الموضوع بسيط الدبرياج عندك "بسلك", و ده معناه انو الدواسة بتشد سلك موصول للدبرياج و بالطريقة و السلك بيشد المفصل الى بيفصل الدبرياج, السلك فيه خاصية مهمة انو ممكن يضبط حسب حاجة السائق, لأن فيه مساحة فاضية فى الدبرياج, و بتبقى صامولة صغيرة بتطول أو بتقصر السلك, و بكده بنتحكم فى شوط الدبرياج "عالى و لا واطى", لكن لما بيوطى زيادة بيتسبب انو ميفصلش الدبرياج كاملا و ده طبعا بيقصر عمر الدبرياج,و لما بيعلى زيادة مبيعشقش الدبرياج كاملا, و ده طبعا بيتسبب فى تأكل اسطوانة الدبرياج و بيأثر على سحب السيارة, لأنه الاحتكاك مش كامل, و فى الحالة ديه لازم يتظبط صح هو ضبطه مش صعب و أى ميكانيكى يعرف يغيره و يضبطه عموما روح لأى ميكانيكى كويس و خليه يظبوتهولك و بعدين جرب الدبرياج (لاحظ انك طبيعى تحس باختلاف و عدم راحة لأنك مش متعود على الوضع الجديد), و لو لقيت الدبرياج عالى أوى أو واطى اوى (بيعشق بسرعة أو بيعشق بعد فترة) قوله يظبته تانى و خليك وراه لغايت ما يتظبط بطريقة تريحك.
المفضلات