الموضوع: اغيثونى ---كابوت كيا سيفيا

المشاركة الأصلية كتبت بواسطة megs661

حد عنده فكره يا جماعه كابوت الكيا سيفيا 2001 الكورى يفرق عن التايوانى ولا لأ ؟
واذا كان يفرق يستاهل الفرق فى السعر بينهم ولا لأ؟
وحد عنده فكره سعره فى حدود كام ومنين اقدر اشتريه
احسن اخوكم خبط العربيه انبارح:( بس الحمد لله الكبوت بس هو اللى حصل فيه المشاكل
على فكره انا عرفت انبارح بس قيمه الفرامل Abs لان العربيه زحفت بعد ما دوست فرامل

حمدا لله على سلامتك. لو متاح ليك الاختيار هات الكوري لأن التايواني هتلاقيه شكله مش مظبوط على العربيه.

اصلك كده كده هترش الكبوت اللي هتشتريه..
اكيد الاصلي اللي هو هيكون استيراد هيكون انضف بكتير من التايواني اللي ممكن تشتريه جديد..
توكل علي اله و اشتري واحد استيراد بس يا اما تاخد معاك سمكري كويس عشان يشوفه عشان يركب مظبوط ويبقي شكله تمام يا اما تركبه عند اللي هتشتري منه و يبقي علي عينك يا تاجر..
وربنا يوفقك..
في حاجة تانية كمان..
ان اللي هتشتريه استيراد ممكن يكون نفس لون عربيتك لو حظك كويس.. فهتبقي محتاج ترشه من برة بس او تلمعه بس..

بعد استشارة السمكرى بتاعى قال لى ان ميزة الكبوت الإستيراد هى ان لما تيجى تبيع العربية محدش يتتنى ويتفرد عليك ويقول لك دى مغيرة كبوت ، لأن الكبوت التايوانى بيتعرف من جوة، لكن فيما عدا ذلك لو سمكرى كويس ركبه بحرفنة بنظبط على العربية بشكل معقول جدا