مشكلة غبية قوي .. الفوارق من الجناب

**BLOODY_STONE** · 27-09-2010 08:04 PM

السلام عليكم
انا عندي مشكلة صغيرة و يا رب الاقي حلها عندكوا
انا الحمد لله ركبت كاسيت جديد بس في فوارق في جناب فتحة الكاسيت زيادة ( الكاسيت صغير عالعربية)
هل دي ممكن تتقفل بفبرة ولا حاجة ؟ عشان شكلها غبي و ممكن الفرق ده يلم تراب .. فدي لها حل ولا لأ؟
ولو في اي حلول يا ريت تساعدوني
شكرا

**SeaShark** · 27-09-2010 08:20 PM

أولا يا ريت تبعتلنا صورة واضحة بالنهار للكاسيت انا عايز اشوف الفرق تقريبا اد ايه.
لانك ممكن تفك الكاسيت و تلف حواليه شريط لزق دابل فيس و ده بيكون تخين و هيداري المنظر جامد.
أعتقد ان الفرق مش كبير يعني ممكن 1 ملم او 2 ملم بالكتير يعني ده ممكن يتظبط بالزق الدابل فيس التخين

الكاسيت بيكون جاي معاه فريم بلاستيك هل مانفعش يركب عندك ولا ايه الاخبار.
بالليل لما بتكون منور نور التابلوه هل فيه اي حاجة حوالين الكاسيت مطلعة نور؟

بص انا حصل معايا الموضوع ده قبل كده و نور التابلوه كان باين بالليل في ناحية من الكاسيت و وديته لكذا واحد و كله بيعمل الشغلانه باهمال و هو قرفان
لأحد ما فكيت انا الكاسيت بالجزء ده من التابلوه و طلعت اخدته معايا البيت و اعدت اظبط فيه بءي لحد ما بءي كويس
يعني علي الاقل مش ملحوظ ان فيه فرق.

طبعا احسن حاجة و الشغل الصح ان الفريم الفيبر بتاع الكاسيت يركب معاه بس مش دايما بينفع يعني انا عندي برضه ما نفعش. علي حسب التابلوه عندك بءي.

دي صورة الكاسيت عندي بعد ما قفلت حواليه و خلي بالك عمري و انا سايق هقرب من الكاسيت للدرجة دي.

**ahms10** · 27-09-2010 08:37 PM

معلش انا اخويا معاة صنى ممكن تقلى طريقة فك حتة التابلوة الى بيتحط فيها الكاسيت دى ازاى ويا ريت معلش كمان لو تعرف البيبان بتتفك ازاى عشان عايز اوصل للسماعت ومش عارف ومش بحاول اجرب عشانمبوظش الفبر

**SeaShark** · 27-09-2010 09:32 PM

المشاركة الأصلية كتبت بواسطة ahms10

معلش انا اخويا معاة صنى ممكن تقلى طريقة فك حتة التابلوة الى بيتحط فيها الكاسيت دى ازاى ويا ريت معلش كمان لو تعرف البيبان بتتفك ازاى عشان عايز اوصل للسماعت ومش عارف ومش بحاول اجرب عشانمبوظش الفبر

طبعا بعد اذن صاحب الموضوع.

بالنسبة لفك الجزء بتاع الكاسيت من التابلوه تتبع الخطوات الاتيه كما هو موضح في الصورة. (انا جبت الصورة دي من علي النت بدل ما انزل اصور العربية و اطلع بس علي العموم هي هي نفس القصة بالظبط).
هنركز علي 3 أجزاء

1. الجزء رقم واحد في الصورة و ده هتشده بأيدك الاتنين (تعرف بدايته فين و تشد لورا)
2. تفتح درج التخزين اللي موجود فوق التابلوه و من جوا تشد علي بره (خلي بالك جزء التخزين مش هيتفك خالص انك هتطلعه لبره بس)
لو اي حاجة حسيت انك مش عارف تطلعها متقلقش شد جامد.
3. أهم جزء اللي احنا عايزينه لما انت فكيت الفيبر اللي تحت و الجزء اللي فوق بتاع التخزين هتلاقي اربع مسامير صليبة ظهروا تفك الاربعة و بعد كده هتلاقي الجزء بتاع الكاسيت و زراير التكييف طلع معاك بس تفك فيشة الكاسيت و كده الجزء ده بءي بره خالص.
ملاحظة : متقلقش من زراير التكييف لانها ثابتة انت اللي هيطلع معاك بس الجزء اللفيبر اللي حواليها بالكاسيت.

بالنسبة للأبواب طبعا انت عايز الابواب الامامية عشان السماعات هتعمل الخطوات الاتية:

1. بحاجة رفيعة اوي او مفك عادة رفيع تدخله ما بين الفيبرة رقم واحد و فرش الباب نفسه و تحول انك تفك حته الفيبره دي يعني هي كبس و مجرد انك تملكها هتعرف تفكها و ممكن كمان من الحتة اللي بتمسك منها الباب عشان تقفله تشدها منها.
2. فك الفيبره اللي حواليك الاكرة اللي بتفتح منها الباب برضه بمفك عادة رفيع
3. فك الفيبرة اللي حوالين زراير الزجاج و دي هتكون سهله جدا بعد ما تفك الفيبرة اللي في نقطة رقم واحد.
4. في مسمار في الجزء اللي تحت اللي انا مشاور عليه بالسهم و شوف كل المسامير اللي ظهرتلك و فكها و بعد كده تفك الفرش بالشد لانه راكب بغير المسامير بكلبسات و لازم بعد ما تفك المسامير تشده لبرة و بعد كده تطلعه لفوق هتلاقيها طلع معاك و برضه غالبا هتلاقي مسمار تاني حوالين الفرش و ظاهرلك من برة بص كويس حوالين الفرش عشان تتأكد انك فكيت كل المسامير و ماتعدش تشد في الفرش علي اساس ان فاضل الكلبسات و هو فاضل مسمار.

الصورة اهي:

**BLOODY_STONE** · 27-09-2010 09:35 PM

خلاص حبقى انزل اصور وارفع الصور
بس الفرق كبير حبتين مش عارف حينفع معاه لزق ولا لأ

**ahms10** · 27-09-2010 09:52 PM

بصراحة يا باشا مش عارف واللة اقولك اة ربنا يبارك فيك ويباركلك فى عربيك والفرش الى فى الصورة ما شاء اللة حلو جدا معمول بنظافة اوى ربنا يباركلك فية

**BLOODY_STONE** · 27-09-2010 11:47 PM

ادي الصور بتاعة الفوارق
هي من الجناب بس مش من فوق و تحت
http://i945.photobucket.com/albums/a...7092010278.jpg
http://i945.photobucket.com/albums/a...7092010277.jpg
http://i945.photobucket.com/albums/a...7092010279.jpg

**BLOODY_STONE** · 27-09-2010 11:49 PM

[QUOTE=BLOODY_STONE;3873078649]ادي الصور بتاعة الفوارق
هي من الجناب بس مش من فوق و تحت

**SeaShark** · 28-09-2010 09:18 AM

[quote=bloody_stone;3873078654]

المشاركة الأصلية كتبت بواسطة bloody_stone

ادي الصور بتاعة الفوارق
هي من الجناب بس مش من فوق و تحت

باشا ده الفرق كبير انا كنت متخيل حاجة تانية

هو انت ماخدتش بالك قبل ما تركب الكاسيت انه اصغر من الفتحة؟

بص انت ملكش غير حل واحد بس انك تروح لواحد من بتوع الفيبر المحترمين اللي في الحرفيين و تخليه يفصلك فريم فيبر من نفس خامة و لون التابلوه و هو يركبهولك انت تروح توريه المشكله بس و هو يفصل علي المقاس بس انت تأكد عليه انك عايز حاجة زي الفابريكة و شغل كويس و خليه يوريلك عينه من الفيبر اللي هيشتغل بيه.

ان شاء الله هتتحل بس انت لف و دور شوية علي واحد بتاع فيبر كويس و سمعته كويسه اوي في ناس جامدة اوي في الموضوع ده

ابءي قولي عملت ايه و ناوي علي ايه.

**tamercad** · 28-09-2010 05:04 PM

فى حاجة تانى سهلة وبتدى ننظر جميل وانا عملتها فى عربية واحد صاحبى وهى انك تشترى زيق تيكل وتقصه وتلزقة على الفواصل وده فيه اسماك وايضا اشكال وبيتباع بالمتر فى كل محلات كماليات السيارات وبه اللزق الدبل فيس -

الموضوع: مشكلة غبية قوي .. الفوارق من الجناب

LinkBack

أدوات الموضوع

عرض

مشكلة غبية قوي .. الفوارق من الجناب - انشر الموضوع فى :

-

-

-

-

المواضيع المتشابهه

حركة غبية قوي

شحاتة ... غبية جداااااااا

سعر نيكل مرايات الجناب والستايرالكبس للشباكين الخلفيين..

مرايات الكهربا فى الجناب مش شغاله

بتستخدم المرايات اللي في الجناب قد ايه ( تاني مره)

الكلمات الدلالية لهذا الموضوع

المفضلات

المفضلات

ضوابط المشاركة