سؤال ضرورى إزاى أعرف سنة الصنع

**harizy** · 25-07-2010 12:06 AM

السادة أعضاء المنتدى الكرام والأخوة الأفاضل

السلام عليكم

بأفكر جدياً وجيداً فى شراء سيارة بيرسونا فذهبت اليوم السبت 24/7/2010 إلى توكيل عز العرب بمدينة نصر
فى شارع ذاكر حسين ولم أجدها ولكن وجدت جين 2، المهم سألت عن السعر فوجدته 91900 جنيه مع إمكانية خصم 900 جنيه فقط تصوروا !!!!!

المهم أن أهرام السيارات يوم الجمعة 23/7/2010 كان فيه معرض عامل خصم حوالى 3000 جنيه على الجين، والبيرسونا والواجا ولما أخبرت التوكيل بذلك قال لى أنها سيارات موديل 2009 وليست 2010، فالسؤال الآن إزاى أعرف الموديل الخاص بالسيارة هل هو 2009 أم أنه 2010، هل تلك السيارة لها vinnumber أسفل الزجاج ولو كان كده يبقى رقم الموديل وسنة الصنع فين.

بصراحة أنا قلقان من شراء تلك السيارة وعاوز أخذ أكبر احتياطات ممكنة لأن التوكيل سمعته مش مريحانى مع أن السيارة مش وحشة بالمقارنة بسيارات أخرى فى نفس الفئة.

وشكراً لحضراتكوا وإن شاء الـلـه نبقى عدايل قريباً

**eslam_wega** · 25-07-2010 01:54 AM

انا معيا جين 2 عندى مكتوب عند باب السائق 2010

**ahmad alshaaer** · 25-07-2010 09:25 AM

تمام زي الاستاذ اسلام ماقال

هتلاقيها اسفل باب السائق من اليسار

تحياتي

**harizy** · 25-07-2010 12:25 PM

تمام يا بهوات شاكر سرعة الإجابة بس يا ترى هل الرقم ده محفور على الباب أم أنه على استيكر يمكن تغييره وتبديله بحيث تصبح مثلاً موديل 2015 ههه.

بصراحة التوكيل بتاعها مخلينى متردد فى الشراء والتعامل معهم من أصله مع أن العربية كويسة بالنسبة لسعرها
وشاكر مرة أخرى

**estemalek** · 25-07-2010 12:29 PM

تمام زى ما الشباب قالو هتلاقيها عند القايم الشمال لباب السواق بس خد بالك من حاجة سنة الصنع اللى على الباب اقل سنة من اللى فى الرخصة
يعنى انا عربيتى فى الرخصة سنة 2000 بس على القايم 1999 و شوفت عربية ويرا 2004 فى الرخصة بس على القايم 2003
وربنا يوفقك

**harizy** · 25-07-2010 04:49 PM

ما هو ده اللى أنا خايف منه، الموجود على القايم هو سنة الصنع الفعلية وهو سنة الموديل الصحيحة؛ إنما اللى موجود فى
الرخصة ده ممكن أى حد يكتبه أو يلعب فيه، يعنى حضرتك عايز تقول أن مو 2009 يبقى الموجود على القايم بتاعها 2008 طب إزاى وليه ما يبقاش اللى على القايم هو اللى موجود فى الرخصة.

وكمان بالنسبة للسعر لازم يقل بالنسبة للموديلات القديمة ماهو مش معقول أدفع تمن عربية جديدة لموديل قديم مركون فى الشمس والتراب والهوا سنة كاملة وبعدين نقول أن العربية ما بيحصلهاش حاجة، أنا لسه محتار ومتردد من التوكيل ده، وأخيراً العربيات النيسان مش كده، سنة الصنع هى سنة الموديل هى اللى موجودة فى الرخصة أنا باشترى موديل مش تاريخ ترخيص، ربنا يستر

**estemalek** · 25-07-2010 11:24 PM

بص يا صديقى
هيا عموما العربيات البروتون عربيات كويسة جدا و هتعجبك بس يعيبها حاجتين
1- قطع غيارها بايخة شوية يعنى لو بتدور على حاجات بروتون هتدوخ شوية مع ان فى حاجات كتير من قطع غيارها هيا لانسر او اكسل
2- سعر اعادة البيع مش لطيف بالمرة
بالنسبة لموضوع سنة الصنع انا لاحظته فى الويرا معرفش بقى باقى الموديلات - تقدر تسأل الناس هنا

**harizy** · 25-07-2010 11:56 PM

شاكر سرعة الرد والاهتمام يا باشا

**khpopo** · 26-07-2010 12:06 AM

الى مكتوب فى العربيه هو سنة الصنع الحقيقه لكن الرخصه بتكتب حسب وقت ترخيصها وده ملوش دعوه بالتوكيل ده من المرور ...خليك مع سنة الصنع الى فى القايم
ربنا يوفق