتى و للاسف الشنطه عندى متاكله كلها البازوكا هتبقى اخف و سهله فى الشيل و الحط و هتديك بيز عالى اوى برضو هاتلك جى ام kenwood يكون كويس و يكون bridgeable
و اى استفسار تانى انا معاك فيه

و حاجه اخيره لو نفسك فى البيضاوى ممكن تجيب الفوم اللى بيبقى فى على الماذر بورد بتاع الكومبيوتر او فى فلتر التكيفات المنزليه و تقطعه على قد الوش بالزبط و تربطه من تحط زى كده



و ده الشكل من فوق

ابو على ممكن الميل بتاعك علشان نتكلم على المسنجر اسهل؟ ده بعد اذنك يعنى