لادا 2006 ولا شاهين 99 او2000

**aomran** · 27-09-2010 09:12 AM

السلام عليكم يا شباب
بقالي حوالي شهر عايز اجيب عربية في حدود 30-33 ومحتار ما بين اللادا والشاهين
على اساس انهم انشف عربيتين لاني اول مرة اسوق والمنطقة بتاعتنا لسة جديدة والطرق مش ممهده
اللادا في حدود المبلغ ده تبقى موديل 2006 وبلاقي حاجات عدادها اقل من 50000 كيلو
الشاهين موديل 98 99 او ممكن 2000 واكيد عدادها على اقل تقدير 100000 كيلو
بفرض ان الاتنين حالتهم كويسة وفبريكة من جوه
عايز رايكم ايهما افضل مع العلم اني همشي بيها ان شاء الله كل يوم في حدود 70 كيلو من مايو لشغلي في مدينة نصر لمدة 6 ايان في الاسبوع واحتمال مرة في السنة لمطروح
افيدوني بالله عليكم
وجزاكم الله خيرا

**tito_1980** · 27-09-2010 10:43 AM

الشاهين انعم عن اللادا و شكلها احدث شويه

**aomran** · 27-09-2010 10:57 AM

المشاركة الأصلية كتبت بواسطة eng_ahmed_90

الشاهين انعم عن اللادا و شكلها احدث شويه

متشكر جدا على ردك السريع
لكن انا محتاج راي فني اكتر منه راي في الشكل
يعني انا اسمع ان عفشة اللادا مش كويسة والشاهين العفشة احسن منها ومش عارف لية او اية الفرق بين العفشتين وهكذا
عايز اراء حضراتكم في الفنيات دي
جزاكم الله خيرا

**tito_1980** · 27-09-2010 11:01 AM

المشاركة الأصلية كتبت بواسطة aomran

متشكر جدا على ردك السريع
لكن انا محتاج راي فني اكتر منه راي في الشكل
يعني انا اسمع ان عفشة اللادا مش كويسة والشاهين العفشة احسن منها ومش عارف لية او اية الفرق بين العفشتين وهكذا
عايز اراء حضراتكم في الفنيات دي
جزاكم الله خيرا

عفشه اللادا مش كويسه خالص
بيض المقصات بيملص من مكانه
و العربيه مش هتتحرك متر من مكانها
فلابد من تشحيم البيض كل فتره
ده غير صوت الموتور عالي و خشن
بدون اي اسباب واضحه

الشاهين مفيش اي عيوب بالنسبه للعفشه
بس لو هتجيب شاهين متجبش التقفيل المصري

**aomran** · 27-09-2010 12:43 PM

المشاركة الأصلية كتبت بواسطة eng_ahmed_90

عفشه اللادا مش كويسه خالص
بيض المقصات بيملص من مكانه
و العربيه مش هتتحرك متر من مكانها
فلابد من تشحيم البيض كل فتره
ده غير صوت الموتور عالي و خشن
بدون اي اسباب واضحه

الشاهين مفيش اي عيوب بالنسبه للعفشه
بس لو هتجيب شاهين متجبش التقفيل المصري

شكرا ياباشا على ردك
انت الوحيد اللي معبرني في المنتدي
اخر شاهين تقفيل تركي موديل 98 يعني اقدم نسبيا
تفتكر من وجهة نظرك اني لو جبت لادا 2006 يعني بعد الشاهين 98 ب 8 سنين وما مشتيتش غير كتيرة 30000 كيلو
مش كده تبقى اللادا في الظروف دي افضل من الشاهين
وهل مشكلة بيض المقصات دي بس هي اكبر مشكلة ؟ يعني محتاج يتشحم كل كام الف مثلا؟ وهل في مشاكل تانية مقلقة زي بيض المقصات؟
معلش
انا خبرتي قليلة في العربيات واول مرة اسوق زي ما قلت لحضرتك

**tito_1980** · 27-09-2010 03:30 PM

مش كده تبقى اللادا في الظروف دي افضل من الشاهين

المهم حاله العربيه ممكن عربيه موديل 98 و صاحبها محافظ عليها و عربيه 2006 و صاحبها مهمل فيها ؟ فمين الافضل اللي بيحكمنا في المستعمل الحاله

هل مشكلة بيض المقصات دي بس هي اكبر مشكلة ؟

اه تقريبا اكبر مشكله

محتاج يتشحم كل كام الف مثلا؟

يعني مثلا شحمه مع كل غيار فلتر الزيت مثلا

وهل في مشاكل تانية مقلقة زي بيض المقصات؟

معتقدش

و يا رب اكون عرفت افيدك

**moudy88** · 27-09-2010 06:41 PM

الشاهين احسن وانعم من اللادا ..وقطع غيارها منتشره في كل حته والميكانيكيه حفظوها ..ومفيهاش عيوب مشهوره ..غير الكارونه ودي اهم حاجه تكشف عليها في الشاهين ..والشاهين فيها ميزه عن اللادا انها مبتسخنش ..ده غير ان اللادا عربية اعطال وعمرك ماتظبطها ابدا ..

واللي احسن منهم الهيونداي اكسل ونقريبا في نفس حدود السعر ..وممكن تجيبها 1500 وتبقى جميع الكماليات

**ahmed1981** · 27-09-2010 06:46 PM

أحب أنا الأسئلة الصعبة

لادا 2107 مو 2006 ولا شاهين موديل 2000

قبل أن أرد أنا لدي شاهين 2008
وأنا من أشد كارهي اللادا

لكن في حالة حضرتك يبقى اللادا أفضل بدون تفكير

هحاول أكمل بعد المغرب

**mohamedkandel** · 27-09-2010 10:53 PM

انا ركبت الشاهين واللادا وكان عندي شاهين لمدة سنتين وسوقت اللادا فتره لو انت بتفكر فى الاتنين دول بس يبقي نصيحة متفكرش في اللادا نهائي هتكرهك في العربيات الشاهين احسن منها وانعم حتي لو موديل اقدم المهم حالة العربية لازم تكشف عليها كويس بس لو بتتكلم في رنج من 30 ال33 الف انا ارشحلك عربية تانيه خالص انا ركبتها بس احسن منهم ( سكودا كومبي ) او (سكودا فليشيا) عربية جامدة جدا وعالية تستحمل البهدله عن تجربة اقرب الناس ليا لمدة 13 سنه عربية حديد

**ahmed1981** · 28-09-2010 07:45 AM

المشاركة الأصلية كتبت بواسطة ahmed1981

أحب أنا الأسئلة الصعبة

لادا 2107 مو 2006 ولا شاهين موديل 2000

قبل أن أرد أنا لدي شاهين 2008
وأنا من أشد كارهي اللادا

لكن في حالة حضرتك يبقى اللادا أفضل بدون تفكير

هحاول أكمل بعد المغرب

نكمل

أكيد طبعاً الشاهين فئة أعلى من اللادا بمراحل من نواحي:
* فخامة الصالون
* إتزان السيارة
* نعومة ودقة الدركسيون
* تفوق العفشة
* نعومة الموتور وقوته

بمعنى لو بنفكر مقارنة بين شاهين 2006 أو لادا 2006 مثلاً
يبقى الشاهين بلا جدال أو نقاش

لكن المشكلة إن الفرق بينهم كبير حوالي ستة أو سبع سنوات
مش فرق صغير

لو اللادا 2006 بحالة الزيرو فعلاً يبقى تكسب
وأنا لا أتخيل وجود شاهين 2000 تكون حالتها أنضف من لادا 2006
لو حصل يبقى متسيبش الشاهين وإنسى اللادا

لكن في الظروف الطبيعية أكيد الموديل الأحدث والأقرب للزيرو هو الأكثر راحة من حيث الأعطال والصيانة
ونشتري راحتنا ولو بالتنازل عن بعض الفخامة والنعومة وقوة الأداء مقابل راحة البال

وعلى فكرة
ال 30000 جنيه ممكن يجيبوا سيارات أخرى كوري وياباني وألماني
لكن لن تكون موديلات حديثة
أضف على ذلك بلاوي قطع الغيار والأعطال والصيانة

وبهذا السعر لن تجد أحدث من اللادا 2107

الموضوع: لادا 2006 ولا شاهين 99 او2000

LinkBack

أدوات الموضوع

عرض

لادا 2006 ولا شاهين 99 او2000 - انشر الموضوع فى :

-

-

-

-

المواضيع المتشابهه

معايا 35 ألف أجيب شاهين ولا لادا

لادا-شاهين-سويفت-اكسيل-فيليشيا-ستارليت

اشتري لادا 2107 و لا شاهين ؟

لادا او شاهين

لادا - شاهين - اكسيل

الكلمات الدلالية لهذا الموضوع

المفضلات

المفضلات

ضوابط المشاركة