الموضوع: لادا 2006 ولا شاهين 99 او2000

المشاركة الأصلية كتبت بواسطة ma7moud2sam

شاهين وتوكل على الله

شكرا على ردك يا باشا

المشاركة الأصلية كتبت بواسطة ahmed1981

نكمل

أكيد طبعاً الشاهين فئة أعلى من اللادا بمراحل من نواحي:
* فخامة الصالون
* إتزان السيارة
* نعومة ودقة الدركسيون
* تفوق العفشة
* نعومة الموتور وقوته

بمعنى لو بنفكر مقارنة بين شاهين 2006 أو لادا 2006 مثلاً
يبقى الشاهين بلا جدال أو نقاش

لكن المشكلة إن الفرق بينهم كبير حوالي ستة أو سبع سنوات
مش فرق صغير

لو اللادا 2006 بحالة الزيرو فعلاً يبقى تكسب
وأنا لا أتخيل وجود شاهين 2000 تكون حالتها أنضف من لادا 2006
لو حصل يبقى متسيبش الشاهين وإنسى اللادا

لكن في الظروف الطبيعية أكيد الموديل الأحدث والأقرب للزيرو هو الأكثر راحة من حيث الأعطال والصيانة
ونشتري راحتنا ولو بالتنازل عن بعض الفخامة والنعومة وقوة الأداء مقابل راحة البال


وعلى فكرة
ال 30000 جنيه ممكن يجيبوا سيارات أخرى كوري وياباني وألماني
لكن لن تكون موديلات حديثة
أضف على ذلك بلاوي قطع الغيار والأعطال والصيانة

وبهذا السعر لن تجد أحدث من اللادا 2107

رد وافي وشامل فعلا ومش عارفين نشكر حضرتك ازاي على ردك

كده كل الناس مبتحبش اللادا لكن علشان احدث فيمكن تكون احسن من شاهين قديمة
كده انا مش قدامي غير حلين
يا اما اتكل على الله واجيب اللادا واجرب الكلام بنفسي عمليا لمدده سنة او سنتين بالكتير واهي هتبقى عربية برضة وهتقضي الغرض وتستحمل غشم واحد اول مرة يسوق
يا اما اضغط على نفسي شوية في الفلوس وازود حوالي 7 او 8 الاف جنيه واجيب شاهين احدث شوية

لاني شفت اللادا امبارح وعجبني شكلها الصراحة - هي اه مرشوشة من بره لكن رش نضافة والصالون حلو وواسع والتابلوة معقول والموتور شكلة نضيف وصوتة مش عالي اوي وخلصت على 28.5
وقدامي واحده تانية شاهين 2004 ماشية حوالي 85000 كيلو وبرضة رشة من برة بس دي لسة مشفتهاش وصاحبها عايز 37000

انا مش عارف اية الحيرة اللي انا فيها دي

المشاركة الأصلية كتبت بواسطة eng_ahmed_90

ا

و يا رب اكون عرفت افيدك

اكيد طبعا حضرتك افدتني كتير
متشكر جدا