مين قال ان السرعه القصوى للساجا 175 ؟؟؟ ادخل وشوف

**Hondawy_2008** · 26-09-2010 02:26 PM

على فكرة طريق العلمين مفهوش رادار خالص 24 ساعة بس خلي بالكو في رادار في طريق مطروح-مارينا و طبعا في مصر-اسكندرية الصحراوي من 8 الصبح ل 8 باليل

أنا جبت في طريق العلمين 190 بالسيفيك بس خفت أزود عن كدة بصراحة و الساجا طبعا أستاذة ان هي تشد كدة ما شاء الله

بس خلي بالكو نصيحة محدش يشد في أول 15 كيلو و آخر 15 كيلوفي طريق العلمين (هو 130 كيلو كله) خلي آخرك 100 عن تجربة علشان في ناس بتقطع الطريق بالعرض و يوترنات و غباء فلو سرعتك عالية مش هتلحق تسيطر
لكن ال 100 كيلو اللي في النص شد براحتك

**vsaga** · 26-09-2010 02:27 PM

بالنسبة للبنزين انا راجع من مرسى مطروح لحد العبور ب تلات تفويلات بس انا برضه لسة شايف ان استهلاك الساجا للبنزين زيادة على كونها 1300 سى سى وبعدين والله بحس ان فى بنزينة تفاول منها تلاقى البنزين يقعد معاك كتير وبنزينة تلاقى البنزين طار

لما كنت من شوية بعمل صيانة الخمس الاف فى التوكيل قولتلهم على حكاية البنزين قالوا لو عايز نفحصها هاتدفع 100 جنيه زيادة عشان هايغيروا فلتر بنزين وهايطلعوا بعد كده يجربوها على الطريق وقالى المفروض انها تعمل 7 ونص لتر لكل ميت كيلو

**vsaga** · 26-09-2010 02:31 PM

تمام زى ما قال Hondawy_2008 فعلا وانا رايح مرسى مطروح مكنتش اعرف ان من مارينا لمرسى مطروح مش عليه ردار عشان كده اتلقط ردار وخلصتها بتلاتين جنيه مع الامين ( تحيا مصر ) وفعلا برضه خلى السرعه فى النص الطريق ده اللى ببيقى خالى تماما

**sayed911** · 26-09-2010 02:36 PM

ايوا بس بالمعدل ده احسبها حضرتك كده ها تلاقيها بتسحب معدل اعلى شوية من 7.5 لأنو حسب الكاتالوج اللي انا شفتوا هيا سعة 48 لتر وصححلي اذا كنت مخطأ و ثلاث تفولات يعني على اعتبار انو التنك مش بيبقى خلصان خالص وفاضي قوي بيبقى فيه شوية برضوا ولكن انا مش فاهم همة طلبوا 100 جنيه بس عشان يكشفوا على العربية طيب ما هية في صيانة ومن المفترض انو تكلفة الصيانة ثابتة مع كل الطلبات والملاحظات اللي انتا بتقول عليها !!! وصححلي برضوا اذا كنت انا مخطأ !! ومتنساش انو انت حضرتك بتقول انك معظم الطريق ماشي >120 كم/ساعة وطبعا حضرتك عارف النسبة الطردية في العلاقة مبين السعة ومعدل الإستهلاك وتحياتي لك اخي وربنا يسترها معاك ...

**vsaga** · 26-09-2010 02:40 PM

والله ياريس انا قولت نفس كلامك كده بظبط وقولتلهم ازاى ادفع مدام دى شكوى والعربية فى الضمان قالوا عشان هانغيرلها فلتر بنزين وايه كمان هما الاول هايخدوا العربية يختبروا على طريق بمعرفتهم لو لاقوا ان الاستهالاك عالى من نظرهم ساعتها هاتدفع ال 100 جنيه ويغيروا الفلتر انما بقى لو جربوا ولاقوا استهلاكها كويس يبقى ساعتها هاتدفع 150 جنيه انا اتشليت ساعتها قولتلهم خلاص مش عايز
لما تروح تعمل صيانة هايقوللك نفس الكلام

**sayed911** · 26-09-2010 02:55 PM

بص همة كانوا كلمتين كده وبعقل وبهدوء لأنو شكلوا مش حد من الإدارة اللي بيقول الكلام ده والصنايعي عايز يخلص العربية عشان يمشي لكنا ببساطة كده قولوا مثلا العربية في صيانة الـ 5الاف لو مش بيتغيرلها الفلتر ففي صيانة الألف تم تغيير الفلتر وانا بأطالب بالكشف عليه
- هوة انا في الحرفين عشان ادفع وانتا اللي ها تجرب وكمان بناء على ايه الحكم ده المفروض اني شاري العربية بالصيانة والضمان بتعها ومن حقي لما اشتكي حتى من تزيقة في الباب في الصيانة يعملها واي ملاحظة كمان لأنو انا مش عند ميكانيكي في الشارع عشان ادفع الأول وبعدين يقولي حصل وحصل انتا تكشف الأول وتحددلي العيب وتقولي من كذه وتغيروا وأجرب انا بنفسي واشوف العيب اختفى ولا لأ اختفى يبقى كان بهى وادفع تكلفة اصلالالالالالالالاح العيب فقط وليس تكلفة القطع لأنها تابعة للضمان اما اذا لم يختفي فهم مطالبين وانا عارف الحتة دي كويس قوي انو يفك كل قطعة ركبها ومش مشكلتي انها اتركبت ومشيت لأنه ده سوء تحديد عيوب منو يفكوا ويرجعلي الخاص بيا تاني
+ ده تكلفة الكشف في الحرفيين 50 جنيه التوكيل اللي انا تابع ليه ادفع 100 !!! انا مش طالف تغيير فلتر انا طالب الكشف عليه !!!
+ المفروض بس مش عارف بصراحة موجود في مصر و لأ المفروض انه في حاجة اسمها اختبار كفائة اللي هوة العربية بتطلع فيه على سير متحرك ويمشي اول في تاني في ثالث وطبعا كل حساس في العربية موصول بسلك لجها بيفحص معدل استهلاك الوقود بتعها كام وكمية العادم الخارج وهكذا ...

**YoussefMostafa** · 26-09-2010 03:06 PM

المشاركة الأصلية كتبت بواسطة vsaga

ربنا يبارك فيك بس اسف انا مش فاهم يعنى ايه بيجيب 90 على 3000 لفة؟

انا اقصد لما حضرتك تكون ماشي علي 90 الrpm بيكون علي 3

زي ما دكتور اسلام وضح

**vsaga** · 26-09-2010 03:26 PM

انا معاك يا sayed911 فى الكلام ده وياريت فعلا نلاقى حل لموضوع البنزين ده لانه بقى مكلف جدا وخصوصا فى بلد زى بلدنا بس المشكله هما بيقعدوا يلعبوا بالكلام فى التوكيل وتلاقيه يتوهك بكلام ميكانيكى بقى وكلام فى العربيات بحت انت مش فاهم فيه ويقعد يقولك لازم تقيس استهلاك البنزين على سرعات معينة ومش عارف ايه وبالنسبة لتغير حاجة فى العربية
انا كانت عندى لمبة الصالون اتحرقت لوحدها قولتلهم راح قالى نغيرها وسعرها 13 جنيه قولتله ازاى مش دى حاجة تبع الضمان قالى لا دى من ضمن القطع المستهلكة هو عامتا الصراحة عيب فى البلد عامتا وفى سفاحين التوكيلات اللى ماسكين توكيلات العربيات فى مصر

**Dr.Islam** · 26-09-2010 03:39 PM

المشاركة الأصلية كتبت بواسطة YoussefMostafa

انا اقصد لما حضرتك تكون ماشي علي 90 الrpm بيكون علي 3

زي ما دكتور اسلام وضح

معلش يمكن الأستاذ vsaga مش واخد بالو من التعليق.
هرد علي حضرتك- بعد اذنك- عندي في الأوتو بتجيب 100 على rpm 3 و معرفش ليه! في الفليشيا كان 120 على rpm 3 وفي السيراتو زي الفليشيا.
كل عربية و تصميمها.

**YoussefMostafa** · 26-09-2010 05:00 PM

المشاركة الأصلية كتبت بواسطة dr.islam

معلش يمكن الأستاذ vsaga مش واخد بالو من التعليق.
هرد علي حضرتك- بعد اذنك- عندي في الأوتو بتجيب 100 على rpm 3 و معرفش ليه! في الفليشيا كان 120 على rpm 3 وفي السيراتو زي الفليشيا.
كل عربية و تصميمها.

شكرا لاهتمامك يا باشا

طبعا بتختلف من عربية لتانية لان كل فتيس ليه نسب تخفيض معينة

انا بكلم ان الساجا المانيوال بتجيب مثلا ال 120 علي 4000 لفة وده ممكن يكون سبب ف استهلاكها الزيادة

الموضوع: مين قال ان السرعه القصوى للساجا 175 ؟؟؟ ادخل وشوف

LinkBack

أدوات الموضوع

عرض

-

-

-

-

-

المواضيع المتشابهه

السرعه القصوى كام ؟

السرعه القصوى 160

السرعه القصوى للكليو

السرعه القصوى للبومة

السرعه القصوى للصني

الكلمات الدلالية لهذا الموضوع

المفضلات

المفضلات

ضوابط المشاركة