هل هذه القراءة لل Rpm مظبوطة عند بدايه التشغيل؟؟؟؟؟؟؟؟؟؟؟

**johnyweb** · 20-03-2008 11:31 PM

اخواني الانسراويه انا لسه جايب العربيه جديد ملاحظ حبة حاجات في العربيه
مثلا زي قرايه Rpm عند بدايه التشغيل بيكون اعلي من 1و نص تقريبا
هل ده طبيعي العربيه لسة عامله 50 كيلو

وكمان النهارده لاحظت ان الشكمان بينقط ميه سخنة خبرتي قليله في العربيات لكن كويسه في حاجات تانية :-)

الصورة في المرفقات صورتها من التابلوه

كمان التكيف ينفع اشغلوا ولا ايه بالظبط انا مش عايز اكرر المواضيع يسلام لو في موضوع متثبت للي جايب العربيه ارشادات ونصايح
وسلام عليكوا

**modux** · 21-03-2008 12:07 AM

اولا انا مش لانسراوي

بس بص يا سيدي
الار بي ام علي 1و نص عشان بتسخن و بعد كده لما تتضبط بتيقي علي 800 -900 كده

موضوع تنقيط الميه اللي بتنزل من الشكمان دي حاجة طبيعية جدا و دليل علي ضبط الموتور

و الف مبروووك و لو انها جت متاخرة شوية

**johnyweb** · 21-03-2008 12:14 AM

الله يبارك فيك يامحمود وكل سنة وانت طيب مقولتليش اشغل تكيف ولا ايه

**theking2690** · 21-03-2008 12:16 AM

بص يا سيدى هو الار بى ام بيكون عالى علشان الشفاط بيكون شغال علشان العربيه تسخن و بعد كده هتنزل بس مش هتكون اقل من 750 و مبروك على العربيه

**معاذ الشرباصى** · 21-03-2008 12:20 AM

بلاش تشغل التكييف فى 1000 كم الالى بتوع التليين

**Moh.Fahmy** · 21-03-2008 04:03 AM

الف الف مبروك يا باشا و اللانسر عربية ممتازة
بالنسبة للتكييف اختلفت فيه الاقاويل و الروايات فناس تقولك ما تشغلوش في الالف الاولي و ناس تقول مافيش اي مشكلة من تشغيل التكييف
التوكيل بيقول ايه يا سيدي....في التوكيل بيقولوا مافيش علاقة بين تشغيل التكييف في الالف الاولي و في التليين يعني تشغل التكييف عادي يعني لكن امتي اشغل التكييف هو ده السؤال...اشغل التكييف بعد اول دورة تبريد ..يعني ايه يعني مجرد ما عداد الحرارة عندك يوصل لمعدله الطبيعي تشغل التكييف و تدريجيا يعني الاول علي 1 و بعدين بشوية لو احتاجت تعلي عليه

محمد فهمي

**محمد عز** · 21-03-2008 01:14 PM

توكيل بيقول ايه يا سيدي....في التوكيل بيقولوا مافيش علاقة بين تشغيل التكييف في الالف الاولي و في التليين يعني تشغل التكييف عادي يعني لكن امتي اشغل التكييف هو ده السؤال...اشغل التكييف بعد اول دورة تبريد ..يعني ايه يعني مجرد ما عداد الحرارة عندك يوصل لمعدله الطبيعي تشغل التكييف و تدريجيا يعني الاول علي 1 و بعدين بشوية لو احتاجت تعلي عليه

+111111111

**johnyweb** · 22-03-2008 01:36 PM

الف شكرا ياشباب

الموضوع: هل هذه القراءة لل Rpm مظبوطة عند بدايه التشغيل؟؟؟؟؟؟؟؟؟؟؟

LinkBack

أدوات الموضوع

عرض

هل هذه القراءة لل Rpm مظبوطة عند بدايه التشغيل؟؟؟؟؟؟؟؟؟؟؟ - انشر الموضوع فى :

-

-

-

-

-

المواضيع المتشابهه

العربية مش مظبوطة بعد صيانة ال 80 الف!!

الفرامل مش مظبوطة

فرامل مش مظبوطة

السرعات علي العداد مش مظبوطة ولا مع الـ Rpm !!!!؟؟؟

الكلمات الدلالية لهذا الموضوع

المفضلات

المفضلات

ضوابط المشاركة