انا نازل بورسعيد و عايز مشورتكم

**m.aligamal** · 28-09-2010 12:37 PM

انا ان شاء الله نازل بورسعيد هبط شويه حاجات كده و كنت عايز رئيكم
عايز اشترى مساعدين خلفين للكرستاله اصلى سامع تزيق غير طبيعى من يمه الككنبه ورا السائق يعنى بجد صوت لا يحتمل لدرجه انى بهز العربيه من بره اسمعه برضه فكنت عايز اشترى جوز مساعدين بالمره من هناك لكن هل الاستيراد ممكن يكون كويس يعنى اكيد انا هشترى و اركب فى بور سعيد فياريت لو حد من الاخوه فى بور سعيد يقلى على عفشجى جمب السوق و يكون كويس اشترى و اطلع اركب على طول و يا ترى المساعدين بعملو كام ؟؟؟
و عايز اشترى مارش استيراد بالمره لان الكهربائى بيقلى الاوتوماتك بتاعى بيعلق يعمل كام المارش ؟؟وهل ممكن بيع الاتوماتك بس؟؟؟
ايه تانى ممكن اجيبه من بور سعيد يعنى تكون حاجات كويسه و خفيفه للعربيه

**tarek250** · 28-09-2010 12:48 PM

السلام عليكم
اولا بالنسبة لتغير المساعدين استيراد لا انصحك اشتيرهم جديد احسن من الاستيراد & واما المارش ممكن تجيبة استيراد

**m.aligamal** · 28-09-2010 01:03 PM

حضرتك الجداد برضه غالين و مش الاصلى غير انهم مش معمرين

**M.Nasr** · 28-09-2010 02:02 PM

متابع

**el931** · 28-09-2010 02:27 PM

لا انصح حضرتك بمساعدين استيراد لان اكيد بيتأثروا بالاستهلاك
واغلب شغل العفشة يفضل شراء الجديد
اما المارش فمن الممكن لو حالتة حلوة تجيبة استيراد

**husseinsalah** · 28-09-2010 02:59 PM

المشاركة الأصلية كتبت بواسطة tarek250

السلام عليكم
اولا بالنسبة لتغير المساعدين استيراد لا انصحك اشتيرهم جديد احسن من الاستيراد & واما المارش ممكن تجيبة استيراد

11111111111111111111111

**ayman97** · 28-09-2010 02:59 PM

أنا عن تجربة هقول لك، نزلت في رمضان وجبت جوز مساعدين أمامى بس ما ركبتهمش في بورسعيد، وبعد كام يوم حسيت ان المساعدين مش مظبوطين رجعت للعفشجي قالى رجعهم لانهم خفاف، طبعاً ما نفعش يرجعوا وندمت اني ما زودتش شوية وجبت جديد أفضل،
أما الأتوماتك فبيتباع لوحده أو مع المارش موجود في المحلات وكمان مع العربيات اللى فارشة وبنص التمن، وممكن لو عايز مراوح أو كشافات أصلية زجاج ودينامو وكمبريسور ولو عايز رفايع(كتاوت،مفاتيح نور ورفع زجاج وماكينات مساحات ومياة مساحات كلاكسات ...) فمن العربات وبيجربهالك قبل الشراء

**Haitham10** · 29-09-2010 02:35 AM

نصيحة مني

لو عايز تسليك مؤقت بدل ماهي خربانة خالص يبقي هات استيراد ويبقي نص العمى ولا العمى كله ودى بترجع حسب ظروفك طبعا

انما اكيد الجديد احسن حتي لو مش زي الاصلي لانك عمرك ماهتلاقي اصلي في حالة الجديد وياريت في نص حالته كمان دي بتبقي لقط

عموما الي ورا دول ممكن تجيبهم كدة كدة استيراد حالة نضيفه مفيش مشكلة وهتوفر معاك فحدود 300 400 جنيه انت اولي بيهم تحط فوقهم 200 وتجيب اتنين امامي جداد وتتمتع بيهم
وابقي قولنا عملت ايه هناك وشفت ايه للانسر