الكوبلن الداخلي إتفك!

**midooz** · 25-09-2010 02:36 PM

أول مرة في حياتي يحصلي حاجة زي كدة ...
الكوبلن الشمال الداخلي إتفك لوحده .. واقف في الزحمة و بجيب أولاني لقيت العربية بتفرك بس مبتتحركش و في صوت في الموتور غريب! نزلت أبص في إيه .. لقيت الكوبلن الداخلي واقع على الأرض!
الميكانيكي بيقولي إن عشان ربنا بيحبني الحوار ده محصلش وأنا ماشي و إلا كان الفتيس إتكسر و العربية إتقلبت وقتي!!
الحكاية كلها كانت إن المسامير اللي رابطة الكوبلن الداخلي إتفكت – مكنتش مربوطة كويس!
بعد معملتها طلعت أجري الحمدلله تمام و زي الفل.
نصيحة لكل واحد يشيك على كبالنه و مساميرها كل فترة كدة لحسن الموضوع طلع فيه أرواح!

**dr.hazem** · 25-09-2010 02:47 PM

حاجه صعبه فعلا

الحمد لله انك طلعت منها سليم

وربنا يسترها معانا كلنا

تحياتي

**midooz** · 25-09-2010 07:59 PM

المشاركة الأصلية كتبت بواسطة maserati

السلام عليكم و رحمة الله و بركاته

ممكن بس سيادتك تقولنا العربية كانت فولكس فاجن ايه و موديل كام و هل اتعمل شغل فى الكوبلن ده قبل كده من ساعة مالعربية طلعت من المصنع ولا لأ؟؟؟

شكرا و جزاكم الله كل خير

مازيراتى كواتروبورتيه

العربية جولف 1 مو 82
بيتهيألي لأ متعملش شغل فيه قبل كدة لأن العربية متلعبش فيها خالص .. بحالة الفابريقة زي مبيقولوا — أنا سألت الميكانيكي طبعاً هيا عملت كدة ليه قاللي مفيش سبب معين غير إن المسامير إتفكت و دي حاجة زي عمر إفتراضي كدة لأنه غيرهالي و رمى المسامير القديمة — و خليته برضه يبصلي على الكوبلن التاني قاللي زي الفل ..

**bogyman123** · 28-09-2010 02:53 PM

السلام عليكم
نفس الموضوع دة برضو حصل معايا بس وانا ماشى على كوبرى محرم بك سمعت مرة وحدة كركرة جامدة وكل مادى غيار وادوس بنزين تكركر بس الكوبلن موقعش كا فاضل فى مسمار ماسكة الحمدلله عشان انا كنت جارى رحت للميكانيكى غيرلى المسامير بتاعة الكوبلن عشان كانت مفوتة والحمد لله تمام