الموضوع: صوت تزييق جامد وواضح في علبة الدركسيون

معتقدتش انهم هايعملو فيها حاجه فعلا لان ده من خامات اللي مصنوعة في الداخل تحس انها ناشفة مش طرية علشان تمتص الاحتكاكات اللي بتسبب الأصوات دي بجد مش عارف اقول ايه ؟؟؟

المشاركة الأصلية كتبت بواسطة mido_cs7

شكرا لحضرتك بس المشكلة انا مضايق حاسس بصوت تكتكة مستمرة و انا ماشي مش عارف جايه منين المشكله انها مش من الحزام و لا اي حاجه هي في الصالون

حاسس ان التبلوه و البيبان كلها بتكتك ليه مش عارف

المشاركة الأصلية كتبت بواسطة gebreel

جرب وانت ماشي و سامع التكتكة تدوس بايدك على الحتة النيكل اللي حوالين الكونصول في النص اللي حوالين الكاسيت و التكييف انا لما لقيتها كدة دست عليها التكتكة راحت بس اصوات بسيطة جداااا

المشاركة الأصلية كتبت بواسطة mostafabakry

يا جماعة صوت التكتكة دا مش بسبب فتحات التكييف و لا حاجة من التابلوه اساسا و لا كمان من الزجاج

انا الصوت دا ظهر معايا بعد ما العربية عملت اول 10000 كم و كنت هتجنن من الصوت دا و كرهت العربية بسببه و كنت بتنرفز جدا لما بسمعه و مكنتش قادر احدد مصدر الصوت و كنت شاكك في الحزام و شوية في الزجاج و كنت محتار جدا
و بالصدفة كنت بغسل العربية لحظت تراب موجود علي اللسان اللي الباب بيقفل عليه و لاحظت ان اللسان الحديد دا مكسي بقطعة بلاستيك زي الأنبوبة و لاحظت كمان ان كالون الباب كله تاب و طين من جوا
قمت جايب علبة المناديل الورق اللي في العربية و فضلت انضف في الكوالين و اللسان بتاع كل باب و بعد ما مشيت بالعربية لقيت الصوت بتاع التكتكة اختفي تماما و عرفت من ساعتها ان التراب لما بيتلم حوالين اللسان و الكالون بيفضل يعمل صوت التزييق و التكتكة الخفيفة دي و فعلا بقيت كل شوية بنضفة من التراب اول ما احس ان الصوت بدأ يظهر بس خلاص عرف السر

حاولوا تجربوا تعملوا اللي انا بقول عليه و بإذن الله هيطلع كلامي صح و هتنبسطوا

تصبحوا علي خير

يا رجالة اللوجاااااااان هل الصوت دة بيظهر مع هزة دواسة البنزين الطفيفة اوووووي ؟؟؟

بمعنى انك لو ريحت رجلك على البنزين سنة بسيطة بيرووووووووووح الصوت دة ؟؟؟

لو الموضوع كدة يبقى فعلا فى حاجة فى التقفيلات الداخلية .... زي كل اللى انتم ذكرتموه

و ممكن فى الصيانة تقولهم عليها بالتوصيف دة ...

العربية تخش السمكرة ياكدوا على مسامير التابلوه والنواكل الداخلية ....... الخ