الموضوع: حملة نايل موتورز للإساءة إلى الدنمارك

يا جماعه معلش هو لما قيل لموسى علية السلام (إذهب أنت وربك فقاتلا إنا ها هنا قاعدون)مش ده كان غلط؟ وبالدليل إن ربنا نصره واللي معاه.
طيب لية إحنا نعمل كده ونبقى في نفس موقفهم لما قالوا كده.
إحنا طبعا مسامحين لإن ده من تعاليم دينا .
طيب مثال لو واحد وصديقه مثلا مش في بعض الأحيان لما بياخدوا على بعض ويكون فيه بينهم تسامح ومواده ممكن حد فيهم يستغل كده ويسوء فيها فالتانى يقول يارتنى ماكنت أخدته عليا ووريته العين الحمرا ؟صح؟هو برضو ده نفس الموقف.

Mido80 احنا ممكن نعمل كدة ونسكت لو احنا ضعفاء. سيدنا موسي واتباعة كانوا قلة قليلة انما المسلمين في العالم الان يتعدوا المليار يعني فية قوة وفية فكر بس للاسف مافيش اتحاد علي كلمة واحدة ودة اللي مودينا في داهية. بالنسبة لنا احنا في مصر ابسط شئ نعملة هو اولا المقاطعة ثم طرد السفير الدنماركي من القاهرة ودي ممكن تكون ذريعة لباقي الدول الاسلامية لاتباعنا وعمل نفس الشئ. المسالة يا جماعة ليست مجرد صحفي بيرسم ويصور وينشر، المسالة اكبر من كدة بكتير وراها تخطيط وفكر لتدمير كيان الاسلام (لا قدر الله) ودة طبعا بياكد ان امريكا ليها يد في الموضوع.

ما عشان كده مش عايزين نسكت إذا كان على مستوى الساسه مش حيطردوا حد ولا يعملوا حاجة .. ويقولوا ده كان اللي حصل حصل من أفراد طيب أحنا كمان أفراد فنعمل زي ما بيعملوا ...ونخلي الحكومات برة اللعبة بدل مش عايزين يتحركوا ..

إحنا ممكن نبدء من هنا يا جماعة الخير وزي ما قال ال‘ضاء المؤيدين سابقا أن الحملة دي ناوين يمتدد مجالاها لباقي المنتديات و الفايس بوك و الأذاعات
يا جماعة الله يكرمكو شوية تشجيع الله يرضى عليكم ... أحنا بس بنفكر بصوت عالي مع بعض وإنه الذوق معاهم مانفعش والسكوت أتفهم ضعف وهم أتأكدوا من كده وأتأكدوا إن مش بإيدنا حاجه

فلازم نرد بأي حاجه
وبعدين حكاية إن الرسول بيسب من زمان وأنا نسكت بصراحة دي سلبييييييييييييييييييييية يعني إيه رسولي وحبيبي يسب وأسكت ؟؟؟!


يا جماعة دانتا لو بتحب واحد أو واحده وحد أزى مشاعرة دا الواحد ممكن يقوم الدنيا ما يقعدهاش
طيب ليه بقى عند حبيبنا وشفيعنا




اللهم أرزقني جوار نبيك والشرب من حوضه يا رب العالمين...

أهلا بحضرتك يا أستاذي الفاضل engamrnour
أنا أتفق مع حضرتك جدا .....

عجبي على ناس تأخذهم الغيرة على أنفسهم وآبائهم وبلدهم ولا تأخذهم الغيرة على نبيهم يوم مولده الشريف .
وأصبحنا (نشحت) الغيرة على نبينا العظيم صلوات الله وسلامه عليه
لو حد أساء إليك وإلى أبوك ... وكان شخص شاذ ، حقير ، معروف بغطرسته وسفالته ،
رحت له لحد بيته وقلت له يصح تشتم ابويا كدة ، يقولك أيوة ، تحاول تفهمه إن ابوك كان راجل محترم يستهزأ بيك ، تحاول تقوله طب تعال نتناقش ، يديك على قفاك ، وبعد ما تخرج من عنده ، يشتم ابوك تاني ، ويلم شلتة الوسخة وييجوا تحت بيتك وينزلوا كلهم فيك شتيمة ويلعنوا سنسفيل اللي جابك .
فترد وتقول خلاص مش مهم .. انا ابويا اتشتم قبل كدة
ولا تقول أنا اللي مش كويس ، وهاسيب ابوا يتشتم كل يوم وساعة ودقيقة لحد ما ابقى كويس ، وتحاول تبقى كويس فكل الناس اللي بيتعاملوا معاك يشاوروا عليك ويقولوا أهو هو ده المسخة اللي بيتلعن وياخد على قفاه ولا بيرد ، وتحاول تكسب تعاطفهم فيدوك بالجزمة القديمة .

لا وألف لا .. والله الذي لا إله إلا هو .. لأنصرن نبيك يا ربي ولو كره كل الناس .
قال صلى الله عليه وسلم : " لا يؤمن أحدكم حتى أكون أحب إليه من نفسه وماله وولده ووالده والناس أجمعين "

يا سادة الحملة ليست مطروحة للنقاش بالموافقة أو الرفض .. ولكنها دعوة للمشاركة في الحملة ..
من أراد أن يشارك فليشارك ، ومن لم يرد المشاركة فليكف عنا تثبيط هممنا
وليفتح المعارضون والمؤيدون موضوعات كتعليقات على الحملة بعيداً عن هذا الموضوع الذي نقبل فيه أفكار الرسوم ومساهمات الأعضاء .
وأرجو من الإدارة إنشاء موضوع تنقل فيه مداخلات التعليقات بالموافقة أو الرفض ، وليبقى هذا الموضوع للإسهام في الحملة فقط .

والله أنا لا زلت متعجباً بشدة ..
هذه حملة أساسها الفكر والمعرفة فهي دعوة لمعرفة الدنمارك معرفة حقيقية .
هذه حملة اساسها اللا عنف ، فهي ترد إساءة الرسم بالرسم
هذه حملة لا تتعرض للأديان رغم تعرضهم لديننا ، فنحن أسمى منهم
هذه حملة لا تعتمد على السخرية بالباطل ، فهي تسخر من حقائق قذرة يعيشون فيها .

فما المطلوب في النهاية وأي طريق آخر نسلك ...
يقول الله تعالى : { قل إن كان آباؤكم وأبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين }