مقابلة الدايو الجمعه 15 اكتوبر بمول سبير كار

**hon** · 26-09-2010 04:39 PM

السلام عليكم ورحمه الله وبركاته
أزى الاخوة الافاضل فى المنتدى انا ملاحظ ان فى هدووء نسبى شوية وبالذات بين كبار الدايو
ا/محمد ممدوح و م / سمير عياد و ا/عصام غنايم و ا/محمد الشامى وغيرهم من الاعضاء الكرام
فبقترح يا جماعة نعمل مقابلة تكون تهدئة للنفوس وازالة لأى شىء حصل بين الاعضاء وكمان لتفعيل منتدى الدايو شوية الى كان أنشط قسم قبل قسم الكيا دلوقتى من ساعة السيراتو منزلت
وعشان انا من الشرقية تبرعا منى كل عضو حيحضر لية فطيرة مشلتتة بلدى من الى قلبك يحبو
ياريت اسمع رأى حضارتكم لكم منى كل تحية وتقدير

**محمد الشامي** · 26-09-2010 07:37 PM

وعليكم السلام ورحمه الله وبركاته يا استاذ هاني :-)

اولا مشكور جدا على شعورك الطيب والجميل في تنسيق مقابله وانا شخصيا نفسي في مقابله من مقابلات المنتدى عشان اشوف الناس المحترمين والحلويين اللي الواحد للاسف مشافهومش لغايه دلوقتي , وطبعا مش هذكر اسماء لان الاعضاء المحترمين كتير جدا ما شاء الله واكيد معروفين للجميع :-) بس ياريت لو نخلي المقابله دي بعيده شويه لانك عارف اني لسا قايم من خطوبه (قدر الله وما شاء فعل ) وطبعا العين عليا دلوقتي وخروجات وعزومات والذي منه :-) , لكن بشكل عام المقابله دي لما تتم بإذن الله وانا مش معاكم يبقا تتعوض , والايام جايه كتير بأمر الله

وبالنسبه لتهدئه النفوس دي فأنا بمنتهى الامانه شايف الاعضاء كلهم بيحترموا بعض وبيحبوا بعض لله في لله , ولو احيانا بيحصل غير كده فـ دي بتكون حالات شاذه لا تستحق الذكر يعني:-) لكن في النهايه دايما كلنا بنقول ربنا يديم بيننا المعروف

وتقبل تحياتي يا استاذ هاني :-)

**hon** · 26-09-2010 08:49 PM

وعليكم السلام ورحمه الله وبركاته
محمد بك الشامى انا أتشرفت جدا بمعرفة حضرتك وفرحتلك جدا والله على الخطوبة ربنا يبارك ليك وعليك يارب والله فكرتنى بأيام الخطوبة الجميلة قبل ما اتدبس قصدى اتجوز
وبجد احنا منستغناش عنك فى مقبلاتنا ابدا وبجد انا سعيد لانك مش زعلان من حد ولا شايل منه وفعلا الكبير كبير تقبل مرورى وتحياتى

**محمد الشامي** · 26-09-2010 08:57 PM

يا باشا الشرف ليا انا والله :-) وربنا يديم المعروف

واحلى حاجه اني فكرتك بالايام الجميله :-) يارب يكتر من ايامنا وذكرياتنا الجميله

تحياتي واحترامي ليك يا استاذ هاني :-)

**احمد ابراهيم** · 26-09-2010 11:49 PM

السلام عليكم تحية للاخ صاحب الموضوع

يا باشا انا معاك قلبا و قالبا حدد المكان و الزمان و انا اول واحد ان شاء الله احضر زى المرة اللى فاتت عشان افوز بالفطيرة المشلتتة

اما بلنسبة ل ا/ محمد الشامى فاحب انى اقوله حاجة (( يا باشا انت من الاخر ان شاء الله جاى يعنى جاى ... عشان من احد الاهداف الرئيسية ليا فى المقابلة الجاية انى اتعرف عليك لانك شخص محترم )) .... غير مستعد للنقاش يا باشا ..

اوعى تزعل انا بهزر معاك بس بجد هتنورنا لو حضرت و نفسى فعلا اتعرف على شخص جديد محترم زى ما حصل المرة اللى فاتت و اتعرفت على ناس اكتر من روعة و بصراحة يعجز الكلام عن الثناء عليهم

**محمد الشامي** · 26-09-2010 11:59 PM

المشاركة الأصلية كتبت بواسطة namla

اما بلنسبة ل ا/ محمد الشامى فاحب انى اقوله حاجة (( يا باشا انت من الاخر ان شاء الله جاى يعنى جاى ... عشان من احد الاهداف الرئيسية ليا فى المقابلة الجاية انى اتعرف عليك لانك شخص محترم )) .... غير مستعد للنقاش يا باشا ..
اوعى تزعل انا بهزر معاك بس بجد هتنورنا لو حضرت و نفسى فعلا اتعرف على شخص جديد محترم زى ما حصل المرة اللى فاتت و اتعرفت على ناس اكتر من روعة و بصراحة يعجز الكلام عن الثناء عليهم

يا باشا ربنا يسهل والله ولو انا كنت هدف ليك في المقابله دي فإنتو كلكم اهداف ليا بأمر الله

لاني فعلا هتشرف جدا بالتعرف عليكم لانكم ناس محترمه وجدعااااااااااااااااان

ظبطوا انتو بس وخلوني انا للاخر :-) وبإذن الله كله خير

وبشكرك ياصديقي على اهتمامك وعلى مكالمتك الجميله امبارح :-)

**tarek_2005** · 27-09-2010 12:57 AM

خايف اقولك حدد المكان والزمان
لحسن يحصلي الي حصل في مقابلة رمضان قبل المقابلة اتوقفت عضويتي لخطاء مني ولم استطع معرفة المكان والزمان الا في وقت متاخر كانت المقابلة فاتت من بدري

ولكن نفسي اتعرف بكل شباب المنتدي لدرجة لما بشوف حد حاطط استيكر المنتدي ممكن اجري وراه لحد ما اتعرف عليه

**hon** · 27-09-2010 07:38 AM

المشاركة الأصلية كتبت بواسطة محمد الشامي

يا باشا ربنا يسهل والله ولو انا كنت هدف ليك في المقابله دي فإنتو كلكم اهداف ليا بأمر الله

لاني فعلا هتشرف جدا بالتعرف عليكم لانكم ناس محترمه وجدعااااااااااااااااان

ظبطوا انتو بس وخلوني انا للاخر :-) وبإذن الله كله خير

وبشكرك ياصديقي على اهتمامك وعلى مكالمتك الجميله امبارح :-)
دايما منورنا يا محمد بك

المشاركة الأصلية كتبت بواسطة tarek_2005

خايف اقولك حدد المكان والزمان
لحسن يحصلي الي حصل في مقابلة رمضان قبل المقابلة اتوقفت عضويتي لخطاء مني ولم استطع معرفة المكان والزمان الا في وقت متاخر كانت المقابلة فاتت من بدري

ولكن نفسي اتعرف بكل شباب المنتدي لدرجة لما بشوف حد حاطط استيكر المنتدي ممكن اجري وراه لحد ما اتعرف عليه

لا أبدا يا طارق باشا يشرفنى أقابل حضرك وفى كذا مكان فى دماغى بس كلة على حسب العدد ان شاء الله بس لازم يكون كمان محترم يليق بالدايووية

المشاركة الأصلية كتبت بواسطة محمد الشامي

يا باشا الشرف ليا انا والله :-) وربنا يديم المعروف

واحلى حاجه اني فكرتك بالايام الجميله :-) يارب يكتر من ايامنا وذكرياتنا الجميله

تحياتي واحترامي ليك يا استاذ هاني :-)

ليت الشباب يعود يوما

المشاركة الأصلية كتبت بواسطة namla

السلام عليكم تحية للاخ صاحب الموضوع

يا باشا انا معاك قلبا و قالبا حدد المكان و الزمان و انا اول واحد ان شاء الله احضر زى المرة اللى فاتت عشان افوز بالفطيرة المشلتتة

اما بلنسبة ل ا/ محمد الشامى فاحب انى اقوله حاجة (( يا باشا انت من الاخر ان شاء الله جاى يعنى جاى ... عشان من احد الاهداف الرئيسية ليا فى المقابلة الجاية انى اتعرف عليك لانك شخص محترم )) .... غير مستعد للنقاش يا باشا ..

اوعى تزعل انا بهزر معاك بس بجد هتنورنا لو حضرت و نفسى فعلا اتعرف على شخص جديد محترم زى ما حصل المرة اللى فاتت و اتعرفت على ناس اكتر من روعة و بصراحة يعجز الكلام عن الثناء عليهم

تنور يا namla باشا ولو على الفطيرة من عنيا الجوز بس انتا تعالى وملكش دعوة

المشاركة الأصلية كتبت بواسطة karimfahmy99

انا مستعد اجى بس مش عشان الفطيرة عشان انت راجل جنتل و محترم و ملحقناش نتكلم المرة اللى فاتت . عموما اعمل حسابك فى فطيرتين مش فطيرة واحدة .. انت نسيت انك عليك واحدة من المرة اللى فاتت ؟؟؟؟؟؟

بطل بقة انا مبنساش يا حبيبى و اية كمان الفطيرة اللى فاتت عليها فوايد تلاقيها دلوقت عملت نص فطيرة فوايد و نص فطيرة غرامة نسيان المرة اللى فاتت يبقى الاجمالى 3 فطاير مشلتتييييييييين .. كدة يا مش جاى يفتح الله

هههههههه واخدت عليهم كمان فوايد ياكريم باشا والله انا فكرت فى المقابلة دى عشان اتعرف على حضرن اكتر لأنك راجل محترم وعنينا ياباشا بس الفوايد حرام خليهم فطرتيين بس

**karimfahmy99** · 27-09-2010 07:49 AM

المشاركة الأصلية كتبت بواسطة hon

هههههههه واخدت عليهم كمان فوايد ياكريم باشا والله انا فكرت فى المقابلة دى عشان اتعرف على حضرتك اكتر لأنك راجل محترم وعنينا ياباشا بس الفوايد حرام خليهم فطرتيين بس

تسلم يا باشا دا من زوقك بس

المهم كمان بتفاصل .

يلله خلليها علينا رأفتة بحالك . عملنا لجنة تظلمات و نزلنا العدد الى فطيرتين و على العازم تنفيذ الحكم

الموضوع: مقابلة الدايو الجمعه 15 اكتوبر بمول سبير كار

LinkBack

أدوات الموضوع

عرض

-

-

-

-

المواضيع المتشابهه

مقابلة منتدي نايل موتورز العامة يا اصدقائي النيسانيين ..... الجمعه 16-11 ان شاء الله

مقابلة شهر اكتوبر

لو حد يعرف ورشة لصيانة الدايو في 6 اكتوبر

هوه سبير كار شغال يوم الجمعه ؟؟؟؟

مين من اللانوسية رايح مقابلة الربوة يوم الجمعه القادم

الكلمات الدلالية لهذا الموضوع

المفضلات

المفضلات

ضوابط المشاركة