الموضوع: اقصى سرعة

المشاركة الأصلية كتبت بواسطة Abdallah

المشاركة الأصلية كتبت بواسطة ابو سيف

اقصى سرعه كانت 185 بعربيه لانسر موديل 98 على طريق القاهرة بلبيس الصحراوي و كنا خمس افراد في العربيه و فردة الكاوتش الامامي فرقعت و العربيه اتقلبت و مبقيتش عربيه خالص لكن من ستر ربنا وحده انه محدش من اللى جوا العربيه حصله حاجة سوى شويه كدمات خفيفه و جيبت بعدها 180 على طريق العين السخنه الجديدة بعربيه سبيرو 94 و كان فيها تلات اشخاص و شنط في العربيه و كانوا العربيتين ثابتين بصراحه لكن ثبات الاسبيرو كان يفوق ثبات اللانسر لا سيما اني كنت مركبلها جنوط و كاوتشات عريضه

ايه دة يا ابو سيف هوا انت مكنتش حرمت ؟؟؟؟؟؟

الحقيقه من يوميها و انا بمشي بالراحه خالص و مش بتعدى السرعات القصوى المقررة من الدوله ماعدا يوم العين السخنه دة و في مرات تانيه نادرة و قليله جدا جدا بس مبزودش فيها عن 120 مثلا او 130 و مش بيكون لفترة طويله

لى حكايتين مع اقصى سرعة

أقصى سرعة جبتها فى حياتى كانت 180 بسيارة هوندا سيفيك كانت بتاعة الشركة اللى انا كنت بشتغل فيها، جبتها مرة على طريق العين السخنة القديم ومرة على طريق اسكندرية الصحراوى، بس الكلام ده كان من 9 سنوات بالضبط لما كنت ضغير وقلبى جامد، بس حتى فى هذا الوقت كنت خايف جدا ويادوبك وصلت لل180 رحت شايل رجلى

أما اقصى سرعة جبتها بعربية بتاعتى فكانت 160 كيلومتر فى الساعة ، وبعربية..........فيات................12 8.........موديل 1974 ، وعلى فكرة السرعة مكانتش من قراية عداد عربيتى اللى كان فيه 20 كيلوتر زيادة لكن قراية عربية نوبيرا بتاعة واحد زميلنا كان ماشى جنبى وكنت متحدية انى اقدر اجيب 160 بال128 ، وكان معانا شاهد تالت راكب معاه وخد قرايه عداد عربيتة، برضه القصة دى كانت من خمس سنوات

أقصى سرعة 170 بسيارة أوبل فيكترا مو 1994 على طريق أسكندرية الصحراوي سنة 2000 ووصولى لهذه السرعة له أسبابه ..
والدتي كانت معى بجانبى وأخوتى الأثنين بالخلف وماشى بأمان الله على 100 كم وألاقم امى تقولى متشد حيلك شوية يا محمد وخاصة بعد مرور سيارة اوبل بجانبنا مثل البرق وانا بيني وبين نفسي انى مسمعش كلمهم وشوية عدى جنبينا ميكروباص وأمى تقولى : انا مش غايظنى غير الميكروباص اللى عدانا ده وبعد عدة محاولات منهم دوست على الدواسة وربنا ستر لأن السيارة كنت حاسس أنها طيارة وليست سيارة وكنت أحس ان شوية هوا صغيرين ستطير السيارة من على الطريق ...
وأحنا راجعين ولسه يادوب خارج من أسكندرية ولسه على 120 كم وطالع لقيت اخويا بيفكرنى بالحزام ومدت يدى لأخذ الحزام لقيته محزمنى بيه ... المهم حصل شوية لخبطة وسبت الطارة من أيدى وابعدت نظرى عن الطريق للحظات وعندما انتبهت للطريق إذ بالسيارة تحدف ناحية الشمال وخالص هنخش على الجزيرة الوسطى قلت أعدل نفسى بسرعة بس العدلة طلعت أكتر من اللازم وكنت هاخش فى عربي نقل ماشية جانبي ..المهم ربنا ستر وعدلت نفسي لغاية ماعديت النقل وركنت على جنب وانا أعصابى مش قادر أتلم عليها وعمال أفتكر منشتات الصحف عن الحوادث بأختلال السيارة في السائق وحمدت الله الذى أنقذنى وعائلتي ... الغريب أن آمى وأخوتى كانو مستغربين انا ليه بترعش ....

والمرة الثانية بسيارة بيجو 505 مو 1986 {تعديل أمريكاني هم بيقولو كدة} والصراحة العربية كانت تحفة ومشيت بيها على 160 كم على الطريق بين دمياط وورسعيد وانا حاسس انى ماشى على سرعة 100 ..