اقتباس المشاركة الأصلية كتبت بواسطة Hosam_Optrawy مشاهدة المشاركة
بشمهندس غازى صديقى العزيز نورت الموضوع وشرفته بمرورك

اسمح لى أختلف معاك فى نقطة نزول الموتور , انا شخصيا شايف انه ممكن ينزل ليه لأ , زى ما الاستاذ New قال لما الموتور ال 121 حصان حطوه بدل ال 105 وعملوا تعديل بسيط فى شكل الفوانيس

والالنترا الجديده هاتنزل على طول بيه

معقول ممكن ماينزلش ويحطولنا موتور غيره ؟

وبالنسبه لموضوع ال Multi Link

النهارده كنت قاعد بافكر كدا وقولت الحلو مايكملش

بس فى نفس الوقت الواحد هايبقى طماع اوى لو طلب اكتر من كدا فى الفئه دى وبالسعر دا

يعنى موتور 140 حصان وفتيس 6 سرعات وكماليات فل أوبشنز وعوامل امان وشكل داخلى وخارجى تحفه

تخيل بقى لو كمان Multi Link مع ال ESP و TCS وايرباجز زياده مع مثبت سرعه وبارك اسيست والذى منه :)

طب بذمتك سيبنا ايه لاى عربيه تانيه المانى او يابانى لحد 300 الف غير انها تتميز ببلد الصنع ؟

الشركات بتحط كل عربيه تنافس فى شريحه معينه , وبيبقى عندها موديلات تانيه اعلى تنافس الفئات الاعلى

زى الاوبتيما الجديده والكادينزا فيها كل ماتتمنى بس للاسف مبنوشفهاش فى مصر بسبب الجمارك

لكن لو السيراتو اتعمل فيها كل التعديلات والاضافات اللى احنا عايزينها , مفيش شركات تانيه هاتبيع , واولهم كيا نفسها مش هاتعرف تبيع ولا اوبيتيما ولا كادينزا ولا غيره :)

تقبل تحياتى ياكبير

مش عارف والله يا حسام... هل ممكن فعلا الموتور ده يشرف في مصر..؟؟ اشك, لكن يااا ريت

هو فعلا الحلو مايكملش...!!!

السيراتو لو مالتي لينك, و فتيس 6 سرعات, و اي موتور مش فارقه بقى سواء الجديد او الحالي,
و كماااااااان ESP , و بارك اسيست, و مثبت سرعه.....!!!!! دي تخرب بيت شركات كتيييير

و لو مش السيراتو, و اي عربيه كوري تانيه... بردو هتعمل انقلاااااااب, زي الكادينزا كده

الكادينزا في الخليخ مجنناهم والله... انا لما كنت في البحرين, و كانت محطوطه للعرض في سيتي سنتر
كانوا هيتهبلوا عليها...!!!! و شفت واحده في الشارع هناك بالفعل, كامله و لونها ابيض..!!

والله العظيم يا حسام (( وهممممممممممممممم ))... مالهاش اي حل, و تخيل نزلت مصر بسعر الخليج
بجد هتقلب موازين السوق تماما, لان العربيه فيها جوده و تكنولوجي عاليه في كل شئ بجد...

لكن نرجع لارض الواقع المؤلم, و نسيب الاحلام اللطيفه دي, و نتفرج على ماتش الاهلي و يا رب نكسب
و نلعب عدل بقى علشان بدأت ازهق من البدري و مش فاهم بصراحه احنا ليه بنلعب زفت كده..!!

تحياتي يا باشا...