هل ينفع امشي بالعربية واطلع برة القاهرة بالعربية بدون نمر

**Red_1024** · 15-09-2011 01:05 AM

السلام عليكم ازيكم يا جماعة عاملين اية؟؟؟؟؟
دي اول مشاركة ليا و محتاج مساعدتكم ضروري.....
ان شاء الله بكرة هدفع مقدم وهستلم عربية النترا 2011 من عند سمير ريان بس انا مش عارف هل ينفع امشي بالعربية واطلع برة القاهرة بالعربية بدون نمر واية اللي يثبت ملكيتي ليها وكمان ورق العربية معاهم بياخد قد اية لو فية حد مجرب وعارف المعرض لو هرخص محافظة غير القاهرة اعمل معاهم اية واية هوة ورق العربية وبيتعمل فين لان دي اول عربية ليا ياريت يا جماعة مساعدة ورد سريع لاني قلق جدا انا عارف ان ده كتير علي اول مشاركة ليا بس انا معرفش حد تاني اسالة لاني الحقيقة استفدت من المنتدي هنا كتير جدا جدا جدا......
يا جماعة ياريت مساعده بسرعة لو سمحتم لاني فعلا مش عارف انام

وجزاكم الله كل خير...

**mohamed_selim** · 15-09-2011 12:28 PM

المعرض بيديك مبايعه باسمك فيها معلومات العربيه... ده لازم تاخده مينفعش يديك العربيه كده
باقى الورق المفروض يديهولك برضه بس لازم تتأكد منهم
الورق اللى هيبقى معاك هو الحاجه الوحيده اللى تثبت ملكيتك العربيه
لو هترخص محافظه خارج القاهره ممكن تمشى على الطريق بس لو فى كماين (معرفش اليومين دول المرور على الطرق عامل ايه) ممكن يغلس خصوصا لو مستلم بقالك اكتر من يوم ... كمان فيها خطر ان العربيه مش معلقه نمر يعنى ملهاش ملف فى المرور فبتبقى العين عليها (ربنا الستار)
الحل السليم ايجار نمر تجاريه بس ده حوار فحاول ان المعرض هو اللى يجيبهالك و ترجعهالو او يبعت معاك حد يرجع بيها

**prisoner** · 15-09-2011 12:42 PM

انت تعرف ان المفروض ان العربية متتلعش من المعرض الا بنمر اللى هية التجارية طبعا بس احنا من الفهلوة بنبيعها باليوم واخر مرة سمعت بقت ب150 جنيه فى اليوم وكل الناس برة بيعملوا كده بدون مقابل علشان الامان وان العربية تابعة لمعرض حتى الترخيص مش تبقى كانك ماشى بقنبلة موقوتة والف مبروك على العربية