السلام عليكم ... مطلوب مساعده

**م/محمد صلاح** · 24-09-2010 02:45 AM

انهى افضل فى صوت البيز ونقاءه ؟ البازوكا ولا الصب؟
وهل هاحتاج لتغيير سماعات العربيه ؟ انا عندى سماعات الباب الامامى الاستوك بتاعة العربيه + سماعتين ورا مقاس 16 بايونير 180 وات .. طبعا هاتقولولى صغيرين هاقولوكو دول مقاس الصاج بتاع العربيه عشان ماحبتش اقطع فى الصاج بتاعها ولا اخرم فيه حتى
السؤال هنا ازاى احصل على افضل صوت بنفس السماعات اللى عندى دى .. انا ممكن اغير الكاسيت عادى فياريت لو حد عنده برضه اقتراح للكاسيت

انا سمعت انى ممكن اجيب بازوكا جا بى ال 1000 على جى ام كينوود 600 تو تشانيلز

افيدونا افادكم الله
العربيه هوندا سيفيك 2007

**beetleMOSH** · 24-09-2010 02:55 AM

لو انت عايز بييز جامد اوى يبقى عليك و على البازوكا من غير كلام

فى حل تانى يتناسب مع لاسماعت عندك ( من وجهه نظرى )

ممكن تجبلك صب صغير 600 وات مثلا ولا حاجه
هايدى بييز برضه بس مش جامد زى البازوكا
بس هايزود احساسك بالبييز جوا العربيه
و البييز كده مش هايغطى على الصوت بتاع السماعات

انما البازوكا لو ركبت على السماعات اللى عندك هايبقى البييز عالى اوى اكتر من الميدرانج ( صوت المغنى ) و التربل
طالما انت مش عايز تقطع فى الصاج و تركب سماعات بيضاوى

**lameey** · 24-09-2010 03:04 AM

هات كاسيت بايونيير وكفاية جدا كده ... حتى علشان خاطر احمد

**Memo_Lancer** · 24-09-2010 06:23 AM

الشمكله فعلا لو جبت بازوكا
لازم سماعات و سي دي نضيف
علشان توازن الصوت

**م/محمد صلاح** · 24-09-2010 05:12 PM

طيب يا جماعه انا ممكن اغير السماعات اللى ورا ( مقاس 16 بايونير 180 وات ) (هاحطهم فى عربية المدام)
اجيب مكانهم ايه 16 برضه بس وات اعلى؟
وايه افضل سى دى ممكن اجيبه ؟

**beetleMOSH** · 24-09-2010 05:15 PM

احسن كاسيت بايونيير و بيبتدى من اول 600 جنيه فيما فوق
و السماعات اعتقد لو فى من المدور 300 وات هايبقى كويس اوى

**AlGazar2** · 25-09-2010 02:29 AM

ما اقدرش افيدك فى حكاية انى صب ولا بازوكا

بس انت ممكن تركب البيضاوى من غير قص فى الصاج

اما تركبهم من تحت فى الشنطة ب 3 مسامير او 2 (هايبقى فى فقد شوية فى الصوت ) و تربطهم جامد اوى عشان ماتزنش

يا اما تركب رف خشب عالى حوالى 10 سم او على حسب ارتفاع السماعة و تخلى الى يسقط فى الصاج الحته الى ممكن تدخل فيه من السماعة (عايزه واحد فاهم شغله ) نفس فكرة سماعة الشاهين كده بس انت تعمل رف كامل عشان المنظر ميقلبش عليها

**peposupervisor** · 25-09-2010 09:45 AM

هات كاسيت بايونير مجهز بزيرو بور او ركب معاه زيرو بور
هيفرق معاك في نقاء الصوت

**م/محمد صلاح** · 25-09-2010 12:17 PM

المشاركة الأصلية كتبت بواسطة algazar2

ما اقدرش افيدك فى حكاية انى صب ولا بازوكا

بس انت ممكن تركب البيضاوى من غير قص فى الصاج

اما تركبهم من تحت فى الشنطة ب 3 مسامير او 2 (هايبقى فى فقد شوية فى الصوت ) و تربطهم جامد اوى عشان ماتزنش

يا اما تركب رف خشب عالى حوالى 10 سم او على حسب ارتفاع السماعة و تخلى الى يسقط فى الصاج الحته الى ممكن تدخل فيه من السماعة (عايزه واحد فاهم شغله ) نفس فكرة سماعة الشاهين كده بس انت تعمل رف كامل عشان المنظر ميقلبش عليها

مش هاينفع حكاية الرف ده (لو شوفت العربيه هاتعرف انا قصدى ايه)
لو ركبتهم بيضاوى من الشنطه من تحت اعتقد هايبقى فى جزء كبير من السماعه مكتوم فى الصاج وهايبقى فى زن والصوت مش هايبقى كويس

المشاركة الأصلية كتبت بواسطة peposupervisor

هات كاسيت بايونير مجهز بزيرو بور او ركب معاه زيرو بور
هيفرق معاك في نقاء الصوت

انا اصلا ماعنديش مشكله فى نقاء الصوت بس انا بحب اسمع الصوت متقسم يعنى بيز وتريبلات
انا ممكن اغير الكاسيت مافيش مشكله
بس المشكله هنا فى السماعات .. مافيش سماعات 6.5" تكون وات عالى؟ 300 مثلا او 400
عشان اعرف اركب عليهم صب كويس او بازوكا وجى ام؟

**Ali_mehrem** · 25-09-2010 12:55 PM

لا يا باشا فيه و بنفس قوة البايونير ال 400 وات البيضاوى بس بدل ال 80 وات rms التانيين 75 rms انا مجربهم فى عربية اختى البيكانتو بس دول عايزين جى ام ماهم يا باشا لان بيزهم عالى و صوتهم نقى اوى اوى اوى و موجودين عند محل الارخص فى التوفيقيه و ادى اللينك عشان تتفرج عليهم 16 CM , 4 WAY , 300 WATT SPEAKER [XSGTX1640] - R456 : XP Audio, Live The Experience

و هما 16 cm برضو عشان ميبقاش فى اى تعديل و بجد انا ارشحهوملك عشان دول نوع نضيف اوى و ساعهتها لو عايز تحط بازوكا حط براحتك و لو فى امكانيه انك تغير سماعات الابواب اللى قدام زى دول ال صوت هيبقى اجمد و اجمد و يمكن متحتاجش بازوكا او صب