الموضوع: سؤال لكل مالكي جين 2 !! مانيوال ولا اتوماتيك ؟؟ ايهما افضل ؟؟؟

المشاركة الأصلية كتبت بواسطة eslam_wega

يا جماعة انا معيا جين 2 مانويل قربت اكمل بيها سنة الحمدلله
مين قال ان سواقتها متعبة فى الزحمة طبعا هى مش مريحة زى الاوتو بس فى نفس الوقت مش متعبة للدرجة دى
بسبب اولا الجين متورها عالى سنة بمعنى ان العربية بتطلع لوحدها بمجرد ما تسيب سنة بسيطة من الدبرياج غير ان الدبرياج نفسه عالى ومش تقيل والغيارات ناعمة (بس بعد فترة اول ما بتجيب العربية بتكون نشفة جدا ) غير ان غيارتها نفسها طويل جدا يعنى مش شرط تنقل كل شوية
بس طبعا لو زحمة والطريق واقف خالص لمدة ساعتين او تلاتة يبقا هات الاوتو من غير تفكير لكن لو طريقك يبقا فى حتة زحمة مثلا وبتعدى منها فى خلال نص ساعة هات المانويل لان المانويل بتاع الجين خصوصا قصة تانية

فعلا ياباشا اللي اعرفه ان المانيوال بتاعها مميز جدا وسريع
بس للاسف الزحمة الشديدة داخل القاهرة والوقفة ساعتين في اشارات ووجع دماغ هو اللي بيضطر الواحد يجيب اوتوماتيك
وكثير من الناس بتضطر تجيب مانيوال علشان السعر زي مثلا الالنترا والكيا والهيونداي وكل الكوري بصفة عامة بصفة عامة انما في الجين 2 الفرق بسيط

المشاركة الأصلية كتبت بواسطة Tarek Gen 2

يا اسلام كل ده صح اه بس البلد فاضية زحمة محتاجة اوتو خلاص
البلد يقت صعبــــــــــــــــــــــ ـــــة و لا تطاق
البلد فيها طريق حارتين فقط بيمشى فيه عجل - فسب - موتسيكلات - ريسات - عربيات - تكسيات - مكروبصات - جمعيات - تكاتك - و نوعية معينة من بنى أدمين و دول حطيتهم مع وسائل المواصلات لانه بيمشى فى طريقنا عادى جدا و فى نص الشارع و احيانا بيزعقلك لو اديته كلكس بل بيصل بيه الجبروت انه يكسر عليك كمان !!

ده كله غير الركنة و غير المشى عكس و غير حاجات كتير

و بتفكر !! اشترى اوتو وانتا مغمض و استغنى عن متعة المانوال

ضيف علي كده المطبات والكلاب والقطط اللي في الشارع
والزبالين اللي بيكنسوا وبيطلعوا فجأه تلاقيهم قدام عربيتك
وممكن تلاقي واحد طالع من بلاعة المجاري
كل شئ جايز في مصر
انا ليا قريبي كبير في السن بيسوق في السعودية والامارات ويجي هنا ياخد تاكسيات
او يستني حد من ولاده يوصله
ولا يجرؤ علي سواقة السيارات في مصر اطلاقا
وفي نفس الوقت لو ذهب مواطن مصري وساق علي قوانين مصر خارج مصر طول ماهو ماشي هياخد في مخالفات
ابسطهم لو رمي سيجارة من الشباك زي ماحصل لصاحبي في امريكا وهو مكانش يعرف انه بيتصور
متصور 4 صور لمراحل القاء السيجارة
لما بيمسكها بصباعين
وبعدين لما بينطرها بضفرة
وبعدين وهيا طايرة في الهواء
واخرهم وهيا بتنزل علي الارض
تخيلوا ووصلت الغرامة الي 1000 دولار تقريبا ورأفو بحاله لانه مغترب ولم يكن يعلم وخلوها 500 بس علي ما افتكر
واحنا عندنا هنا ممكن حد يعتبر الاسفلت هو الحمام بتاع بيتهم ويسيب الامانة عليه وهو قايم يرفع البنطلون يلاقي 20 جنيه واقعة علي الارض جنبه كما يبقي ........ وكمان خد فلوس شوفتها بعيني في احد الاحياء الراقية
ههههههههههههه

المشاركة الأصلية كتبت بواسطة spiderloking

هموت من الضحك ملهاش حل الجمله اللي فاتت ديه

فعلا الواحد طول ماهو ماشي بيقابل حاجات غريبة
في ناس ممكن تقفلها بالعربية علشان تخليهم يعدو الشارع
ويحسسوك انها غلطة عمرك انك عملت كده
يقعدو يعدو بالتصوير البطئ والشارع كله يقعد يزعقلك وفي بعض الاحيان يشتم
مع العلم ان اللي بيعدي الشارع لاهو عجوز ولا اعمي
بس برضو بيعدي بالتصوير البطئ

المشاركة الأصلية كتبت بواسطة eslam_wega

ههههههههههههههههههههههههه هههههههههههههههههههههههه
حرام عليكم تعبت من كتر الدحك اية البلاوى دى كلها مش ممكن
دة بالنظام دة ولا مانويل ولا اوتو حتى
الواحد يجيب فزبا احسن

انا اول مرة ركبت عربية وحبيت ادرب نفسي علي السواقة
دخلت بيها حتت غريبة وطلعتني علي سوق الخميس اللي كان في المطرية
دخلت السوق الساعة 11 الظهر خرجت منه الساعة 5 المغرب
والمفاجأة كنت تايه وواحد ابن تــــــــيـــــــت قالي خش يمين في شمال وراح مطلعني علي شارع سوق الخميس بالعكس ابن ال ...... وطلعت في السوق وعينك ماتشوف الا النور
بقيت مطلع ايدي الشمال من الشباك بزق الناس علشان اعدي
الناس في السوق صوت الكلاكس بالنسبالها زي صوت البط والفراخ اللي بيتباع في السوق ولا يدل لهم علي اني عايز اعدي ولا حاجة
هههههههههههه
وكان في ميكروباصات ماشية بالعكس معايا وكل شوية يفتحو الباب وانا احوش الباب بتاعهم بايدي ليحك العربية او يكسرلي المراية
طبعا بعد ماخرجت من السوق اتشاهدت علي روحي وقولت تاني مرة ماأسمعش كلام اي حد بيفتي
ومرة تانية
كان عندي مشكله في عربيتي القديمةاللي هيا حاليا لسة معايا
انك لما بتغسل العربية الكلاكس بيبوظ لمده 3 او 4 ايام
علشان الكلاكس بتاعة متعلق جنب الكاوتش الايسر الامامي
المهم ماشي بالعربية في شارع ضيق في العتبة وطبعا بدون كلاكس وطبعا انتو عارفين المشي في مصر بدون كلاكس زي اللي بدراع واحد ومتشعلق في جبل وعايز يهرش في ........... احم احم المهم ده بس للتشبيه
2 نايمين علي موتوسيكل وواقفين علي جنب بس مش علي جنب اوي والشارع ضيق لازم يحضن شويه فانا بكل ادب يااستاذ
ياريس ياحج يابشمهندزززز طبعا ولا حياة لمن تنادي المهم رحت نازل من العربية ومخبط علي كتف الراجل اللي نايم ورا السواق وقولتله عايز اعدي ورجعت العربية بسرعة
وده راح متمطع ومتاوب وداعك في عينيه وباصصلي بعد لما رجعت العربية وبعدين راح مكمل نومه ومقالش للسواق حاجة
وانا قاعد في العربية هاتشل
لامني عارف ارجع ورا ولامني عارف اعدي
واحد ابن حلال في رأيي بس هو عيل مؤذي راح دلق عليهم ميه من البلكونة وجري راحو صحيوا مفزوعين واتحركو بالموتوسيكل علشان ينامو في حته تانية
وانا سبحان من صبرني ده كله والحرارة كانت يجي 40 والرطوبة عالية ومفيش تكييف في العربية
فامتقلقوش الشارع المصري في تحسن
وكله هايتصلح بأمر الله علي رأي فيلم النوم في العسل