اقصى سرعة

**Mido80** · 15-06-2008 08:41 AM

180 كم بسيارة نيسان تيدا 1600 سي سي بس للاسف اليوم دة كان فية عواصف وكان صاحبي ماشي ادامي بسيارة كامري 2006. المهم هو ظهرت امامة قطعة كاوتش من عجل سيارة اخري فمعرفش يتفاداها وداس عليها المهم انها طارت من عندة ولبست في بوز عربيتي وكانت الكارثة الكبري.
الاكسدام الامامي اتخلع والرفرف الشمال انتني شوية.....كرهت السيارة بسبب الموضوع دة

**vw3** · 15-06-2008 08:45 PM

المشاركة الأصلية كتبت بواسطة FLYINGPEUGEOT

كوبرى 26 يوليو؟؟؟؟!!!
و 3 الظهر؟؟؟؟؟؟؟؟؟؟؟؟؟؟؟؟؟؟؟؟ ؟؟؟!!!!!!!!
و160 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟!!!!!! !!!!!!!!!!!!!!

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

و الله قول يا شغلك مش يا قلبك :)
انا كنت عايز ألحق شركة في وسط البلد قبل ما تقفل :)

**samehafez** · 15-06-2008 10:17 PM

175 كم/س علي الدائري شيفرولية افيو 2007 بس كنت بجرب عشان كان اقصي سرعة جبتها بيها قبل كدة كان 160 كم/س و ناس كتير قالوا انها ممكن تجيب اكتر بصراحة مكنشي فيه اي اختبار للثبات عشان الطريق كان فاضي ده في مصر
210 كم/س علي طريق الرياض القصيم بعربية هوندا سيفيك 2002 بس كنت مقهور عشان كان فيه واد سعودي بعربية كامري كل ما اجي وراه يوسع و يزود سرعته و معرفشي اعديه ...بس بعد كده عرفت حجمي و ضربتله الانتظار و مشيت وراه

عادة انا بمشي بسرعة معقولة يعني زيادة شوية عن المفروض بس مش بتهور

**soundoffear** · 16-06-2008 10:37 AM

انت 170 بالكيا برايد زمان من كام سنة
علي مصر اسكندرية الصحراوي
وطريق السخنة الجديد

**adham_krara18** · 17-06-2008 03:59 AM

انا اقصي سرعة مشيت بيها كانت 140 و ده اخر الامبير عندي لأن عربيتي بونتياك فينكس 2500 سي سي موديل 1980

**TOLDO** · 17-06-2008 05:40 AM

ياهه لازم تفكرونا بالجرح الي بحاول انساه من زمان

انا جبت 175 على طريق العين السخنة الجديد طريق تحفة بس خداع في طلعات و نزلات فالطريق فجائية غبية

المهم انا كنت مكتأب يومها علشان المفروض اني كنت اقفل العداد (200) لاني مصقط متور 1800 زفت cc بس إن شاء الله في شوية تظبيطات فالمتور لان الاحتراق عندي شكو تعبان و هبقى اوافيكم بالمعلومات

بيجو 405 موديل 94

**MaaG** · 17-06-2008 09:14 AM

أقصى سرعة جبتها بعربيتي ( لانسر 1300 مو 2003 أوتوماتك) 180 كم على الصحراوي ، و الثبات في المنحنيات كان معقول جدا
و بالجولف 1800 220 على الساحلي و الثبات كان كويس جدا
و أقصى سرعة جبتها في حياتي كانت في الامارات 245 كم بمرسيدس 280sel و الثبات كان هايل جدا جدا

لاكن يا جماعة أنا ركبت مع واحد صحبي إمراتي معاه لومينا سوبر شارجد و كانت متسيطة جدا في خور فكان ، جاب بيها و أنا جمبه 355 و بيحلف إنه جاب بيها 360 و كنت بموت و العربية بتترجرج جدا ، بس ثابته في الطريق المستقيم و المنحنيات الغير خطرة ( المنحنيات هناك تصميمها غير هنا خالص ) .

**wael_adel31** · 17-06-2008 11:02 AM

أقصى سرعة جبتها فى مصر كانت 200 بعربيتى الأوبترا وكنت بجرى مع مرسيدس e class طبعا هوا اللى مرديش يزود عشان كده عديت منو وكان على الوصلة بتاعت مصر اسكندرية والساحل (ا لعلمين).
انما أقصى سرعة فى حياتى كانت سنة 2004 بعربية مازدا 6 2004 فى الامارات على طريق أبو ظبى - دبى والعربية دى هناك 2500cc ويومها كنت بشد مع bmw 525 ووقفت يومها على دواسة البنزين وقفلت العداد 140 ميل وكنت سابقو بس بردو فرق عنى متهيألى عدادو 150 ميل وكمان مكنتش ماسك الدركسيون كنت بس مأمن عليه والطريق ده فى منحنيات والله العربية كانت بتلف فى المنحنيات لوحدها ,زمكنتش حاسس بأى سرعة خالص.
mile = 1.609344 kilometer
يعنى 140 ميل = 225.30