لما حد يكون مشترك dsl و يعيد توزيعه على باقى الجيران نظير أجر شهرى
هل ممكن يتعرض لمسآلة فانونية و لا ايه النظام ؟
لما حد يكون مشترك dsl و يعيد توزيعه على باقى الجيران نظير أجر شهرى
هل ممكن يتعرض لمسآلة فانونية و لا ايه النظام ؟
من الناحية القانونيه البحته
اعادة توزيع الخدمه مخالفه لعقد الأنترنت و لعقد التليفون , و من حق شركة الأنترنت أو شركة التليفون فسح التعاقد و رفع قضيه عليه .
و من ناحية أخرى
فهو مسئول قانونيا عن أى جرائم ترتكب على وصلة الأنترنت هذه بواسطة أى عضو فيها حيث أن الأيبى سيدل على رقم التليفون و التعاقد المسجل باسم الشخص القائم بتوزيع الخدمه و ليس على غيره و عليه فسيتحمل اى نتائج قانونيه تترتب على ذلك .
اعتقد لا علشان انا لما رحت اوصل النت وهو بيعمل العقد معايا سألنى انت لوحدك ولا شبكه قلتلو لا شبكه وانا فعلا عامل الحوار ده وعادى وبقالى كتييييييير اوى يعنى من سنين وهو مش مربح اوى يعنى على فكره لان كل العدد ما بيزيد بيبقى لازم تزود السرعه وبتلاقى الحكايه بتكلف بردو
نعم هو الوحيد الذى يسأل
بص هو قانونا طبعا ممنوع ،
لأن حسب قانون الاتصالات لسنة 2003 فده يعتبر انشاء وتشغيل شبكة اتصالات بدون ترخيص
ودي عقوبتها الحبس مدة لا تقل عن 6 اشهر ولا تزيد عن 3 سنوات وغرامة لا تقل عن 50 ألف جنيه ولا تزيد عن 500 ألف جنيه أو باحدى العقوبتين.
بس طبعا هما اللي مصهينين بمزاجهم، بس بردو ميمنعش ان اللي حيتمسك حيتطبق عليه العقوبة دي،
واحد اعرفه كان عامل موضوع توزيع الخط ده بس وايفاي لاسلكي، عملوله قضيه واتحكم عليه ب 50000 غرامة، بس طلع براءة بعد كده على ايد محامي شاطر خلصهاله اجراءات عشان تقريبا مكانش في اذن نيابة لما قبضوا عليه.
والله اعلم
ياااااااااااااااااااااااا ااااااااه كل ده عشان اشتراك نت معفن ب30 جنيه فى الشهر تبااااااااا ليه حراااااااااااام
بس فعلا اكيد المسئوليه على اللى موصل بس هو فى العقد كان فى خانة لوحدك او معاك حد وهو علملى على التانيه يعنى مش عشان الروتر الفور بورت او ال وان بورت اكيد ليها سبب تانى
؟؟
عقوبات جامدة اوى ........:beatdeadhorse5:
الى خلانى اسأل و اعمل الموضوع ده ان واحد قريبى عامله و بصراحة قلقان عليه ان شاء الله اعرفه و ربنا يستر....:ask:
بس الموضوع ده منتشر اوى و ناس كتير عاملاه هيه الحكومة مصهينة ليه مع انها ممكن تلم فلوس بالعبيط ؟:B4_237:
انا
عامل
شبكة
من
اربع
سنين
وبعدين
حولتها
عند
صاحبى
عشان
مش
فاضى
ومحدش
جة
فتح
بقووو
معانا
انا مشترك فى فودافون dsl و هو بيركب ال router قلتله هو فيه مشكلة لو وصلت لأى حد من اصحابى اللى ساكنين معايا , قالى يا باشا وصل للى انت عايزه بس مينفعش حد فيهم يتصل ب فودافون يقولهم انه عنده مشكلة فى النت , اللى عنده الراوتر بس هو اللى ليه الحق و بصراحة ( احسن خدمة عملاء و ال adsl بتاعهم ممتاز و مفيهوش اى مشاكل)
الموضوع فعلا غير قانوني خصوصا لو الاشتراك بغرض استخدام منزل وليس تجاري...
وانا شايف ان الموضوع مش مربح تجاريا ولا مفيد تقنيا ..لان كل ما اعداد المشتركين علي الخط بتزيد السرعة بتقل وساعات كتير بيفصل...دة غير المشاكل القانونية اللانهائية بسبب اي مشترك مستخبي ورا الاي بي بتاع صاحب الشبكة ....الا بقي لو صاحب الشبكة مأمن نفسة ..وعامل فير وول ..وبيسجل اي بيهات الاعضاء واوقات الدخول و الخروج ..والمواقع ايلي دخلوا عليها وغيرة ...يعني وجع دماغ ومش جايب همة....
ايلي عايز يعمل شبكة ...يسجلها بشكل قانوني...ويأمن نفسة عن طريق برامج ادارة شبكات متخصصة ...
سهل انك تفضل مستخبي والدنيا كويسة ....بس لو حصل مشكلة هاتبقي مشكلة صعب حلها ...وتجيب القديم والجديد...ومحامين ومشاكل الناس في غني عنها..
تقبلوا تحياتي...
بصوا يا بشوات توصيل النت لاكثر من شخص بنفس الاشتراك غير قانونى بيسرى عليه بالظبط موضوع الوصلة بتاعة التليفزيون وبالظبط زى التليفون بتاع البيت يعنى ما يبقاش عندى تليفون فى البيت ويبقى عندى محل تحت البيت واخد منه وصله قانونا غلط لان اللى فى المحل بيتعامل المفروض تجارى والبيت استخدام منزلى ودا له تعريفه ودا له تعريفة.
طيب انا دلوقتى عندى شركة واخدت adsl وفى الشركة 10 اجهزة كمبيوتر يبقى اجيب خط لكل جهاز لا طبعا وصلهم مع بعض مفيش مشكلة طيب انا عندى فى بيتى 3 اجهزة كمبيوتر اجيب 3 خطوط لا طبعا زى تليفون البيت بالظبط حط فى كل حجرة تليفون على نفس الخط مفيش مشكلة.
ولما الراجل بتاع فودافون قالك وصل زى ما انت عايز قصده يخدمك بس والمسئولين فى شركته لو سمعوا الكلام دا اكيد هيعاقبوه.
على فكره انا واخد وصلة نت 4 ميجا بـ25 جنيه فى الشهر لووووز وطبعا غير قانونى وكمان بعرف اشغل اتصالات usb مودم ببلاش على سرعة 512 وبعمل دون لود وبتصفح من غير مادفع ولا مليم وكل دا غير قانونى بصراحه احنا مظلومين مرتبات مفيش مبتكفيش والحياة كل يوم بترمى على اكتافنا حمول جديدة هنعمل ايه؟ لازم ندور على الحلول المستخبية انتوا تعرفوا ان فى اوروبا من حق كل شخص خط انترنت بسرعة لاتقل عن 512 ببلاش ميدفعش فيها فلوس بيدفع فى السرعات الزياده بس.
عندك عدة جهات ليها سلطة السؤال عن صاحب الخط
امن الدولة --> حد عمل نشاط متطرف من على الشبكة
شرطة جرائم المعلومات --> حد ابتز بنت او شهر بيها ... الخ
وزارة الاتصالات --> لو حد عمل مكالمات voip غير شرعية
فى كل الحالات انت الى فى الوش و حلنى بقى لما يشوفو مين معاك فى الشبكة المتسبب فى كدة
غير كدة الموضوع دا هيتلغى بس مش قريب
معلش انا اسف فالللى هأولو بس اذا بليتم فاستتروااقتباس:
على فكره انا واخد وصلة نت 4 ميجا بـ25 جنيه فى الشهر لووووز وطبعا غير قانونى وكمان بعرف اشغل اتصالات usb مودم ببلاش على سرعة 512 وبعمل دون لود وبتصفح من غير مادفع ولا مليم وكل دا غير قانونى بصراحه احنا مظلومين مرتبات مفيش مبتكفيش والحياة كل يوم بترمى على اكتافنا حمول جديدة هنعمل ايه؟ لازم ندور على الحلول المستخبية انتوا تعرفوا ان فى اوروبا من حق كل شخص خط انترنت بسرعة لاتقل عن 512 ببلاش ميدفعش فيها فلوس بيدفع فى السرعات الزياده بس
اول مرة اشوف شعب بيعترف انه بيخالف القانون و بيعلق دا على غلاء المعيشة
عندك حق والله
بس رأى حضرتك متزعلش منى سطحى جدا
المفروض عشان اتفرج على الكورة اشترك فى الجزيرة ودا بكام؟ وعشان ادخل على النت اجيب خط نت ودا بكام؟ دول لوحدهم مش اقل من 500 جنيه فى الشهر لاقل اشتراكات طيب انا لما تبقى عندى الحاجات دى وهى معلش بقت مهمة ب50 جنيه بس اخدهم ولا لا؟
كان مرتبى 750 جنيه ومتجوز فى بيتى مفيش ايجار وبشتغل محاسب فى شركة ادوية وعندى طفلة ظبطهملى كده؟ طيب انا اتعرضت لازمة صحية خلتنى اسيب شغلى لفترة ولما جيت ادور على شغل جديد لقيتنى هبدأ بـ400 جنيه وانا عندى 30 سنه ومتجوز ومخلف أو اروح اشتغل مندوب بـ1000 جنيه واقعد الف طول النهار فى الحر واروح بيتى نص الليل اتدلق على السرير اخرج من بيتى الصبح وبنتى نايمة واروح البيت بالليل وبنتى نايمه ومشفهاش غير يوم الجمعه ولاقى مراتى بتقولى انا عايزه اروح عندنا طيب يا بنتى روحى بس مش هقدر اجى معاكى انا هقعد مع ماما وبابا واخواتى هوصلك وبالليل هخدك دى تبقى عيشه؟؟
هل ينفع ادفع 500 جنيه لتصحيح أوضاع اشتراكاتى؟! ولا بلاش نت وابطل اتفرج على كورة هو ممكن حضرتك يكون دخلك حلو ومعقول لما تدفع 1000 جنيه قيمة اشتراكات مش هيهزوك بس 500 جنيه كتير عليا كل شهر ومتنساش حضرتك تشيل الملصقات اللى على سيارتك عشان دا مخالف للقانون وكمان مترميش ورقه فى الشارع عشان دا مخالف للقانون
طبعا غير قانوني ... و البرامج المضروبة الي 90% منش الشعب عايش عليها غير قانونية .. بس كله مطنش .. و
ياما اتنبح حسي في الموضوع ده ...و الدريمبوكس غير قانوني ..
يعني تحمدوا ربنا انهم نايمين ... لو فاقو ا نصف .. نصف ايه ... 75% من المنتدى حيمشوا ... يا شبكات .. ياويندوز مضروب :)
وبصراحة موضوع غلاء المعيشة ده مش سبب نهائي ... الانترنت خدمة .. مش اكل ولا شرب و لا لبس ... مستغليها .. متشتركش ... او احصل على واحد محدد .
انما مش واحد عايز خدمة غير محدودة علشان يستخدمها في تنزيل افلام و العاب و مسلسلات و يقولك الحكومة حرامية !
امال انت بتعمل ايه ؟؟؟
( انا مش بكلم حد معين بالمناسبة )
انا مش فاهم اية علاقة الحكومة بسرقة النت
اية علاقة الحكومة بالموضوع ؟!
نفس المنطق بتاع ان عاى بابا و روبن هود اشراف
دا حرامى و دا حرامى
مش معنا انى عايش فى بلد كلها حرمية انى ابأه زيهم
و بالنسبة للى مش ادر يعيش حياته من غير نت و لا كورة
دول حاجات مش اساسية مش اكل و لا شرب و لا ملبس ولا مسكن
فى نت محدود و مش هاموت من غير كورة
المهم انى عايش بفلوسى و احت صوباعى فى عين التخين لو كلمنى
و انا معنديش اى علامة على العربية رغم ان اقدر احت اللى انا عاوزه و محدش يعرف يكلمنىاقتباس:
ومتنساش حضرتك تشيل الملصقات اللى على سيارتك عشان دا مخالف للقانون وكمان مترميش ورقه فى الشارع عشان دا مخالف للقانون
و مش برمى حاجة فى الشارع عشان اتربيت على كدا
كلامك على عينى وعلى راسى من فوق السرقة سرقة بس السؤال اللى بيطرح نفسه جهاز الكمبيوتر اللى انت بتكلمنى من عليه شارى نسخة الويندوز بتاعته؟ طيب شارى الافلام والاغانى اللى عليه شارى البرامج اللى عليه؟ يا عزيزى كلنا لصوص بشكل او بآخر وحضرتك بتقول انك عايش بفلوسك وحاطط صابعك فى عين التخين انا بقى عايش بستر ربنا وحاطط صوابعى العشرة فى عين التخين والرفيع.
بص هو شركات الانترنت بتقول كده عشان متخسرش بتقولك انه غير قانوني والكلام ده عشان عدد العملاء ميقلش عندها مش اكتر وهو فعلا غير قانوني فعليا زيه زي وصلات الدش لكن الواقع انه عمره ماهيكون في اي اجراء هيتاخد ضدك من اي جهه الا وكانت كل السيبرات والمحلات قفلت وكمان البيوت بقي اللي موصله لجيرانها اتحبست كله كلام فاضي وميقضروش يسيطروا عليه عارف بدليل ايه انهم عملوا وطبقوا سياسه استخدام عادل عشان يخنق عليك ومتوصلش واللي يقولك انها مطبقتش يبقي كداب
مع العلم انا بشتغل في شركه انترنت وعارف بقولك ايه
ياسيدى الفاضل انا مش ملاكاقتباس:
كلامك على عينى وعلى راسى من فوق السرقة سرقة بس السؤال اللى بيطرح نفسه جهاز الكمبيوتر اللى انت بتكلمنى من عليه شارى نسخة الويندوز بتاعته؟ طيب شارى الافلام والاغانى اللى عليه شارى البرامج اللى عليه؟ يا عزيزى كلنا لصوص بشكل او بآخر وحضرتك بتقول انك عايش بفلوسك وحاطط صابعك فى عين التخين انا بقى عايش بستر ربنا وحاطط صوابعى العشرة فى عين التخين والرفيع.
اكيد بحكم انى عايش فى البلد دى باغلط
بدفع رشوة عشان ماخدش مخالفة بيحصل مش بأول لا
بس بابأه عارف انى غلطان بس انا مضطر بس مفيش اى اضطرار فى النت المفتوح و الجزيرة المفتوحة
طبعا مردود علي كلامك :) , بأختصار اقرا القصه دي لريتشارد ستالمان :)
The Right to Read - GNU Project - Free Software Foundation (FSF)
و ليها ترجمه بالعربيه !
ط.ظ‚ ط§ظ„ظ‚ط±ط§ط،ط© - ظ…ط´ط±ظˆط¹ ط؛ظ†ظˆ ظ…ط¤ط³ط³ط© ط§ظ„ط¨ط±ظ…ط¬ظٹط§طھ ط§ظ„ط.ط±ط© (ط¥ظپط¥ط³ط¥ظ„)
بلدنا دي اعمل فيها ما شئت بس خلي بالك اذا اتقفشت مش هتترحم
والله هي دي مصر
حضرتك جبتها فى الرشوة لا انا بتكلم عن السرقة عن سرقة الحقوق مش عن انك تاخد حقك بالرشوة حضرتك مسرقتش حق ميكروسوفت لما بتشغل الويندوز بتاعها من غير ما تشتريه؟ طيب لو حضرتك بتدفع فلوس ميكروسوفت بتدفع لروتانا ومزيكا تمن الاغانى اللى بتسمعها فى عربيتك؟ طيب انت مبتسمعش اغانى وحضرتك مبتسرقش حقوق حد وشخص مثالى جدا هل اخوك وابوك واختك واهلك كده ؟ طيب حضرتك محسسنى انى المفروض تتقطع ايدى طب هقولك احمد عز كان وصل الحديد لـ8000 جنيه الطن ولما جه الحديد التركى والصينى الحديد نزل لـ2000 جنيه يعنى 6000 جنيه سرقه عينى عينك وفى الاخر انا الحرامى.
والله الموضوع مش انى اجادلك او انى اخد منك موقف مش تمام الحكاية مجرد نقاش بين وجهتين نظر متفقين على ان دى سرقة وعن ان حال البلد غلط بس مختلفين فى حاجه انك غنى لذلك شايف ان من السهل استغناء الفقير عن اى كمالية من كماليات الحياه وكفايه انه يشتغل ويتعلق من رقابته زى الثور فى الساقية ويجيب الرغيف الحاف وانا شايف ان الفقير مش قادر يدفع رشوة عشان ياخد حقه فى البلد دى فممكن يتحصل على بعض الكماليات الفارغه اللى مش من اساسيات الحياه بمبلغ صغير واهو برضه يحس انه بنى ادم ويتفك شويه من الساقية.
الكلام دا حرية شخصيةاقتباس:
طبعا مردود علي كلامك :) , بأختصار اقرا القصه دي لريتشارد ستالمان :)
the right to read - gnu project - free software foundation (fsf)
و ليها ترجمه بالعربيه !
ط.ظ‚ ط§ظ„ظ‚ط±ط§ط،ط© - ظ…ط´ط±ظˆط¹ ط؛ظ†ظˆ ظ…ط¤ط³ط³ط© ط§ظ„ط¨ط±ظ…ط¬ظٹط§طھ ط§ظ„ط.ط±ط© (ط¥ظپط¥ط³ط¥ظ„)
بمعنى ان مش معنى ان مطورى لينكس اختاروا انهم ينشروا النظام تحت الرخصة دى ان لازم مايكروسوفت تعمل كدا
انا مثلا اخترعت برنامج و مش عايز اكشف مصدره انا حر
مش تجبرنى انى افتحه
و كدا برده الجزيرة و شوتايم
ناس اشترت حقوق برنامج ترفيه او متش كوره
هو حر يبيعه بالسعر اللى هو عايزه مش اروح اسرقه بداعى انو هو غالى
ماهواش اكل و لا ضرورة فى الحياه
[quote][ طيب انت مبتسمعش اغانى وحضرتك مبتسرقش حقوق حد وشخص مثالى جدا هل اخوك وابوك واختك واهلك كده /quote]
هو لما ربنا يحسبنى هاؤلوا اصل ابويا
على كدا سيدنا ابراهيم كان لازم يطلع كافر
نفس الفكرة كون ان هو حرامى و ابن تييت دا مايدنيش الحق انى ابأه زيهاقتباس:
حضرتك محسسنى انى المفروض تتقطع ايدى طب هقولك احمد عز كان وصل الحديد لـ8000 جنيه الطن ولما جه الحديد التركى والصينى الحديد نزل لـ2000 جنيه يعنى 6000 جنيه سرقه عينى عينك وفى الاخر انا الحرامى.
هو بيخم فى ملايين وانا بخم فى 500 جنية هل معنا كدا ام انا كدا سليم؟
و لا غنى و لا حاجةاقتباس:
انك غنى لذلك شايف ان من السهل استغناء الفقير عن اى كمالية من كماليات الحياه وكفايه انه يشتغل ويتعلق من رقابته زى الثور فى الساقية ويجيب الرغيف الحاف وانا شايف ان الفقير مش قادر يدفع رشوة عشان ياخد حقه فى البلد دى فممكن يتحصل على بعض الكماليات الفارغه اللى مش من اساسيات الحياه بمبلغ صغير واهو برضه يحس انه بنى ادم ويتفك شويه من الساقية.
شغال مهندس و طالع عينى من الصبح لبليل زى العبد
بس عايش على ادى
محدش اجبر حد علي حاجه !
الفكره اننا بنقول ان دا احتكار ! زي احتكار اي حاجه حاجه في الدنيا ! المبدأ لا يجزء ! عشان كدا دي توعيه للناس انها متستخدمهوش !
فكره القنوات المشفره ! انت اشتريت منتج ولا خدمه ؟؟ القناه نفسها احتكرت منتج لنفسها ! و بتبيعولك كخدمه ! مش بتبيعولك كحاجه تقدر تتصرف فيها ! زي ما تكون اشتريت أكله مثلا ! انت حر تاكلها , تديها لحد , ترميها حتي !
يا بشمهندس شريف نسخة الويندوز اللى انت بتستخدمها فى بيتك وفى مكتبك والاغنية اللى بتشغلها فى عربيتك دافع حقهم ولا لا؟ جاوب اذا سمحت انت ليه مش بتجاوب على السؤال دا؟! انت ليه خايف تقول انا حرامى وان كان ابوك واخوك واختك مبيدفعوش تمن نسخة الويندوز هيبقوا حرامية؟ وهللما والدك ياخد نت عن طريق شبكة او ياخد نسخة الويندوز ببلاش يكون التشبيه زى عم سيدنا ابراهيم كافرطبعا لا هو المثل كان مبالغ فيه شوية.
حضرتك عايز توصل منى لكلمة انا غلطان وانا بقولك ايوه انا اخدت حق مش حقى وقلت الكلام دا من اول رد ليك وقلتلك عندك حق والله بس رأيك سطحى وقلتلك يا عزيزى كلنا لصوص بشكل او بآخر ومردتش على سؤالى لما سألتك عن نسخة الويندوز لانك اكيد مش بتشتريها ومش هصدقك آسف لو انت قلت انك بتشتريها وبكده هتبقى انت بتحاسبنى على سرقة حقوق الغير ومبتحاسبش نفسك
فى الاخير لك منى كل تحية
اسمحلي اختلفك او تتكلم عن نفسك انا لن اغلط فيك مهما كانت الظروف لان ده موضوع لا يمسك و لا يمسني بحاجة انحنا بنتلكم في مشكلة عامة ..
انا مش داخل ادافع عن الحكومة يا اساتذنا الفاضلين .. انا بضرب مثل ان حنا نقول مش فلان بيسرق يبقى احنا نسرق .
اوي نعم .. كونك انت او ابويا او اخوك او امي استخدمت ويندوز مضروب " و هي او هو يعلم " حط تحت هي او هو تعلم دي 1000 خط ان ده شيء مخالف للقانون يبقى غير قانوني ... و بيوصف مش بالسرقة و لكن بالقرضنة ..
و لو احنا في بلد بيطبق قانون الملكية الفكرية و الحقوق .. كان بمنتهى البساطة ممكن يتفرع عليا و عليك قصية و ممكن تدفع غرامة كبيرة جدا و تحبس كمان علشان " ويندوز " مضروب .
ولعلمك انا مش بقولك اني ملاك يعني .. لأ طبعا ... انا بلعب العاب منسوخة و عندي اغاني اد كدة .. بس في نفس الوقت مش ببرر لنفسي كدة ... انا معترف اني غلطان .. خصوصا ان معظم الحاجات الغير قانونية الي بستعملها او بلعب بيها للمتعة او لتضيع الوقت مش حاجة مهمة يعني ..
بس على الاقل بحاول افيد اي شركة او منتج محلي ولو مش محلي لو في شركة بتقدم منتج فعلا يستحق الشراء او التبرع بعمل كدة ... او لو لقيت ان في لعبة مثلا فعلا تستاهل الفلوس بشتريها .. او البوم يستحق الاقتناء بحاول اشتريه ..
طبعا انا كدة مبرئتش نفسي بس اهو ولو بجزء بسيط نفعت حد غيري ..
مبرمجين الالعاب دول و مبمرجين النظم و الناس الي شغالة في شركات الانترنت و كل الحاجاة و الخدمات دي دول ناس زي و زيك بياخده مرتبابتهم من شركاتهم بنائا على المبيعات و النجاح.
يعني فرضا مثلا شركة مصرية او عربية طرحت نظام مثل ويندوز و ناجح و جيد جدا ... انت قرصنته و انا فرصنته و انتهى بيه الامر في معظم يد الناس بدون مايدفعوا ... تفتكر الشركة دي حتعيش ؟ حتطور البرنامج ؟ حتستفيد ؟ طب زي مابتفكر انك مش معاك علشان تشتريه .. فكر ان الي بيشتغل في البرنامج ده و عمله برده محتاج فلوس و عايز يعيش ؟
طبعا شركات مثل مايكروسوف و خلافه مش حتقف علشان مصر او غيرها ولكن شركات تانية كتير بتتضر ضرر رهيب و ناس بتقفد عملها !
--------
-؛pro-drive
مش حخش معاك جدل للمرة ال 1000 في الموضوع ..
زي مافلت قبل كدة مش عاجبك برامج مايكروسوف او شايفها محتكرة او او او اواو ... اعمل الي عليك و قاطعها !
يبقى احنا كده متفقين يا استاذ CryptonX ان دى قرصنه مع انى اعرف ان القرصان حرامى بس مش دى الحكايه انا مبسوط جدا برد حضرتك اللى انا بصراحه استمتعت بيه وبكده بقينا زى بعض انا قرصان نت بسرق نت وحضرتك قرصان برامج والعاب مش عربية عشان تفرق اذا كنت قرصان واخدت حاجه من عربى عن لما تبقى قرصان وتاخد حاجه من اجنبى شكرا للايضاح.