الموضوع: تقرير ايفو مانيوال (انطباعي علي الايفو بعد 1300 ك)

بعد تزايد طلبات الاعضاء الكرام مني لمعرفة انطباعي علي العربية
قولت و الله لاعمل موضوع شامل علي مميزات وعيوب العربية

نوع العربية : بونتو ايفو - الفئة الاولي - مانيوال - موديل 2011
الشركة المنتجة : فيات جروب - ايطاليا
الموتور : 77 حصان - 1400 cc

انطباعي عليها : عربية شبابية مميزه مريحة في سواقتها شكلها رياضي انسيابي - شياكة
الموتور ضعيف : لا - بالعكس الموتور جيد جدا و عصبي و بالنسبة ليه ( سوقت قبلها لانسر 1.3 - كرولا 1.3 - فيرنا )
المانيوال : عاوز فترة لغاية ما تتعود علي بدلات العربية - الفتيس سهل جدا

المزايا
1- عالية عن الارض و مش بتحك في المطبات
2- وضعية المرايات للسائق ممتازه ( تحس انك كاشف كل حاجة وراءك )
3-الكراسي مريحة جدا و ليها اوضاع كتير ممكن تغير فيها حسب الحاجة
4-الكاسيت و السوند سيستم ممتاززززززززززززززززززززز ززز , و في وظيفة اسمها speed volume و دي بتزود الصوت لتواكب الضوضاء حسب سرعة العربية و حاجات تانية كتيييييييير
5- الشنطة الخلفية كويسة بالنسبة لشاب او عائلة صغيرة ( احنا 4 افراد )
6-خامات التبلوه ممتازة بالنسبة للفئة بتاعتها
7-عاجبني الفيس لفت بتاع الايفو ( هجومي )
8-فتحات تهوية التكيف مرتبة و منظمة بحيث تسقع المكان في دقيقتين
9-التكيف نفسه ( الاول مكنتش راضي عنه ) دلوقتي بقه عاااااال اووي ( مع الاستخدام بيقي احسن )
10- مساحة الازاز الادام كبيرة بحث بيكشف كل الطريق ادامك و تحس انها نافذه علي الطريق
11-كميوتر العربية فيها وظائف كويسة عجباني مثلا ( drl و دا بخيلي الاضاءة الليلة علي طول شغالة )
12- الا كصدام الادام و اللي وراء في الكونتات مع العربيات التانية مصنوع من الفيبر بلاستيك ( علشان الاحتكاكات )
13- توزيع السماعات ممتاز ( 4 سماعات كبيرة + 4 صغيرة )
14- الفرامل (abs ) ممتازة ( و خلي بالك و انت بتفرمل علشان اللي وراءك ممكن مايكونش عنه فرامل ذي بتاعتك )
15 - سحب اول تاني تالت كويس بالنسبة للفئة بتاعتها - في ناس كتتتير متخوفه من النحية دي - من الاخر هي زي لانسر 1.3 ( و ماعرفش ممكن تطلع من عربيات اه علشان مش بشد بالعربية )
16 - السرعة والثبات : ممتازة بس انا جربت لغاية 140 - 145 كم و معرفش بعد كدة
17- صوت الموتور وانت قاعد جوه العربية مش مسموع و صوته في الصبح اول ما تدور بيكون عالي و بعدين بيوطي بعد دقيقتين
18 - العزل كويس جدا
19-تأثير التكيف علي الموتور : لا يذكر بالمره ( انا ساعات مش بحس اني مشغل التكيف )

في حاجات كتير مش فاكره

العيوب :
1- تانك البنزين بيفتح من بره ( لازم تبطل العربية و تفتح التانك بالمفتاح الاصلي )
2- الشكمان باصص لتحت و بيعمل عفره لو ماشي علي طريق ترابي
3- المرايات الجانبية بارزه و تحس انها طايره لبره
4- عفشة ناشفة ( عيب بالنسبة للمطبات و الطرق غير الممهده )- ميزه (بتدي ثبات علي السرعات العالية)
5-السحب من الاول ( الطلعة ) ممله بعض الشي
6- مساحة الازاز الادام كبيرة تجعل مهمة التكيف بطية و لازم تحطلها شماسة بعد كل مشوار

و يا ريت يكون الموضوع مفيد و كويس ( اول تقرير اعمله ) و ما كونش نسيت حاجة

تقرير حلو جدا ... و ربنا يباركلك فيها :)