صحيت الصبح ادور علي موبايلي ملقيتهوش لاني بحطه جنبي وانا نايم
رنيت عليه من الموبايل التاني لقيته مقفول
طلعت الصاله
لقيت باب الشقه مكسور والترابيس والطبله متعلقين في الباب
ناديت علي امي اكتشفنا ان موبايلها وشنطتها كمان اتسرقوا
وباب الشقه متبهدل بعتله
اتصلت بالنجده الساعه 11
11 و20 دقيقه لقيت معاينه من المباحث جت من القسم
وسالوني تتهم مين
واتهمنا البوابه بتاعه العماره لانها من زمان مشكوك فيها وطلبنا من صاحب البيت يمشيها وممشيتش
وعملت المحضر
ورايح النيابه الساعه 7 علشان اكمل الموضوع
طبعا الناس الي حتسال اساله من عينه وانت كنت فين
ومصحيتش ازاي والحاجات دي
فعاوز اقولهم اني لو صحيت كان زماني يا بكتب عن حد قتلته
يا عن حد قتلني
الحمد لله علي كل حاجه
وخدوا بالكم علي بيوتكم وامنوها كويس