ريحة تظهر فجأة بالعربية !!!!!

**ramy_gamal** · 24-09-2010 11:30 PM

كنت بشم الريحه دة فى عربيتى ال 128 وفى الاخر طلع فار جوة العربيه وكنت بلاقى بواقى الاكل فى الموتور عند الاستبن ورحت ل الكهربائي مرتين وشلنا السروجى كله وفى الاخر مطلعش بردة وبعتها كدة..

**aymanay32** · 25-09-2010 12:16 AM

ممكن يكون السمك بيستوى عند درجة حرارة معينة بتصل بيها العربية عند سرعة معينة و عندها تشم الرائحة و اذا تخطيت هذه السرعة بيطيروا الهواء بعيد و ما تشموش

بس ياريت تقوللى الميكانيكى قالك ايه عن ريحة الكاوتش اسطوانة دبرياج و لا قال ايه بالظبط

.

**Adham** · 25-09-2010 12:33 AM

المشاركة الأصلية كتبت بواسطة aymanay32

ممكن يكون السمك بيستوى عند درجة حرارة معينة بتصل بيها العربية عند سرعة معينة و عندها تشم الرائحة و اذا تخطيت هذه السرعة بيطيروا الهواء بعيد و ما تشموش
.

لو كدة يبقى محتاج شوية ليمون و ملح و بألف هنا

و يبقى اكشتفنا كمالية جديدة للعربية و هي امكانية شوي السمك فيها

**nice_bird** · 25-09-2010 02:41 AM

لو البطارية جافة ممكن تكون منها انا كان عندي بطارية جافة لما امشي فترة تطلع ريحة زفرة خالص لحد مغيرتها

**cOrn** · 25-09-2010 03:37 AM

لو فار او عرسة الموضوع سهل , حط مصيدة تحت العربية , مش عارف اية اللى جاب الفكرة دى فى دماغى بس اشطة

**wasta** · 27-09-2010 02:06 PM

يابااااااى فكرتنى ب كان عندى ريحة حاجه ميته فى العربيه كنت بشمها كل ما أحود بالعربية أو أمشى بالعربية فى الشمس وقعدت أنضف العربيه وجبت إسبريهات ومعطرات وولا الدموع وكل مره الريحه بتزيد آخر مازهقت روحت مفضى العربيه كلها حتى الموكت لغاية ما إكتشفت إن تحت عجلة الإستبن اللى فى الشنطة تحت الموكت والكفر اللى عليها حتة دهن ( سمين يعنى بتاعت لحمه ) حتة كبيره مووووت وعامله ريحه بنت تيييييت أتارى عرسه كانت جيباها و مع السخونه الدهن ده بيسيح وبيعملى سمنه جوه الشنطة روحت دالق 3 جرادل ميه بصابون جوه الشنطه وبعد كده فضيت الميه ودلقت جاز وسديت الحتة اللى بتخش منها العرسه كان كفر كده مش محطوط فا العرسه دخلت منه والحمد لله خلاص بس تعبت يومها موووووت وكان نفسى أشوف العرسه ديه