معقول الكلام ده ؟؟؟؟

**laser63** · 27-09-2010 06:40 PM

من يومين تعرض جار لى من مالكى اللوجان لحادث اصطدام من الخلف نتج عنه أضرار بسيطة بحمد الله ولكن كسر كالون الشنطة وبسؤال الشركة أخبروه بأن تمنه 550 ج قابله للزيادة بدون الضريبة لأنه بييجى بالطلب من بره وهناك قابل أحد مالكى اللوجان عايز يغير كوبلن أمامى وهنا المفاجأة تمنه 3800 ج أو 3300 ج المهم أنى لما سمعت الرقم ذهلت لأن الكبالن من الأجزاء المستهلكة ولازم يتغير كل فترة وبحثت بالمنتدى عن أى موضوع خاص بكبالن اللوجان فلم أجد ، هل ده كلام معقول بهذا السعر وكنت أظن ألا يتعدى تمنه 500 أو 600 ج ،وياريت الخبراء بالقسم يفيدونا الكبالن بتتغير كل كام كيلو وهل حد سأل على سعرها بره التوكيل ولا مش موجودة إلا بالتوكيل .

**bishoy02010** · 27-09-2010 06:54 PM

إيه الأرقام ديه !!!!!!!!!!!

**laser63** · 27-09-2010 08:38 PM

إيه ياجماعة مش شايف أى ردود ، الموضوع مش مهم ولا السعر ده عادى ولا إيه الموضوع ؟؟؟؟

**ahmadalsattar** · 27-09-2010 10:27 PM

غالى جدا يا دكتور طبعا .. ممكن يجيبه من بره التوكيل و يغيره
بس على فكره هوه مالوش عمرافتراضى ولكن يتوقف تلفه على اسباب كثيره لكن مش بيعطل بسهولة انا كنت اعرف انه سعر الكوبلن بتاع اللانوس 300 جنيه و الرينو الكليو ب 500 جنيه بس الكلام ده خارج التوكيل طبعا
ربنا يسترها يا دكتور و الف سلامه على صاحب التصادم و ربنا يسترها معانا جميعا