الموضوع: أستهبال التوكيل...بس أنا مالي!!

السلام عليكم ورحمه الله وبركاته

أنا كانت عربيتى أتخبطت 3 مرات فى نفس المكان :)
وتقريبا ناس كتير شافت الخبطه فى المقبلتين الى فاتوا وعارفينها كويس
الخبطه هايفه من وجهه نظرى ولو أتعملت بره كبيرها 300 جنيه وابقى شبرقت الراجل كمان
المهم كلمت شركه التأمين وجم عاينوها وقالوا هيودوها لواحد برا كدا فى الحرفيين تبعهم مش فاكر أسمه
المهم أنى عندى واسطه فى الشركه فالراجل كلمنى قالى حاجه غريبه أوى
قالى اللون بتاعها عمره مهيجى زى الاصلى أبداً وأنه دايما الناس بتشتكى بعد مده من تغيير فى اللون
قلتله أزاى دا اللون بيجى بكود يعنى
قالى تمام بس الخامه هى الى بتفرق وهى الى بتخلى اللون يغير
المهم أنا عن نفسى مقتنعتش قلتله طيب والحل
قالى وديها التوكيل!
الراجل دا شغال فى شركه التأمين فقلت طيب هو الخسران دا هيكيش بس أنا مالى
مشكلتى الوحيده أنى عارف وموقن ان التوكيل بيأخر العربيه أوى
ودا كان أعتراضى الوحيد
لكن والدى طبعا لما عرف حكايه تغيير اللون ضرب بكلامى عرض الحائط " ودا المعتاد :)"
المهم ودناها التوكيل علشان المقايسه
والخبطه الى كبيرها 300 جنيه بقى هتتعمل بكام :)
2700 جنيه حته واحده :)
تفنيطتها أزاى بقى
850 جنيه سمكره "أنا لو رزعتها بأيدي كدا هترد"
500x2 جنيه دهان رفرف خلفى "حته متجلهاش 20cm x 20cm " وحته بردو من الاكصدام
250 جنيه أعمال فك وتركيب بتوع أيه يا عم؟
دا شاي بس للراجل الى هيحل الاكصدام ويركبيه تانى
250 جنيه أعمال كهربا دا ياعينى واحد هيعد يومين يحل الفانوس الخلفى ويرجع يركبه تانى بعد السمكره هيشقى طبعا :)
350 جنيه أعمال سروجى وطبعا دا الراجل بردو الى هيشقى فى شيل فرش الشنطه
طبعا أنا ماليش دعوه التأمين هو الى هيشيل والغريب أنه معترضش!!!
الرخم بقى قالى العربيه هتعد 6 أسابيع :S
على خبطه متدخدش يومين عمى
وطبعا غصبن عنى لازم أوافق
وتعد 15 يوم كدا حجز ميتحطش فيها أيد
طيب يا عم أخدها أنا ال15 يوم دول وأجبهملك بعدها
شوف الغباء بقى:
أه يا باشا ممكن بس لما ترجعا تعد 15 يوم بردو قبل متتعمل :S
لا والله أتحلت :)
المهم سبتها وربنا يعنى على فراقها والى مهون عليه أن العربيه بتخرج من التوكيل زى الزيرو بجد ومفهاش غلطه بقى زى بره
يا مسهل يا رب