أنا عايز أعرف إزاى حصل فى ميجان 2005

**mohamedadelemam** · 25-09-2010 02:49 PM

السلام عليكم...والدتى معاها رينو ميجان هاتشباك موديل 2005 مانيوال إشتريناها من الزيرو من معرض المصرية للسيارات وكان العداد عامل فقط 33 كم...وحاليا السيارة عاملة حوالى 17500كم لأن والدتى تقريبا مش بتستعملها خالص..أخدتها من يومين السيارة لأن سيارتى كانت رخصتها ضايعة..المهم قلت بالمرة أزود الكاوتش لقيت حاجة غريبة جدا...الفردة الأمامى يمين كان فيها خرمين وملحومين بلحام الخواذيق...مع إن عمر ما عملنا فيها أى حاجة...يعنى أنا مش فاهم..يعنى ال33كم اللى كانوا ساعة ما إشتريناها لحقت تمشى فيهم وتتخرم خرمين؟...ولا إيه بالظبط؟؟؟؟

**gebreel** · 25-09-2010 04:34 PM

يا باشا المصرية ده معرض غير محترم بالمرة و العربيات بتيجي متساقة و السواقين بيحرقوا و يجرو بيها جري مش طبيعي و مش بس كدة ده كان فيه عضو هنا قال انو استلم العربية منهم و لقا عداد السرعة مش شغال بص لقة فيشة العداد مفصولة علشان متعملش كيلوات كثير و نسيو يرجعوها ثاني و الله اعلم ان كان صح ولا غلط بس انا رحت هناك و لقيت عربية سيرين ملعوب فيها كضفيرة كهرباء و كابوت اللوجان العرض كان القفل بتاعو بايظ و مهازل كدة

فاللي زي دوول ممكن تتوقع منهم اي حاجة

**Col. Eng. Khaled** · 25-09-2010 11:34 PM

توقع أي شيء من "المصرية للسيارات"

**Ahmed Selim** · 26-09-2010 07:51 AM

بمناسبة الموضوع ده حبيت بس افكرك بحاجة ممكن تكون ناسيها

صيانة ال 60 ألف كيلو بتتعمل بعد 60 ألف كم أو 3 سنوات أيهما أقرب......حاول تعملها فى أقرب فرصة خصوصاً أنها سيارة والدتك.

**mohamedadelemam** · 27-09-2010 12:59 AM

السلام عليكم..حضرتك شاكر جدا لإهتمام حضرتك..فعلا من شهرين عملت صيانة ال20 وأخبرونى بإن ميعاد تغيير سير الكتينة وطرمبة المياه...إن شاء الله هغيرهم قريبا جدا ومرة تانية متشكر جدا لإهتمام حضرتك والأعضاء جميعا

**pioneerahmed** · 27-09-2010 11:57 AM

المشاركة الأصلية كتبت بواسطة gebreel

يا باشا المصرية ده معرض غير محترم بالمرة و العربيات بتيجي متساقة و السواقين بيحرقوا و يجرو بيها جري مش طبيعي و مش بس كدة ده كان فيه عضو هنا قال انو استلم العربية منهم و لقا عداد السرعة مش شغال بص لقة فيشة العداد مفصولة علشان متعملش كيلوات كثير و نسيو يرجعوها ثاني و الله اعلم ان كان صح ولا غلط بس انا رحت هناك و لقيت عربية سيرين ملعوب فيها كضفيرة كهرباء و كابوت اللوجان العرض كان القفل بتاعو بايظ و مهازل كدة

فاللي زي دوول ممكن تتوقع منهم اي حاجة

بسم الله الرحمن الرحيم

بحكم مهنتى (موظف فى بنك) بتعامل مع عملاء واخدين عربيات تقسيط من معارض كتير , حبيت اوضح حاجة بسيطة.

اولا: بالنسبة لموضوع كابل العداد دة تقريبا كل المعارض الكبيرة بتعمل كدة و توكيلات كمان و انا شخصيا لقيتة حاصل فى عربيتى اللانوس اول لما اشترتها و دة عادى عشان العربية بتبقى محطوطة فى الجراج بتاع المعارض الى مش دايما بيبقى جنب المعرض و بتروح و تيجى كتير و دة طبعا مش مشاوير خاصة لا دة بيبقى عشان مثلا عميل عايز لون عربية مش فى المعرض الفرع دة فبيبعتوا يجيبوهالة من الفرع التانى او من الجراج و طبعا لو العميل بص فى العداد لفى العربية عاملة اكتر من 100 كم مش بيرضى يشترى.

ثانيا : بخصوص المشاكل الى فى العربية زى الخدوش و الخبطات الخفيفة دة ميعبش المعرض لان معارض كتير بيبقى فيها عربيات كدة و دة من الركن و مش شرط يكون الركن فى المعرض ممكن يكون من الوكيل بردو لان الوكيل لما بييجى يوزع العربيات على المعارض بيجيبها من الجراج بتاعو و طبعا لو حد فيكو شاف المكان الى الوكيل بيخزن فية هيتصدم !!! و بردو اقول يا جماعة قلبو فى العربية كويس قبل متشتروها و متاخدش حاجة فيها خدش

و المصرية معرض كبير و لية فروع كتير فطبيعى انك تلاقى عندو حاجات من دى كتير

ثالثا: العمال لما بيركبو العربية و يحرقوا و يشدوا , دة سلوك مصرى طبيعى عند اى صنايعى شوف بتوع البنزينة و سياس الجراجات او حتى عمال التوكيل و انت بتعمل الصيانة بتاعتكم بيسوقوا ازاى !!!

و طبعا انا مش بشكر فى المصرية و لا حاجة انا بس حبيت اوضح النقطتين دول عشان الساكت عن الحق شيطان اخرس

و السلام عليكم