أخبار جديده عن وكالة ميتسيوبيشي في مصــر

**M.Al-Hefnawy** · 25-09-2010 05:18 PM

ممكن يا جماعة حد يقولي يعني أيه موزع غير حصري أو حصري؟

**Ralliart** · 25-09-2010 05:37 PM

المشاركة الأصلية كتبت بواسطة mazagangee

اكتر من موزع ده مفيد للسوق و للمشترين

كمان عشان حد ياخد توكيل لشركة لازم الأول ياخد موزع لفترة على الأقل سنة و بشروط كميات للتوزيع لازم ياخدها و بنسبة زياده سنوية متفق عليها ... كمان لازم يوفر مخازن للمنتجات و مخازن منفصلة لقطع الغيار .. كمان لازم يكون عنده على الأقل مركز أو 2 للصيانة
بعد السنة الأولى الشركة بتشوف الكميات المطلوبة للسنة الجديده و كده بيديله نسبة خصم اكبر و في نهاية السنة التالتة لو الموزع محقق كل الشروط بياخد وكيل غير حصري , و بعد 5 سنوات لو محقق ياخد وكيل حصري , بعد 10 سنوات بياخد نسب خصم اكبر و حصص للتوزيع في بلاد لا يوجد فيها وكيل حصري ؛......؛

مفيش الكلام ده في ميتسوبيشي
العقد في اي بلد في العالم موزع غير حصري حتى لو بقاله 100 سنه بيبيع علشان وقت ما يحبو يقلبوه يقلبو براحتهم

**Ralliart** · 25-09-2010 05:42 PM

المشاركة الأصلية كتبت بواسطة egy77

ممكن يا جماعة حد يقولي يعني أيه موزع غير حصري أو حصري؟

موزع غير حصري يعني مش من حقه يمنع اي حد تاني من استيراد العربيات وقطع الغيار بغرض التجاره
علشان كده في تجار خليجي وفي تجار بيجيبو قطع غيار اصلي من اليابان على طول مش عن طريق الموزع

انما الحصري بيقدر يمنع الناس من استيراد العربيه او قطع غيارها ولازم يشترو عن طريقه فقط يعني من الآخر احتكار والرواس كان مكوس عقد حصري في وزارة التجاره علشان كان عايز يمنع الماركه وقطع غيارها من البلد ومحدش ييجي بعديه غير لما يدفعله فلوس ترضيه

**DrMax** · 26-09-2010 12:11 AM

زى مانت قولت ياكيمو اهم حاجة ان توكيل متسوبيشى يتظبط فى مصر مهما كان مين اللى يخده
وادينا مستنيين الايام الجاية كل حاجة هتبان
بس فعلا انا لما شوفت اعلان الرواس قعدت اضحك..تحس انو بيطلع فى الروح ولسه بيعافر :)

**M.Al-Hefnawy** · 28-09-2010 11:36 AM

المشاركة الأصلية كتبت بواسطة ralliart

موزع غير حصري يعني مش من حقه يمنع اي حد تاني من استيراد العربيات وقطع الغيار بغرض التجاره
علشان كده في تجار خليجي وفي تجار بيجيبو قطع غيار اصلي من اليابان على طول مش عن طريق الموزع

انما الحصري بيقدر يمنع الناس من استيراد العربيه او قطع غيارها ولازم يشترو عن طريقه فقط يعني من الآخر احتكار والرواس كان مكوس عقد حصري في وزارة التجاره علشان كان عايز يمنع الماركه وقطع غيارها من البلد ومحدش ييجي بعديه غير لما يدفعله فلوس ترضيه

جزاك الله كل خير

**Haitham10** · 29-09-2010 02:40 AM

المشاركة الأصلية كتبت بواسطة ralliart

موزع غير حصري يعني مش من حقه يمنع اي حد تاني من استيراد العربيات وقطع الغيار بغرض التجاره
علشان كده في تجار خليجي وفي تجار بيجيبو قطع غيار اصلي من اليابان على طول مش عن طريق الموزع

انما الحصري بيقدر يمنع الناس من استيراد العربيه او قطع غيارها ولازم يشترو عن طريقه فقط يعني من الآخر احتكار والرواس كان مكوس عقد حصري في وزارة التجاره علشان كان عايز يمنع الماركه وقطع غيارها من البلد ومحدش ييجي بعديه غير لما يدفعله فلوس ترضيه

انت كدة جبت المفيد ولو في منافسه من ناس تقيله هيبقي في شغل اكتر لان في خدمات افضل للعملاء واسم ميتسوبيشي هيولع اكتر في السوق

**el3omda** · 29-09-2010 05:18 AM

باى باى رواس
وأكيد الموزع الجديد هاينزل أنواع لانسر جديدة هانشوفها لأول مره فى مصر مش الرواس جاب نوع واحد لانسر وأكيد الخدمة هاتكون أحسن لان مراكز الخدمة الحاليه غير مطورة على الاطلاق زى الواحد ماشاف فى دول الخليج على اعلى مستوى أسف للاطاله ....