انا خلاص غلب حمارى مع عربيتى

**mohnagy012** · 29-09-2010 01:29 PM

انا خلاص غلب حمارى مع عربيتى مبقتش عارف اعملها ايه تانى انا معايا عربيه فلوريدا 2006 ولسه عامل فيها عمره غيرت فيها كل حاجه مسبتش حاجه فى الموتور مغيرتهاش حتى الرداتير غيرته بواحد اكبر قولت يالله بالمره وبرده العربيه مش مزبوطه فيها تزييق من عند العجل مع انى مغير الكبالن وجايب والله الايطالى بالضمان وبسمع لما العربيه بتسخن والحراره بتبقى تسعين زى صوت كركره فى الجربوكس كأن واحد قاعد بيحشش جوا ده غير الرجه اللى العربيه بتبقى فيها وانا واقف فى السلانسيه والرعشه اول ما اجى اطلع بالعربيه وتخبيط من تحت واروح للميكانيكى ىقولى العربيه زى الفل والار بى ام عنك تمام عايز ايه تانى لما بفهمه اللى انا قولتهولكم يروح يوطيلى الكهربه شويه ويضبطلى الكربراتير الاقى الار بى ام بقى واحد ونص ومفيش سحب اروحله تانى يعليلى الكهربا ويعلى الار بى ام علشان الرجرجه مش عارف اعمل ايه انا زهقت واربت انتحر بسببها انا صرفت عليها فى العمره 4000 جنيه ومتمرش فيها برضه اعمل ايه

**mohnagy012** · 29-09-2010 01:43 PM

هو انا لسه مصعبتش على حد

**hatchy** · 29-09-2010 01:47 PM

ربنا يقويك على ما بلاك

**mohamed_rhem** · 29-09-2010 01:58 PM

يا عم روق بس كده

وانشاء الله تطلع حاجه بسيطه

انت متأكد انها كربراتير مش انجكشن

عموما انا حديلك تليفون مركز متخصص في الموضوع ده
مركز خدمه اليابانيه
صاحبه اسمه:احمد صفر
العنوان:31 شارع طومان باي منشيه البكري امام مركز دايو ابوغالي.
هو مصنعيته رخيصه جدا جدا وعنده ميكانيكيه شاطره
تليفونه :24520223

**thedeveloper87** · 29-09-2010 02:16 PM

المشاركة الأصلية كتبت بواسطة mohnagy012

حتى الرداتير غيرته بواحد اكبر قولت يالله بالمره

ليه جبت رادياتير أكبر من اللي عندك؟ وظيفة دورة التبريد عامة إنها تحافظ على درجة حرارة الموتور عندك وهي حرارة التشغيل (اللي هي 90 عندك) بحيث الموتور مايسخنش ، وطالما جبت رادياتير أكبر يبقى حضرتك رميت فلوس في الأرض.

المشاركة الأصلية كتبت بواسطة mohnagy012

فيها تزييق من عند العجل

اكشف على جلب المقصات ، وسوست التيل.

المشاركة الأصلية كتبت بواسطة mohnagy012

صوت كركره فى الجربوكس

في الجيربوكس ولا الموتور؟؟؟ لو في الموتور ، حضرتك بتستعمل بنزين كام؟
لو في الجيربوكس.. النقلات بتيجي معاك كويس ولا بتيجي بالعافية شوية؟؟ لو كده اكشف على زيت الفتيس عند الميكانيكي

المشاركة الأصلية كتبت بواسطة mohnagy012

الرجه اللى العربيه بتبقى فيها وانا واقف فى السلانسيه والرعشه اول ما اجى اطلع بالعربيه وتخبيط من تحت

سؤال: السلانسيه عندك على آر بي إم كام؟
بالنسبة للرعشة وانت طالع بالعربية فا دي غالبا ديسك
أما التخبيط من تحت وانت طالع برضه ، اكشف على قواعد الموتور.

حضرتك متأكد إن العربية دي 2006؟؟؟؟؟؟؟؟

الخلاصة: لو حضرتك من القاهرة إن شاء الله أنا رايح لعفشجي كويس جدا في الحرفيين بكره أو بعده (يوم الخميس أو الجمعة) ، فلو حضرتك حابب نتقابل ونروح مع بعض مفيش مشاكل

**mohnagy012** · 29-09-2010 02:26 PM

انا والله من اسكندريه وعلى فكره انا مغير اسطوانه وديسك فى العمره والاربى ام السلانسيه 8 يعنى قبل العشره بحاجه بسيطه وبرضه فيه رجه فى العربيه كلها وخصزصا فى الدريكسيون ومجش لاقيلها حل وانا مغير جلب ومقصات وعامل حشو للاسكاترا

**thedeveloper87** · 29-09-2010 04:24 PM

خلي ميكانيكي شاطر يكشف على قواعد الموتور عندك

وشوف قسم فيات لو حد من اسكندرية يدلك على واحد كويس

**sherb0** · 29-09-2010 04:53 PM

باشا

حلك عند علي عفشه ده يا سيدي في شارع سيف الموازي لشارع القاهرة في سيدي بشر من ورا

**sherb0** · 29-09-2010 05:03 PM

والميكانيكي اسمه هشام في الملاحة أول الشارع بتاعه توكيل تويوتا

-

الموضوع: انا خلاص غلب حمارى مع عربيتى

LinkBack

أدوات الموضوع

عرض

-

-

-

-

-

المواضيع المتشابهه

أنا خلاص خلاص بجد بقيت نيساناوى بجد

هو انا كده خلاص اتجننت لانى بكلم عربيتى و متعلق بيها

هو انا كده خلاص اتجننت لانى بكلم عربيتى و متعلق بيها

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

ياريت حد يساعدنى فى مشكلة الفرامل فى عربيتى عشام خلاص حتجنن

الكلمات الدلالية لهذا الموضوع

المفضلات

المفضلات

ضوابط المشاركة