عندي مشكله خطيره جدا جدا ارجوكم سعدوني اعضاء الانوس

**tayam** · 25-09-2010 06:07 PM

انا عندي لانوس 2 2001 العربيه بتبطل في المشء البطيء وكمان لو سبتها شغاله لمده 5 دقائق تفصل لوحدها

تم الكشف عليها من 3 ميكانيكيه ولا احد يعلم السبب وتم الكشف عليها بالكمبيوتر ولا يجدو شيء

وتم الكشف عليها في توكيل دايو الخلفاوي وتم تغيير البوجيهات وتم تغيير حساس الشكمان وتم تنظيف فلتر البنزين وتم

تنظيف الانجكشن وتم الكشف عل علبه البيئه الموجوده عند الشكمان ومع كل هذا العربيه مازالت بتبطل عندما اقوم

بتبطيه العربيه او عندما اقوم بعمل فرامل وانا حتي لو ضاغط دبرياج مش عارف اعمل ايه هل يوج حل عند مهندسين

الانوس او الاعضاء او المشرفين او اي شخص حدث معه هذا من قبل ارجو المساعده لاني لا هعرف اسوقها ولا

هعرف ابيعها اريد حل او ميكانيكي فاهم قوي او مهندس متمكن

**محمد الشامي** · 25-09-2010 06:30 PM

لو عايز ميكانيكي شاطر روح لمحمد عبده
http://www.nilemotors.net/Nile/29619-a.html

وبصراحه انا شخصيا مش قادر افسر بشكل واضح احتماليه الاسباب المؤديه للمشكله دي , لكن هطلب منك توضيح الحاله العامه للمشكله اكتر

يعني مثلا العربيه بتبطل مره واحده كانك قفلت الكونتاكت ؟؟ ولا العربيه بتبرجل شويه وبعدها تفصل ؟؟
ولما بتفصل بتدور تاني على طول ولا بتاخد وقت شويه ؟؟

يعني قولنا القدر اللي تستطيعه من المعلومات عشان الصوره توضح شويه

**tayam** · 25-09-2010 07:16 PM

اخي العزيز محمد اولا اشكرك علي اهتمامي بمشكلتي

اولا العربيه لما بتبطل بتشتغل علي طول من غير مشاكل ولا بتاخر في الدواره

ثانيا مش بتبرجل ولا حاجه ده بتسكت علي طول او بتبطل من غير اي صوت

ثالثا هي بتفصل كونتاكت و بقوم بتشغيلها بتشتغل علي طول

لو تريد توضيحات اكثر انا تحت امرك

وهل محمد عبده هيكون احسن من التوكيل

ولو هو احسن تليفونه او عنوانه فين

**محمد الشامي** · 25-09-2010 07:39 PM

لا شكر على واجب , انا بس حاولت اساعدك في توضيح الصوره اكتر , وللاسف انا لغايه دلوقتي معنديش تفسير مباشر للمشكله , لكن بإذن الله مع تفاعل الاعضاء الكرام واصحاب الخبرات هنقدر نتوقع ايه سبب المشكله وبإذن الله مشكلتك تتحل نهائياً

اما بالنسبه لمحمد عبده فهو ميكانيكي شاطر جدا واظن انه شغال في توكيل الكويت والبلاد العربيه (مش متاكد من المعلومه) وانا جربته كتير في امور فنيه وقرايبي اللي معاهم كوري كمان , وهو ما شاء الله عليه فاهم جدا في الدايو بنسبه 90% والـ 10% الباقيه عباره عن تخمينات وتوقعات زي اي ميكانيكي تاني , لكن هو شاطر وفاهم في الامور الفنيه جدااااااا
وعنوانه وتليفونه موجودين في اللينك ده http://www.nilemotors.net/Nile/29619-a.html

وانا تحت امرك وان شاء الله مشكلتك تطلع حاجه بسيطه وسهله

**mahmoudbadr** · 25-09-2010 07:55 PM

إن شاء الله تكون بسيطة

أنا حصل معى حاجة شبه كدة

كان كل ما أمسك فرامل أو أجى أقف العربية تتبرجل و تبطل

و أحيانا و أنا واقف تبطل لوحدها

طلع العيب فى خرطوم البنزين من الطلمبة للفلتر

كان طويل شوية و خرطوم بلدى فكان بينثنى و يقفل البنزين

فتحصل المشكلة

حاول تطمن على الخرطوم دة و كمان تشوف ضغط طلمبة البنزين

**samirayad** · 25-09-2010 08:53 PM

1- هل بتزود زيت للمكنه ولا لا

2- هل جربت أنك تجرب طلمبة بنزين تانيه أو تستخدم منظف لدورة البنزين ............

جايز يكون فلتر موتور طلمبة البنزين مكتوم شويه من أثر رواسب البنزين وبالتالى مقلل ضغط الطلمبه

3- هل سحب العربيه معاك كويس ولا لا

ياريت تدينى فكره عن الأستفسارت التلاته

**mely** · 27-09-2010 03:30 AM

يا ريت تتاكد من سلامه فيشة البوبينه

**karimfahmy99** · 27-09-2010 06:46 AM

انا شاكك فى طلمبة البنزين ضغطها ضعيف و بتشتغل كويس لما كهربة العربية بتعلى من شحن الدينامو . او فلتر الطرمبة نفسة مخنوق

**tayam** · 27-09-2010 02:36 PM

المشاركة الأصلية كتبت بواسطة samirayad

1- هل بتزود زيت للمكنه ولا لا

2- هل جربت أنك تجرب طلمبة بنزين تانيه أو تستخدم منظف لدورة البنزين ............

جايز يكون فلتر موتور طلمبة البنزين مكتوم شويه من أثر رواسب البنزين وبالتالى مقلل ضغط الطلمبه

3- هل سحب العربيه معاك كويس ولا لا

ياريت تدينى فكره عن الأستفسارت التلاته

1- بحت زيت موبيل 5000 كيلو بس بزود كل 4000 كيلو

2- لا مجربتش بس مش عارف في التوكيل عمل كده ولا لا

3- كان كويس بس بعد كده السحب دعف شويه

**tayam** · 27-09-2010 02:39 PM

المشاركة الأصلية كتبت بواسطة karimfahmy99

انا شاكك فى طلمبة البنزين ضغطها ضعيف و بتشتغل كويس لما كهربة العربية بتعلى من شحن الدينامو . او فلتر الطرمبة نفسة مخنوق

انا هكتب كل الملاحظات ده كلها وشوف المهندس اللي موجود في التوكيل هيقول ايه وهبلغكم بكل الاخبار حتي ياخذ

غيري خبره من المشكله ده

الموضوع: عندي مشكله خطيره جدا جدا ارجوكم سعدوني اعضاء الانوس

LinkBack

أدوات الموضوع

عرض

-

-

-

المواضيع المتشابهه

دايو اسبيرو ارجوكم سعدوني

معلومات خطيره عن اعضاء حركة 6 ابريل مايكل نبيل

مشكله خطيره لا اعرف سببها

مشكله فى مقصات النوبيرا سعدوني بسرعه

مشكله في تدوير السيارة ارجوكم سعدوني يا اصحاب الفليشيا

الكلمات الدلالية لهذا الموضوع

المفضلات

المفضلات

ضوابط المشاركة