الموضوع ده بقى بصراحة مستفز جدا ...!!!

**Maged_Samy** · 27-09-2010 08:27 PM

المشاركة الأصلية كتبت بواسطة ahmed refat

احبتى فى الله بعد السلام عليكم ورحمة الله وبركاته .. طبعا كلنا فى طريقنا كل يوم بنقابل ميت حاجة بتحرق دمنا ولكن بصراحة اكثر ما بقى يستفزنى هؤلاء اللى المفروض انهم قدوة لغيرهم وانهم فرضا يعنى يكونوا اكثر التزاما وهم الضباط فتلاقى كل ضابط اليوميم دول مفيم عربيته اسود وماسح النمر او طامسها طيب تفيم وماشى مع انه استفزاز جدا لما تلاقى امين شرطة مقفك علشان ملصق صغير وقد يكون من الشركة البائعة كدعاية لها ويقولك يابيه الملصقات ممنوعة والفاميه ممنوع واللى مركبه هايروح النار واكثر ما يحرق دمى طمس النمرة طيب يعنى لو سعاته خبط واحد مين هايخد حقه ده ولا عشان ظابط يستهين بارواح وحقوقو الناس واليكم مثلا للاستفزاز والاستهانة بحقوق الاخرين واللى مش عاجبه يخبط دماغه فى الحيط
لكن هناك من يحرق دمك بس لكن فيه شوية يعنى ومحافظ على حقوق الناس زى ده كده
بس برضه ارحم من غيره ... والله احنا نفسنا نشوف بلدنا احسن بلد فى الدنيا ولن يتحقق هذا الا بالعدل بين المواطن وغيره من اصحاب السلطة .. وابقى قابلنى ... مافيش فايدة

فى تقديرى لايمكن يكون ظابط لانه لو ظابط مش محتاج يخبى النمرة لانه كده كده مش هيدفع مخالفات ده ممكن يكون واحد منحرف مش اكتر ، وعلى فكره فى دلوقتى كوسه فى النمر يعنى ممكن تلاقى س س س 1111 وحاجات كده هيدوها لعربيات الباشوات عشان يبقوا مميزين عن بقية الخلق .

**AHMED REFAT** · 28-09-2010 01:44 PM

المشاركة الأصلية كتبت بواسطة a_samy

دى فعلا بقيت حاجه مستفزه واستهتار بالبلد والنظام العام.
يعنى لما أبقى مركب ستاير كبس فى زجاج العربيه اللى ورا عشان الشمس والحر ويوقفنى ظابط صغير يطنطط عليا ويسحب رخصتى عشان الستاير مع ان العربيه مكشوفه من جوه مش زى اللى مفيمها ومحدش شايف اللى جوه يبقى ده حلال ولا حرام؟
حاجه تكسف وتحزن ولا حول ولا قوة الا بالله.

والله هو ده فعلا اللى يحرق الدم .. تحس ان البلد ما فيهاش قانون الا على الناس الضعفاء اللى مالهمش ظهر .. او الرعاع منهم اما البشوات الكبار لا قانون عليهم وانما لهم .. شوف المانيا مثلا القانون بيطبق على الوزير والغفير .. مع كل هذا الرقى والتقدم والمواطنين عندهم سواء كاسنان المشت .. ربنا يرحمنا بقى من الاستهتار ده

**AHMED REFAT** · 28-09-2010 01:46 PM

المشاركة الأصلية كتبت بواسطة maged_samy

فى تقديرى لايمكن يكون ظابط لانه لو ظابط مش محتاج يخبى النمرة لانه كده كده مش هيدفع مخالفات ده ممكن يكون واحد منحرف مش اكتر ، وعلى فكره فى دلوقتى كوسه فى النمر يعنى ممكن تلاقى س س س 1111 وحاجات كده هيدوها لعربيات الباشوات عشان يبقوا مميزين عن بقية الخلق .

والله يا اخى انا لا ارى الموضوع ينصب على المخالفات وانما على الكبر والتعالى على الاخرين لانه يعلن وبكل تحدى انه مستهتر بك وبقوانينك وبيقلك بالبلدى كده ماطرح ما تحط راسك حط رجليك وانا ما حدش يقدر عليا ... وتحدى