الحمد لله ربنا وفقنى امبارح ولقت الطنابير الخلفية الديسكات عند مسعد وعدلى ، عملت مع دييل حلو خد الطنابير القديمة بتاعتى ودفعت 1500 جنية فرق وخد فى الاخر 100 جنية مصنعية، المهم ان الفرامل اختلفت تماما عن الاول ده طبعا غير انها مش محتاجة يتعملها رجلاش كل اسبوع زى الطنابير القديمه اللى زهقتنى ، الحمد لله جربت الفرامل على جميع السرعات و فى الملفات مفيش اى انحراف او اى اختلاف فى اتزان العربية ، ده غير انى حسيت ان صوت خبط ال abs قل شوية عن الاول .

العملية كلها تقريبا خدت ساعتين شغل ، اهم خطوة انه لازم يفك الكونسول الداخلى عشان يركب سلك فرامل اليد بتاع الطنابير الجديده ، وكنت خايف الحقيقة من الموضوع ده بس الحمد لله قدرت افكها بأيدى عشان مفيش كلبسات تتكسر كالعادة ، وعلمتة يفكها ازاى عشان لو حد راحلة تانى (عاطف الصنايعى اللى شغال مع مسعد وافضل واحد عنده)