الموضوع: هل الاحسن قواعد الموتور يتغيروا كلهم ام المقطوعه بس ؟

حبيب الكل الغالى استاذ كريم صاحب المقام العالى:
اشكر اعجابك باسلوبى اللغوى .. و ده سببه ان لما رجعت البيت متأخر ..
لقيت فى انتظارى طبق من اللحم المحمر..

فاجتمع انبساطى من تهذيب العربيه ..

بطاعتى فى الاوامر المنزليه ..

فعمّ الدنيا السلام و طاب اسلوب الكلام ..

دعواتك ليه بالبركه تممت كل افراحى

و زادت من بسطى و انشراحى

و كل سنه وانت حبيبنا و مجمعنا و منورنا و كل حبايبى اعضاء

منتدى الخير و البركه و السلامه

اخى العزيز استاذ عبد العزيز : ( متهيأ لى سمعتها كتير جدا دى قبل كده :( )

ان زى ما قلت ما له قلت ما عليه .. دا بالنسبه لامام الميكانيكى .. و ما لا يؤخذ كله ، لا يترك كله ..

و انا بالتمس للناس الاعذار ، هوة لسه طالع من تركيب دعامتين ف قلبه .. و نصحوه ما يبذلش مجهود 9 شهور .. فا يمكن يمكن دا السبب انه كان عاوز يقسط الشغل على كذا يوم عشان تعب .. الله اعلم

و لا انكر له عديد مواقف رجوله يطول شرحها دلوقتى ..و اذا كان غاظنى فى موقف ، ف يا ما بسطنى فى مولقف .. و طبعا الرأى الاخير لسيادتك

اجمل التهانى عشان الربيع عاد من .. تانى

و انا مبسوط ان كلامى اللى كنت حاسسه تلامه .. سبب لك فرحه و ابتسامه ..

و ان ان كتر السجع ف كلامى .. فيه امل يبقى اسمى سجعاوى ..؟

تيمنا باخونا الكبير .. سبعاوى ..

و الا انت على ايه ... ناوى ؟؟؟