أخبار جديده عن وكالة ميتسيوبيشي في مصــر

**kemoelord** · 24-09-2010 02:59 PM

السلام عليكم :_

اليوم قرات في جريدة الاهرام " ملحق السيارات " بتاريخ 24-9-2010 خبرين مهمين بالنسبه لشركة ميتسيوبيشي وهما :

1- ان الرواس تم بحمد الله فتحه لمركز الخدمة في العبور مع تقديمه لعروض تخفيضات مناسبة يعني فلتر الزيت مجانا وتخفيضات على المصنعيات والسمكرة والدوكو بنسبة تتراوح ما بين 10 الى
15 % (الحقيقه مش عارف ليه الناس في مصر عموما بتستنى الوقت الضائع علشان تشتغل ونشوف العمل الي يرضى الناس ويقدملهم الخدمات المرجوة )

2- صرح المستشار القانوني ومحامي شركة " مصرية " الاستاذ سمير صبري بان الوكاله مستمرة في عملها كموزع غير حصري لشركة ميتسيوبيشي الى ان تنتهي الخلافات والقضايا القائمة حاليا في المحاكم المصريه ولن يظهر احد من المستثمرين الاجانب (مجموعه شركات الملا + الخرافي )
في ظهورها كالوكيل الجديد لشركة ميتسيوبيشي الان .

* تعليقي الشخصي ان عن نفسي لا يهمني مين الي يمسك الوكاله سواء بشكل حصري او غير حصري لكن الي يهمني هو الخدمات والعروض المميزة والمقدمة من قبل الوكاله الموجوده وربنا يقدم للي فيه الخــــــــــــــــــــــ ـــــــــــــــــــــــــ ــــــيـــــــــر

**Abo el-Seoud** · 24-09-2010 03:14 PM

للاسف الرواس مش عارف يعمل حاجه (عامل زي الواحد اللي بيغرق وبيطبش)
لا شماته ولاتعليق
بس ياريت باقي الوكلاء تاخد بالدرس

**limo** · 24-09-2010 03:37 PM

وانا انا شايف ان شركه متسوبيشى اليابان الى يهمها فى المقام الاول المبيعات ودليل ان الرواس بقاله فتره كبير شغال بالمركزين الخدمه بتوعه واليابان ولا هنا وصحيوا امتى ؟صحيوا لما شافوه مش عارف يسوق الانسر القرس ومطلبش موديلات 2010

**M.Nasr** · 24-09-2010 04:16 PM

طيب التخفيضات دى مستمرة لحد امتى؟؟ وفين المركز ده في العبور بالظبط؟

**M.Elwan** · 24-09-2010 04:51 PM

مجموعة الملا كانو مصرحين فى الدستور او صوت الامة تقريبا بيقولو انهم مش وكيل جديد لكن الملا الخرافى موزع غير حصرى زية زى الرواس بالظبط وقال ان من الممكن ان ميتسوبيشى تقرر ان يكون ليها اكتر من موزع فى مصر او موزع واحد فقط ده قرار خاص بيهم

**kemoelord** · 24-09-2010 05:26 PM

المشاركة الأصلية كتبت بواسطة m.nasr

طيب التخفيضات دى مستمرة لحد امتى؟؟ وفين المركز ده في العبور بالظبط؟

بالنسبة لفترة التخفيضات فمش عارف لحد امتى بالظبط وانا بتسائل زي حضرتك بالظبط !!
لكن تقريبا مكان المركز مكتوب في الاعلان انه في المنطقه الصناعيه الاولى - امام كارفور

**tigernet** · 24-09-2010 06:29 PM

ياباشا انا سمعت من واحد صحبى شغال مهندس فى الرواس ان خلاص التوكيل اتسحب
و قالى اسم الوكيل الجديد بس ناسى اسمة
حتى صحبى قدم استقالة و رايح توكيل فولكس

**Ralliart** · 25-09-2010 03:15 AM

المشاركة الأصلية كتبت بواسطة m.elwan

مجموعة الملا كانو مصرحين فى الدستور او صوت الامة تقريبا بيقولو انهم مش وكيل جديد لكن الملا الخرافى موزع غير حصرى زية زى الرواس بالظبط وقال ان من الممكن ان ميتسوبيشى تقرر ان يكون ليها اكتر من موزع فى مصر او موزع واحد فقط ده قرار خاص بيهم

ميتسوبيشي مبتعملش عقود وكالات حصرية في اي بلد في العالم
ويا ريت يكون في اكتر من موزع لان الموضوع ده ناجح مع هيونداي في السعوديه وفي منافسه جامده بينهم
والملا متواجد في السوق المصري من سنين كتير عبر تجار الخليجي اللي الرواس حاول يمنعهم بس معرفش لانه موزع مش وكيل حصري

**MaZaGAngeE** · 25-09-2010 04:52 AM

اكتر من موزع ده مفيد للسوق و للمشترين

كمان عشان حد ياخد توكيل لشركة لازم الأول ياخد موزع لفترة على الأقل سنة و بشروط كميات للتوزيع لازم ياخدها و بنسبة زياده سنوية متفق عليها ... كمان لازم يوفر مخازن للمنتجات و مخازن منفصلة لقطع الغيار .. كمان لازم يكون عنده على الأقل مركز أو 2 للصيانة
بعد السنة الأولى الشركة بتشوف الكميات المطلوبة للسنة الجديده و كده بيديله نسبة خصم اكبر و في نهاية السنة التالتة لو الموزع محقق كل الشروط بياخد وكيل غير حصري , و بعد 5 سنوات لو محقق ياخد وكيل حصري , بعد 10 سنوات بياخد نسب خصم اكبر و حصص للتوزيع في بلاد لا يوجد فيها وكيل حصري ؛......؛